3. kafli
Fæðing Jóhannesar skírara
Engillinn Gabríel sagði Maríu að Elísabet myndi einnig eignast lítinn dreng. María og Elísabet voru frænkur.
María fór að heimsækja Elísabetu. Heilagur andi sagði Elísabetu að María yrði móðir Jesú Krists. María og Elísabet þökkuðu Guði fyrir að blessa þær. María dvaldi hjá Elísabetu í um þrjá mánuði. Svo fór María aftur heim til Nasaret.
Sonur Elísabetar fæddist. Vinir hennar og fjölskylda voru hamingjusöm. Þau töldu að barnið ætti að bera sama nafn og faðir þess, Sakaría. En Elísabet sagði að nafn hans yrði Jóhannes. Allir urðu undrandi.
Sakaría var spurður að því, hvað nafn drengsins ætti að vera. Sakaría gat ekki enn talað, svo hann skrifaði: „Nafn hans er Jóhannes.”
Þá gat Sakaría talað að nýju. Hann fylltist heilögum anda. Hann sagði fólkinu, að Jesús Kristur sonur Guðs myndi brátt fæðast og Jóhannes myndi búa fólkið undir komu hans.
Jóhannes óx úr grasi og varð mikill spámaður. Hann kenndi fólkinu um Jesú Krist.