Na veika dina vakayalo cava au rawa ni vulica mai na cakacaka vakalotu ni kosipeli?

Na cakacaka vakalotu era sa itavi dodonu vakatabui, e vakayacori ena lewa ni matabete.Na cakacaka vakalotu sa ivakatakarakara ni dina ni kosipeli ka vakavulica vei keda na veika sa baleta na yavu ni veivakabulai nei Tamada Vakalomalagi kei na Veisorovaki i Jisu Karisito. E vakavulica talega vei keda na cakacaka vakalotu o cei oi keda ka vakavotuya tiko vei keda na noda itavi vua na Kalou. Ni da vulica na veika e vakatakarakarataki tiko ena cakacaka vakalotu ena vukea meda kila vakavinaka taucoko kina na kosipeli ka vaqaqacotaka na noda vakabauti Jisu Karisito.

Mo vakarautaki iko vakayalo

Vakasamataka mada na cakacaka vakalotu dou sa ciqoma vakamatavuvale (me vakataka na papitaiso, na sakaramede, kei na cakacaka vakalotu ni valetabu). Na veika dina cava ni kosipeli o sa vulica mai na veicakacaka vakalotu oqo?

Era sa taleitaka tiko beka na itabagone ni nomu kalasi na bibi ni cakacaka vakalotu ni kosipeli? Era sa kila vakavinaka tiko beka na ivakatakarakara ni papitaiso kei na sakaramede?

Vulica ena masumasu na ivolanikalou kei na ivurevure oqo. Na cava era rawa ni vulica na itabagone mai na ivakatakarakara ena cakacaka vakalotu ni kosipeli?

Luke 22:19–20; 3 Nifai 18:1–11 (Na sakaramede sa matataka tiko na yago kei na dra ni iVakabula)

Roma 6:3–6; V&V 76:51 (Na papitaiso ena tabadromuci sa vakatakarakarataka tiko na mate kei na tucaketale nei Karisito kei na noda sucuvou vakayalo)

V&V 84:19–22 (Na kaukauwa ni bulavakalou ena vakaraitaki ena cakacaka vakalotu ni matabete)

“Vakananuma na iVakabula kei na Nona Veisorovaki,” Tudei ena Vakabauta (2004), 110–11

“ Cakacaka Tabu,” Tudei ena Vakabauta (2004), 11

Veivakavulici ena ivakarau ni Turaga

Na iVakabula a sureti ira eso tale me ra cakacaka ena vakabauta ka bulataka na dina a vakavulica o Koya. A kunea na madigi baleti ira mera vuli mai na kaukauwa ni veika era sotava. O na vukei ira vakacava na itabagone mera vulica na veika e baleta na Veisorovaki mai na cakacaka vakalotu era sa vakaitavi kina?

Vidio:“Noda Vukei ni Kunea na Kosipeli”

Sarava eso tale

Semata vata

Raica eso tale na vakasama ni vuli kei na veivakavulici.

Ena imatai ni vica na miniti ni kalasi yadua, vukei ira na itabagone me ra semasemata vata na veika era sa vulica tiko ena veikalasi (me vaka na vuli yadua, semineri, so tale na kalasi ni Lotu se na ka era sotava vata kei ira na nodra itokani). Ena rawa vakacava mo vukei ira mera raica na kena yaga na kosipeli ena nodra bula e veisiga? Na veivakasama e koto e ra ena rawa ni vukei iko:

• Sureta e dua vei ira na itabagone sa vakamacalataka oti o koya e dua na dina vakaivunau vua e dua na itokani me mai wasea ki na kalasi.

• Tarogi ira na itabagone kevaka e dua vei ira se nona lewe ni matavuvale se qai ciqoma oti toka ga e dua na cakacaka vakalotu ( me vakataka na papitaiso, veitabaki ki na matabete, se cakacaka vakalotu ni valetabu).Vakayaloqaqataki ira mera mai wasea na veika era sa sotava. Era a vakauqeti vakacava mai na cakacaka vakalotu?

Vulica vata

Raica eso tale na veivakasama ni vuli kei na veivakavulici.

Na itaviqaravi yadua e ra ena vukei ira na itabagone mera kunea na veika dina vakayalo ena cakacaka vakalotu ni kosipeli. Mai na veivakauqeti ni Yalotabu, digitaka e dua se sivia ka na ganita vinaka na nomu kalasi:

• Wasea na kalasi ki na rua na ilawalawa. Lesia e dua na ilawalawa me vulica na veika e vakatakarakarataka tiko na papitaiso, kei na ilawalawa tale ka dua me vulica na veika e vakatakarakarataka tiko na sakaramede, ena nodra vakayagataka na ivolanikalou kei na ivurevure tale eso (me vakataka na kena era vakaturi tiko ena ituvatuva oqo). Na cava era sa vakavulici tiko kina mai na cakacaka vakalotu oqo me baleta na Veisorovaki? Kerei rau na ilawalawa oqo me vakavulica ki na vo ni kalasi na veika rau sa vulica. Sa rawa me rau vakayagataka na iyaloyalo 103–4 kei na 107–8 ena iVola ni iYaloyalo Vakosipeli. Tarogi ira na itabagone ena vakayaco-ka vakacava ki na nodra vakasama kei na yalodra na nodra kila vakavinaka na veika era vakatakarakarataka tiko na cakacaka vakalotu ena gauna era na laki vakaitavi tale kina ena cakacaka vakalotu oqo.

• Na cava eso na dina tawamudu se ivakavuvuli e vakavulica vei keda na Turaga mai na cakacaka vakalotu ni papitaiso kei na sakaramede? Vakayaloqaqataki ira na itabagone mera vakasaqara na isau ni taro oqo ena ivolanikalou era toqai tu ena ituvatuva oqo se ena itukutuku ni papitaiso kei na sakaramede ena Tudei ena Vakabauta.

Kerei ira na itabagone me ra wasea na veika era sa vulica nikua. Na cava era sa bau vakila se vakanananu kina? Era sa kila vakavinaka tiko beka na sala mera kunea kina na veika dina vakayalo ena cakacaka vakalotu ni kosipeli? E tiko tale beka eso na nodra vakatataro? Ena yaga dina beka me tauri vakalevu cake na gauna ena ulutaga oqo?

Maqosa eso ni vuli ena kosipeli

Kilai vakavinaka ni ivakatakarakara. Ni gadrevi me kilai vakavinaka na vosa vakatautauvata kei na ivakatakarakara ena ivolanikalou, e gadrevi kina vei ira na itabagone mera rawa ni kila na ivakatakarakara, kila na veitiki ni ivakatakarakara oqo, ka vakadewataki ira. E dua na sala me kilai kina na ivakatakarakara oqo o ya me ra laurai na vosa vakaoqo vaka, vakataki, vakataka na, me vaka se vaka tu o ya. Sa rawa vei ira na itabagone mera vola na veitiki ni ivakatakarakara (me vakataka na madrai se wai). Ni gadrevi me vakadewataki na ivakatakarakara, sa rawa mera raica na ivurevure tale eso ni Lotu (me vakataka na mekasini ni Lotu, vosa ni koniferedi, kei na ivolanikalou tale eso) ka raica na kena rawa ni vukei ira na ivakatakarakara mera kila vakavinaka kina e dua na ivakavuvuli ni kosipeli. Vakayaloqaqataki ira mera cakava oqo ena gauna era sotava kina e dua na vosa vakatautauvata se ivakatakarakara ni ra dui vulica tiko na nodra ivolanikalou.

Veisureti me caka

Raica eso tale na vakasama ni vuli kei na veivakavulici.

• Vakatura mera na tiko na itabagone ena dua na papitaiso kei na veivakadeitaki e tarava. Ena vakayaco-ka vakacava na veika era sa vulica nikua ki na nodra nanuma baleta na papitaiso? Me baleta na kania na sakaramede?

• Wasea na nomu ivakadinadina baleta na kaukauwa ni cakacaka vakalotu ni kosipeli.