Meu na vakavulici ira vakacava na tamata mera cakava na nodra cakacaka ni tuva kawa?

Sa vakarautaka tu na Turaga na tekinolaji totoka sara ena noda gauna oqo me rawa ni da vulica kina na veika baleti ira na noda qase e liu ka cakava na cakacaka vakalotu ena vukudra e valetabu. Ena sala vata oqori, sa vakarautaki ira kina na itabagone ni itabagauna oqo na Turaga ena gugumatua mera vulica kina na kena vakayagataki na tekinolaji oqo mera na cau kina ki na cakacaka bibi oqo. Me ikuri ni noda vakadikeva na noda dui tuva kawa, sa rawa meda vukei ira na tamata era sega soti ni kila na ivurevure ni tuva kawa. Ena sala oqo, eda na vukei ira mera vakila na yalo ni cakacaka bibi oqo ka veivuke ki na nodra vakabulai na noda qase e liu era sa takali yani.

Mo vakarautaki iko vakayalo

Na madigi cava soti o sa vukei ira kina na tamata mera vulica na veika ni tuva kawa? Na gauna cava mada o sa vakavulici kina mai vua e dua ena sala mo vakayacora kina na cakacaka ni tuva kawa?

Na kila-ka kei na rawa-ka cava o sa raica era rawa ni vakayagataka na itabagone mera vukei kina eso mera vulica na cakacaka ni tuva kawa? Na ivakadinadina cava o sa raica sa vakarautaka vei ira na Turaga me baleta na cakacaka bibi oqo?

Vulica ena masumasu na ivurevure oqo. Na cava o nanuma era na vakauqeti kina na itabagone mera vukei ira na tamata mera vulica na nodra tuva kawa?

V&V 128:16–18 (Na cakacaka vakalotu baleti ira na mate e tara cake e dua na isema veivauci ena kedra maliwa na itabatamata)

V&V 138:46–48 (Ena vakayacori e dua na cakacaka cecere ena valetabu ena noda gauna)

Russell M. Nelson, “iTabatamata era Semati ena Loloma,”Ensign, se Liaona, Me 2010, 91–94

David A. Bednar, “ Ena Vagolei na Lomadra na Gone,” Ensign se Liaona, Nove. 2011, 24–27

Vidio: “Sharing The Temple Challenge”

Veivakavulici ena ivakarau ni iVakabula

Ena ituvaki taucoko, sa yaco kina na iVakabula me noda ivakaraitaki uasivi sara ka noda dauveituberi. A vakavulici ira na Nona tisaipeli mera veivakavulici ena sala a vakavulici ira kina. Ena veivuke vakacava na nomu ivakaraitaki mera vakarautaki kina na itabagone mera vakavulici ira na tamata?

Semata vata

Raica eso tale na vakasama ni vuli kei na veivakavulici.

Ena imatai ni vica na miniti ni kalasi yadua, vukei ira na itabagone me ra semasemata vata na veika era sa vulica tiko ena veikalasi (me vaka na vuli yadua, semineri, so tale na kalasi ni Lotu se na ka era sotava vata kei ira na nodra itokani). Ena rawa vakacava mo vukei ira mera raica na kena yaga na kosipeli ena nodra bula e veisiga? Na veivakasama e koto e ra ena rawa ni vukei iko:

• Sureti ira na itabagone mera wasea na veika era sotava ni ra bulataka e dua na ka era a vulica mai dua na lesoni sa oti.

• Sureti ira na itabagone mera wasea na veika era sotava ni ra a vukea e dua me vulica na sala me vakayagataka kina na tekinolaji (me vakataka na kompiuta, talevoni veikauyaki, se iyaya vata vakaoqo). Wasea na itukutuku oqo mai vei Elder David A. Bednar : “Sa vakavulici na ligamuni mo ni vakau itukutuku me maqusataki ka vakatorocaketaki kina na cakacaka ni Turaga — sega walega me ia kina na veivosaki vakatotolo kei na nomuni itokani” (“Ena Vagolei na Lomadra na Gone,” Ensign se Liaona Nove. 2011, 26). Na cava eso na sala era nanuma na itabagone era rawa ni vakayagataka kina na nodra kila-ka ni tekinolaji mera vukei eso mera cakava na tuva kawa?

Vulica vata

Raica eso tale na vakasama ni vuli kei na veivakavulici.

Na itaviqaravi yadua e ra ena vukei ira na itabagone mera vulica na sala mera vukei ira na tamata mera vakaitavi ena cakacaka ni tuva kawa. Mai na veivakauqeti ni Yalotabu, digitaka e dua se sivia ka na ganita vinaka na nomu kalasi:

• Vakaraitaka na video “Sharing the Temple Challenge.” Sureti ira yadua na itabagone me ra vakasamataka mada e dua na itokani era gadreva me ra wasea vua na ibolebole oqo. Me vakasamataka vagumatua na kalasi na sala  me ra wasea kina na ibolebole oqo. Sa rawa mo sureti ira talega na itabagone me ra digitaka e dua na itaviqaravi ni tuva kawa era rawa ni wasea ena gauna ni lotu vakamatavuvale.   Raica na FamilyHistoryFHE.lds.org me baleta na veivakasama eso.

• Sureti ira na itabagone mera wilika na iwasewase ena ulutaga “Na Veisureti vei Ira na iTabatamata Era Tubu Cake Tiko Mai ” ena vosa nei Elder David A. Bednar “ Ena Vagolei na Lomadra na Gone.” Kerei ira mera raica na tikina eso ena vosa oqo ka sureti ira tiko kina na itabagone o Elder Bednar mera vukei ira na tamata ena cakacaka ni tuva kawa. Na cava e vakurabuitaki ira na itabagone me baleta na veisureti oqo? Me vola na kalasi, na sala eso mera na vakayacora kina na itabagone na veisureti nei Elder Bednar, ka sureti ira mera digitaka e dua na sala era sa vola mera na cakava va-kalasi.

• Sureti ira na itabagone mera raitayaloyalotaka ni ra sa vukea tiko e dua e se bera mada vakadua ni cakava na cakacaka ni tuva kawa. Vida na vosa nei Elder Russell M. Nelson “ iTabatamata Era Sema ena Loloma” vei ira na itabagone ka kerei ira mera wilika na nodra iwasewase, mera vakasaqara kina na veika era rawa ni wasea vei koya era vukea tiko me kila na cakacaka ni tuva kawa. Na ivolanikalou cava era na wasea? (Me kena ivakaraitaki, raica na ivolanikalou era volai tiko ena ituvatuva oqo.) Kerei ira mera wasea na veika era sa raica ka vakasamataka e dua era na rawa ni vukea me tekivutaka na nona cakacaka ni tuva kawa.

Kerei ira na itabagone me ra wasea na veika era sa vulica nikua. Era sa kila vakavinaka beka na sala mera vukei ira kina na tamata me ra cakava na cakacaka ni tuva kawa? Na cava era sa bau vakila se vakanananu kina? E tiko beka eso tale na nodra vakatataro? Ena veivuke beka me tauri vakalevu na gauna ena ivunau oqo?

Me Veivuke ena Veivakavulici

“Kua ni rerevaka na vakanomodi. Era dau gadreva na noda itokani na gauna mera vakasamataka kina na isau ni nodra taro se mera dau vakamacalataka kina na veika era vakila. E rawa ni o cegu vakalailai ni oti na nomu taroga e dua na taro, ni oti na kena wasei mai e dua na ka eda sotava vakayalo, se na gauna e dredre tiko kina na nona vakamacalataki koya e dua” (Na Veituberi, Me iLutua ni Noda Bula, [1999], 77).

Vidio: “Finding Answers in a Conference Talk”

Sarava eso tale

Veisureti me caka

Raica eso tale na vakasama ni vuli kei na veivakavulici.

Tarogi ira na itabagone, se cava era sa vakauqeti kina me ra cakava baleta na veika era sa vulica nikua. Vakauqeti ira mera cakava na ka era sa vakila. Vakasamataka na sala e rawa mo vakamuria.