Maji: Na Veisorovaki i Jisu Karisito
“Raica au sa kaya vei kemudou sa nomudou inuinui na isoro i Karisito” (Moronai 7:41).
Na idusidusi ena tabana oqo ena vukei ira na itabagone mera vulica nodra vakasaqara vakacava na ivolanikalou kei na nodra vosa na parofita bula me vakaukauwataka nodra vakabauti Jisu Karisito kei na Nona Veisorovaki. Ena tu vei iko na madigi mo vukei ira na itabagone mera rawata na ivakadinadina kaukauwa cake ni Veisorovaki ka yalodei vakalevu cake ena nodra rawa ni vakavulica kivei ira eso tale. Vakauqeti ira mera dau taroga na taro me baleta na veika era vulica tiko, ka vakasaqara mera vulica vakalevu cake, ka wasea vata kei ira eso tale na veika era sa kunea.
