Julai: Cakacaka Vakalotu kei na Veiyalayalati

“Ia na ilesilesi oqo ... sa vakatakilai mai kina na kaukauwa va-Kalou” ( V&V 84:20).

Sa dau vakayagataka na Tamada mai Lomalagi na cakacaka vakalotu kei na veiyalayalati ni kosipeli me vakavulici keda ka vakarautaki keda meda laki bula vata kei Koya. Sa nomu madigi ena tabana oqo, mo vukei ira na itabagone mera vakalevutaka na nodra sasaga mera vulica ka vakavulica na kosipeli ni ra sa vulica tiko na veika e baleta na cakacaka vakalotu kei na veiyalayalati. Vakayaloqaqataki ira mera taroga na veika era sa vulica tiko, mera vakasaqara mera vuli vakalevu cake, ka vakavulici ira eso ena veika era sa raica rawa.

Oqo na ituvatuva me digitaki ena vula oqo:

• Na veika dina vakayalo cava au rawa ni vulica mai na cakacaka vakalotu ni kosipeli?

• Au na vakatitobutaka vakalevu cake vakacava na noqu kila na veiyalayalati?

• Na cava me'u cakava me vakaibalebale vakalevu cake kina vei au na sakaramede?

• Au na maroroya vakacava na noqu veiyalayalati me'u daunanuma tikoga kina na iVakabula?

• Au na vakarautaki au vakacava me'u ciqoma na cakacaka vakalotu ni valetabu?