Au na sureti ira vakacava eso tale mera yaco me vakataka cake na iVakabula?

A sureti ira na Nona tisaipeli o Jisu Karisito mera muri Koya, muria na Nona ivakaro, ka yaco me vakataki Koya. Sa noda na itavi vakalewe ni Lotu, meda muria na Nona ivakaraitaki ka sureti ira tale eso mera vuli mai Vua.Sa rawa ni da vakavinakataka taucoko na noda sasaga ni sureti ira tale eso mera lako mai vei Karisito ka vakataucokotaki mai Vua.

Mo vakarautaki iko vakayalo

Na veisureti cava mai vei ira tale eso esa vukei iko mo va-Karisito vakalevu cake? O sa sureta vakacava eso tale mera cakava eso na veisau ena nodra bula ka na vukei ira mera vakataka cake na iVakabula?

Na madigi cava e tu vei ira na itabagone mera sureta kina eso tale mera cakava na veisau ki na nodra bula? O na rawa ni vukei ira vakacava mera rawata na igu ni vakayaco veisureti kivei ira tale eso mera vakataka vakalevu cake na Karisito?

Wilika ena masumasu na ivolanikalou kei na ivurevure oqo. Na cava ena vukei ira na itabagone mera kila deivaki na iwalewale ni nodra sureti tale eso mera lako mai vei Karisito?

Marika 10:17–22; Luke 10:25–37; (iVakaraitaki nei Jisu ni sureti ira tiko eso tale mera bulataka na ivakavuvuli ni kosipeli)

Maciu 11:28–30; Moronai 10:32 (Veisureti ni lako vei Karisito)

D. Todd Christofferson, “A Domo ni iVakasala,” Ensign se Liaona, Me 2017, 108–11

Bradley D. Foster, “E Sega ni sa Rui Totolo ka Sega ni sa Rui Bera,” Ensign se Liaona, Nove. 2015, 50–52

Henry B. Eyring, “Let Us Raise Our Voice of Warning,” Ensign se Liaona, Janu. 2009, 2–7

“Ena Rawa Vakacava Meu Vukei Ira na Tamata ena Nodra Cakava ka Taqomaka na Yalayala?” Vunautaka na Noqu Kosipeli (2004), 195null201

Vidio:“Inviting All to Come Unto Christ: Sharing the Gospel,” “Examples in Ministering,” “United as Members and Missionaries”

Veivakavulici ena ivakarau ni iVakabula

Ena gauna a rairai kina o Jisu Karisito vei ira na Nifai, a sureti ira o Koya mera lako mai Vua vakayadudua, me rawa ni ra raica, vakila, ka kilai Koya vakaiira (raica na 3 Nifai 11:13–17). Ena sala ni veisureti cava vei ira na itabagone sa na rawa mera kilai Jisu Karisito kina vakaiira?

Semata vata

Ena imatai ni vica na miniti ni kalasi yadua, vukei ira na itabagone mera semasemata vata na veika era sa vulica tiko ena veikalasi (me vaka na vuli yadudua, semineri, so tale na kalasi ni Lotu se na ka era sotava kei ira na nodra itokani). Ena rawa vakacava mo vukei ira mera raica na kena yaga na kosipeli ena nodra bula e veisiga? Na veivakasama ka koto oqo e ra ena rawa ni veivuke:

Sureta na itabagone mera wasea e dua na ka era se qai sotakaya ga ka ra a sureti mera bulataka kina e dua na ivakavuvuli ni kosipeli. E vukei ira vakacava na veisureti oqo me vakavinakataka na nodra bula ka yaco mera vakataka vakalevu cake na iVakabula?
Sureta na itabagone mera wilika ena ivolanikalou na ivakaraitaki eso ni iVakabula ni sureta tiko eso mera bulataka e dua na ivakavuvuli ni kosipeli (me ivakaraitaki, raica na ivolanikalou eso ena ituvatuva oqo). Na cava e rawa ni da vulica mai na ivakaraitaki ni iVakabula me baleta na nodra sureti eso tale mera bulataka na kosipeli?

Vulica vata

Na itaviqaravi yadua oqo ena vukei ira na itabagone mera kila deivaki na iwalewale ni sureti ira tale eso mera lako mai vei Karisito ka rawata vakadoudou ni cakava. Muria na veivakauqeti ni Yalotabu ena nomu digitaka e dua se sivia ka na ganita na nomu kalasi:

Sureti ira na itabagone mera wasea na ka era lako curuma gauna e dua e vakaraitaka vei iko e dua na ka rerevaki. E rawa vakacava na veika oqo me vaka na noda itavi e dau vakaraitaka vei ira na wekada kei ira na tu wavoliti keda me da sureti ira mera mai muri Jisu Karisito? Digitaka eso na tikini vosa nei Elder D. Todd Christofferson “A Domo ni iVakasala” mera wilika na itabagone, ka vaqara vakasala e solia o koya me baleta na noda itavi kei na domo ni ivakasala mai vei ira na tu wavoliti keda. Vakasamataka ka solia vei ira na itabagone eso na iulutaga ni vei ka ena yaco ka solia vei ira e dua na gauna me ra vakasalataka e dua na nodra itokoni me baleta na sau ni noda digidigi ka na vakacala na ivakaro. Solia na gauna vei ira na itabagone me ra wasea na ivakasala nei Elder Christofferson. Ena rawa vakacava ni o vakasalataka e dua e lewe ni Lotu kei dua e sega ni lewe ni noda vakabauta?
Sureta ira na lewe ni kalasi mera wilika na italanoa kei Pablo kei tamana ena vosa nei Elder Bradley D. Foster “E Sega ni sa Rui Totolo ka Sega ni sa Rui Bera.” A vukei Pablo vakacava o tamana me bula Vakarisito vakalevu cake? Mera na bulataka vakacava na itabagone na veika era sa vulica mai na italanoa oqo ni ra sureti ira na tamata mera bula Vakarisito vakalevu cake? Me ivakaraitaki, nomu sureti ira na itabagone mera vakatasuasuataka na ivakarau a vakayagataka o tamai Pablo mera vukea kina e dua na itokani se lewe ni matavuvale mena bulataka e dua na ivakavuvuli ni kosipeli e luluqa tiko kina.
Wilika vakalasi na iwasewase ka vakatokai na “ Taroga Vakadodonu na Veitaro” ena Vunautaka na Noqu Kosipeli, tabana 223. Sureta na itabagone mera vakasamataka eso na ituvaki ka rawa ni ra vakayagataka kina na taro me vukea e dua na itokani se lewe ni matavuvale ni cakava eso na veisau momona ena nona bula (eso na ivakaraitaki ena rawa ni oka kina na vukei ni dua na itokani me uabaleta na ivakarau tudei ni vosa ca se vakayaloqaqataki ni dua na lewe ni matavuvale me laki lotu). Na cava eso na taro vakadodonu e rawa ni ra taroga ena ituvaki vakaoqo? E rawa vakacava ni ra taroga na taro vakaoqo? Ena gauna cava e rawa ni ra taroga kina? Navuca me veivosakitaki na iwasewase tale eso ena wase“ Ena Rawa Vakacava Meu Vukei Ira na Tamata ena Nodra Cakava ka Taqomaka na Yalayala?” ena draunipepa 221-230 ena Vunautaka na Noqu Kosipeli.
Sureta na itabagone mera vakasamataka e dua na tamata era na vinakata mera sureta me bulataka e dua na ivakavuvuli ni kosipeli. Kerei ira mera wilika na iwasewase ka vakatokai “Love Comes First” ena vosa nei Peresitedi Henry B. Eyring “Let Us Raise Our Voice of Warning“ se sarava na vidio ”Examples in Ministering.“ Sureti ira mera vola ena papa ni volavola na ivakavuvuli era sa vulica ka na vukei ira mera dodoliga ka veisureti ki na tamata era sa vakasamataka tiko. Mera na dodoliga vakacava ni veisureti? Na cava mera na kaya?
Sureta na itabagone mera wilika na ivolanikalou ena ituvatuva oqo ka umani kina na veisureti ni lako mai vei Karisito. Na veivakalougatataki cava sa yalataki tu vei ira ka ra lako mai vei Karisito ena ivolanikalou eso oqo? Vakaraitaka e dua vei ira na vidio e vakaturi tiko ena ituvatuva oqo, ka sureta na itabagone mera wasea na iwalewale era a vakalougatataki kina na cauravou ena vidio mai na veisureti rawarawa ni nodra itokani kei na lewe ni matavuvale. Na veisureti rawarawa cava e rawa ni ra cakava na itabagone kivei ira na nodra itokani kei na lewe ni matavuvale? Ena vakalougatataki vakacava na nodra itokani kei na matavuvale mai na ciqomi ni veisureti?

Kerei ira na itabagone me ra wasea na veika era sa vulica nikua. Era sa kila deivaki li na iwalewale ni nodra sureti tale eso mera yaco me vakataka cake na iVakabula? Na cava era sa vakila se nanuma kina? E tiko tale beka eso na nodra vakatataro? Ena yaga beka me na tauri vakalevu na gauna ena ulutaga oqo?

Veisureti me caka

Tarogi ira na itabagone, se cava era sa vakauqeti kina me ra cakava baleta na veika era sa vulica nikua. Vakauqeti ira mera cakava na ka era sa vakila. Vakasamataka na sala e rawa mo vakamuria.