ʻOkatopa: Hoko ʻo Anga Faka-Kalaisi Ange
“Pea talaange ʻe Sīsū kiate ia, Ko au ko e halá, mo e moʻoní, pea mo e moʻuí” (Sione 14:6).
ʻE tokoni e ngaahi fokotuʻutuʻu ʻi he ʻiuniti ko ʻení ke mahino ki he toʻu tupú e founga ki hono ako mo akoʻi e ongoongoleleí ʻo hangē ko ia ne fai ʻe he Fakamoʻuí. ʻE hoko e toʻu tupú ko ha kau ako lelei ange ʻo e ongoongoleleí ʻi heʻenau feinga ke fakatupulaki e ngaahi ʻulungaanga faka-Kalaisi hangē ko e talangofuá mo e angavaivaí. Te nau hoko ko ha kau faiako lelei ange ʻi heʻenau ako kau ki he founga hono akoʻi ʻe Sīsū Kalaisi e niʻihi kehé pea feinga ke faʻifaʻitaki ki Heʻene sīpingá.
Ngaahi fokotuʻutuʻu ke fili mei ai he māhina ní:
-
Te u fakaafeʻi fēfē ʻa e niʻihi kehé ke hoko ʻo tatau ange mo e Fakamoʻuí?
-
Te u fakahaaʻi fēfē ʻeku ʻofá kiate kinautolu ʻoku ou akoʻí?
-
Te u ngāue ʻaki fēfē ʻa e folofolá ke tokoniʻi e niʻihi kehé ke nau anga faka-Kalaisi ange?
-
Ko e hā ha founga ʻe lava ke u fakaʻaongaʻi lelei ai e ngaahi fehuʻí ʻi heʻeku faiakó?