Na cava e bibi kina na vakavulici ni kosipeli ena yavu ni veivakabulai?

Ena kena gadrevi me vakayacori na inaki ni yavu ni bula marau, sa dodonu vei ira na luvena na Tamada Vakalomalagi mera vulica na kosipeli. Ena vuku ni ka oqo, sa gadrevi keda yadua kina na Kalou meda vakavulica na kosipeli ki na noda matavuvale, ki na lewe ni Lotu tale eso, ka vakakina vei ira era se bera ni ciqoma na kosipeli.

Mo vakarautaki iko vakayalo

O sa vakauqeti vakacava mai vua e dua na qasenivuli ni kosipeli? O sa vakauqeti ira tiko vakacava o ira o vakavulici ira tiko?

O cei tale e vakavulici ira tiko na itabagone ena nomu kalasi? Era sa veivakauqeti tiko vakacava na qasenivuli oqo ki na nodra bula na itabagone?

Na gauna cava soti era sa veivakavulici kina na itabagone? Era sa vukei ira vakacava na tani?

Vulica ena yalomasumasu na veiivolanikalou kei na ivurevure oqo. Na veika cava o vakila ni o rere ni wasea vei ira na itabagone?

Luke 2:46–52 (Ni se gone sara, a vakavuvulitaka na iVakabula na dina ni kosipeli vei ira na tani); raica talega na vidio ni iVolatabu “Young Jesus Teaches in the Temple”

2 Nifai 2:8 (E cecere sara na kena bibi me ra vakatakilai na veika oqo)

V&V 43:8; 88:77–80 (Sa vakaroti keda kina na Turaga meda veivakavulici vakai keda)

Vidio:“Teaching Helps Save Lives”

Semata vata

Ena imatai ni vica na miniti ni kalasi yadua, vukei ira na itabagone mera semasemata vata na veika era sa vulica tiko ena veikalasi (me vaka na vuli yadudua, semineri, so tale na kalasi ni Lotu se na ka era sotava kei ira na nodra itokani). Ena rawa vakacava mo vukei ira mera raica na kena yaga na kosipeli ena nodra bula e veisiga? Na veivakasama ka koto oqo e ra ena rawa ni veivuke:

Talemuria na veika era vulica na itabagone ena Matawilivola ni Sigatabu ena macawa sa oti. Ena sala cava era tomana tiko kina na nodra vuli ena loma ni macawa?
Kerei ira na itabagone mera tukuna na gauna a vakavulici ira kina e dua ena ivakarau e vakaibalebale cake. Sa rawa talega mo wasea vakakina na ka o sotava.
Sureti ira na itabagone mera wasea na gauna era a vakavulica kina na kosipeli (me vakataka, ena itikotiko, dua na itokani, se ena lotu). Na cava e bibi kina na veivakavulici ena yavu ni Kalou baleti ira na Luvena?

Vulica vata

Na itaviqaravi yadua e ra ena vukei ira na itabagone mera kila vakavinaka na bibi ni kena vakavulici na kosipeli ena yavu nei Tamada Vakalomalagi. Mai na veivakauqeti ni Yalotabu, digitaka e dua se sivia ka na ganita na nomu kalasi:

Vakaraitaka e dua na iyaloyalo ni nona veivakavulici tiko na iVakabula e valetabu (raica iVola ni iYaloyalo Vakosipeli, 34), ka sureti ira na itabagone mera wilika na Luke 2:46–52(se vakaraitaka na vidio “Young Jesus Teaches in the Temple”). E kila vakacava na iVakabula, ena gauna mada ga se cauravou lailai kina, na kena bibi na veivakavulici? Na ivakavuvuli cava tale e tukuna vei keda na italanoa oqo me baleta na bibi ni veivakavulici ena yavu nei Tamada Vakalomalagi? Kerei ira na itabagone mera vakasamataka ka vola na veimadigi taucoko ni veivakavulici sa tu vei ira ena gauna oqo (vakayaloqaqataki ira mera okata talega na ituvaki tale eso, me vakataka na veivosaki kei ira na itokani). Sureti ira na itabagone mera digitaka e dua na ka mai na lisi oqo ka vakasamataka vakatitobu na taro oqo: “Meu na vukea vakacava na kena vakayacori na yavu nei Tamada Vakalomalagi ena noqu taura na madigi ni veivakavulici oqo?” Kerea mera wasea na nodra nanuma.
Vakaraitaka na vidio “Teaching Helps Save Lives,” ka kerei ira na itabagone mera vakasamataki ira na nodra qasenivuli taumada, oka kina na itubutubu kei na lewe tale eso ni matavuvale. Wasei ira mera veisasa, ka sureti ira mera tukuna vei kedra isa baleta na nodra dui qasenivuli era vakasamataka tiko. Era gugumatua vakacava na qasenivuli oqo? Era veivuke vakacava na qasenivuli oqo me vakayacori na ituvatuva nei Tamada Vakalomalagi? Na veika cava e rawa ni ra cakava na itabagone mera muria kina na nodra ivakaraitaki?

Kerei ira na itabagone mera wasea na veika era sa vulica nikua. Era sa kila vakavinaka tiko beka na inaki ni vakavulici ni kosipeli ena yavu ni veivakabulai? Na cava era sa bau vakila se vakanananu kina? E tiko tale beka eso na nodra vakatataro? Ena yaga dina beka me tauri vakalevu na gauna ena ulutaga oqo?

Me Veivuke ena Veivakavulici

“Na nomu itavi bibi mo vukei ira na so me ra vulica na kosipeli, e sega ni vaka mo solia e dua na vunau levu. E okati kina na nodra vakaitavitaki na lewenikalasi mera veivakavulici vakataki ira” ( Veituberi, Me iLutua ni Noda Bula[1999], 73).

Veisureti mera bulataka

Taroga ira na itabagone na vakasama cava e yaco vei ira nikua baleta na veivakavulici. Na cava e rawa ni ra cakava ena ka era sa vakasamataka oqo?
Wasea na nomu ivakadinadina baleta na bibi ni veivakavulici.