Nōvema: Moʻui Fakafalala Fakalaumālie mo Fakatuʻasino pē Kiate Kita
“He ʻoku ʻiate kinautolu ʻa e mālohi, ʻa ia ʻoku nau hoko ai ko e niʻihi ke fili maʻanautolu” (T&F 58:28).
ʻE tokoni e ngaahi fokotuʻutuʻu ʻi he ʻiuniti ko ʻení ki he toʻu tupú ke nau fakatupulaki e ngaahi pōtoʻi ngāue te nau fie maʻu ke nau hoko ai ʻo moʻui fakafalala fakalaumālie pē kiate kinautolú. Te nau toe ako ai e ʻuhinga ʻo e moʻui fakafalala fakatuʻasino pē kiate kinautolú. Ke lavaʻi e ngaahi ʻahiʻahi ʻoku nau fehangahangai fakaʻaho mo iá, ʻe fie maʻu ke maʻu pē haʻanau fakamoʻoni ʻiate kinautolu—he ʻikai ke nau lava ʻo fakafalala maʻu pē ki he fakamoʻoni ʻa e niʻihi kehé. Te ke lava ke tokoni ke nau ako ki he founga hono kumi e tali ki he ngaahi fehuʻi ʻo e ongoongoleleí mo maʻu haʻanau fakamoʻoni ʻanautolu pē ki he moʻoní. ʻI heʻenau moʻui fakafalala pē kiate kinautolú, te nau mateuteu lelei ange ai ke tokoni mo tokangaʻi e fie maʻu ʻa e niʻihi kehé.