Tiseba: Tara cake na Matanitu ni Kalou ena Veisiga Edaidai

“Ia me yaco tikoga na matanitu ni Kalou, me yaco mai kina na matanitu vakalomalagi” (V&V 65:6).

O ira na itabagone ena nomu kalasi era a talai mai ki vuravura ena gauna bibi oqo me ra veivuke ena kena vakarautaki na vuravura me baleta na iKarua ni nona Lesu Mai na iVakabula. Sa tu vei ira na veimataqali isolisoli kei na taledi vakatabakidua ka vinakata na Turaga mera vakayagataka ena nodra veivuke ena tarai ni Nona matanitu kei na wasei ni Nona kosipeli. Ena vukei ira ena nodra vakatubura na veisolisoli oqori na veilesoni ena tabana oqo ka mera vakavakarau kina mera iliuliu ka qasenivuli ena Lotu kei na matanitu ni Kalou.

Oqo na ituvatuva me digitaki ena vula oqo:

• Na Siganisucu: Meu na wasea vakacava na noqu ivakadinadina ni o Jisu Karisito na Luve ni Kalou?

• Au rawa ni vulica beka vakacava me mana cake na noqu veiqaravi ena Lotu?

• Meu iliuliu vinaka cake vakacava?

• Meu qasenivuli vinaka cake beka vakacava?

• Na sala mana cava soti me da wasea kina na kosipeli vei ira tale eso?

• Meu kila beka vakacava na ivakatakarakara e vakayagataki me vakavulici kina na iKarua ni Lesu Mai?

• Na cava beka e rawa niu vulica mai na ivolanikalou me vukei au ena noqu vakavakarau ki na iKarua ni Lesu Mai?