Cava na vuna e bibi kina meu vulica na veika e baleta na noqu tuva kawa?

Sa rawa ki na isema vakamatavuvale me laki curuma yani na veigauna tawamudu ena yavu ni bula marau nei Tamada Vakalomalagi. Ena cakacaka ni tuva kawa, eda na vulici ira vakalevu kina na noda qase e liu, kila ka vakarautaka na yacadra era gadreva tu na cakacaka vakalotu ni kosipeli, ka vakayacora na cakacaka vakalotu ena vukudra ena valetabu vakalou. Sa vakarautaka tu na Lotu e vuqa na ivurevure me vukei keda meda vulica vakalevu kina na noda tuva kawa ka vakaitavi ena cakacaka ni valetabu ena vukudra na mate.

Mo vakarautaki iko vakayalo

O sa mai vulica vakacava na nomu ituvatuva ni kawa? Na veika cava o sotava sa vaqaqacotaka kina na nomu ivakadinadina na cakacaka ni tuva kawa?

Ena rawa vakacava mo vakauqeti ira na itabagone mera vakaitavi ena cakacaka ni tuva kawa? Na ivurevure cava ni nomudou yasana e rawa ni vukei ira mera vulica na veika baleti ira nodra qase e liu ka cakava na cakacaka vakalotu baleti ira na lewe ni matavuvale era sa takali yani?

Vakayagataka na ivurevure e ra me kilai vakavinaka kina na cakacaka ni tuva kawa. Na veika o sotava oti baleta na cakacaka ni tuva kawa, vakakina na sotavi ni itaviqaravi ena ituvatuva oqo, ena vukea me mana kina na nomu veivakavulici. Sa rawa me vukei iko na itaviqaravi ena ituvatuva oqo mo tuvanaka na sala mera vakaitavi kina na itabagone ena cakacaka ni tuva kawa. Na cava ena vukei ira na itabagone mera kila vakavinaka kina na bibi ni kena vulici na tuva kawa?

1 Korinica 15:29 (Era a papitaisotaki na lewenilotu ena gauna makawa ena vukudra na mate)

1 Pita 3:18–20; 4:6 (E vunautaki na kosipeli ena vuravura ni yalo)

Malakai 4:5; V&V 2:1–3 (Ena vagolei na yalodra na gone vei ira na nodra qase)

V&V 110:13–16 (Sa vakalesuya mai o Ilaija na idola ni veivauci)

V&V 128:16–18 (Na cakacaka vakalotu baleti ira na mate e tara cake e dua na isema veivauci ena kedra maliwa na itabatamata)

Henry B. Eyring, “Vakasoqoni Vata na Matavuvale ni Kalou,” Ensign se Liaona, Me 2017, 19–22

Richard G. Scott, “Na Reki ni Nodra Vueti na Mate,” Ensign se Liaona, Nove. 2012, 93–95

David A. Bednar, “Ena Vagolei na Lomadra na Gone,” Ensign se Liaona, Nove. 2011, 24–27

“Cakacaka ni iTukutuku ni Matavuvale kei na Tuvakawa,” Tudei ena Vakabauta (2004), 5–9

Vidio: “Elder Bednar Addresses Youth,” “The Spirit of Elijah,” “Family History: What I Found,” “#MeetMyGrandma”

NaN:NaN

4:17

6:47

1:2

Veivakavulici ena ivakarau ni iVakabula

Na iVakabula e a nuitaki ira na Nona tisaipeli. E vakarautaki ira, ka solia vei ira na ilesilesi bibi ni veivakavulici, veivakalougatataki ka veiqaravi vei ira na tamata. O na vakarautaki ira vakacava na itabagone mera vakayacora na nodra ilesilesi mera vulica na nodra tuva kawa kei na cakacaka vakalotu baleti ira nodra qase e liu?

Semata vata

Ena imatai ni vica na miniti ni kalasi yadua, vukei ira na itabagone me ra semasemata vata na veika era sa vulica tiko ena veikalasi (me vaka na vuli yadua, semineri, so tale na kalasi ni Lotu se na ka era sotava vata kei ira na nodra itokani). Ena rawa vakacava mo vukei ira mera raica na kena yaga na kosipeli ena nodra bula e veisiga? Na veivakasama ka koto oqo e ra ena rawa ni veivuke:

Sureta e vica na itabagone mera wasea e dua na ivakavuvuli ni kosipeli era se qai vulica oti ga mai vua e dua na itubutubu, tacidra, se lewe tale eso ni matavuvale.
Sureti ira na itabagone mera wasea na veika era sotava ni ra cakava tiko na tuva kawa (me vakataka na papitaisotaki ena vukudra na mate, vakaitavi ena tuva matanivola, se vakarautaki ni yaca ni dua na qase e liu me baleta na cakacaka vakalotu ni valetabu). E rawa talega ni o vakaraitaka na vidio oqo “#MeetMyGrandma” se “Family History: What I Found.” Veivosakitaka va-kalasi na vuna e gadreva kina o Tamada Vakalomalagi meda cakava na cakacaka ni tuva kawa.

1:2

6:47

Vulica vata

Na itaviqaravi yadua e ra ena vukei ira na itabagone mera vulica na sala mera vakaitavi kina ena cakacaka ni tuva kawa. Muria na veivakauqeti ni Yalotabu, ena nomu digitaka e dua se sivia ka na ganita na nomu kalasi:

Wilika vata vaka-kalasi na iotioti ni ono na parakaravu nei Peresitedi Henry B. Eyring “Vakasoqoni Vata na Matavuvale ni Kalou” (se sarava na vidio e cavuta tiko kina o Peresitedi Eyring na parakaravu oqo), ka vakasaqara kina na veivakalougatataki e lako mai ena vakaitavi ena tuva kawa kei na cakacaka ni valetabu. E tiko beka e so na itabagone ena nomu kalasi era rawa ni vakadinadinataka na veivakalougatataki oqo? Sa rawa mo lalawataka vaka-kalasi mo ni gumatua sara ena cakacaka ni tuva kawa. Me vakataka, nodra vakarautaka na lewe ni kalasi na yaca ni matavuvale mera kauta ena gauna e tarava ki valetabu.
Na kalasi, me wilika na iwasewase ena ulutaga “E Dua na Veisureti Vei Ira na iTabatamata Era Tubu Cake Tiko Mai” mai na vosa nei Elder David A. Bednar “Ena Vagolei na Yalodra na Gone.” Sureti ira na itabagone mera raica na veika e rawa ni ra cakava mera vakaitavi kina ena cakacaka ni tuva kawa. Kevaka e rawa, vakaraitaka vei ira na itabagone na ivakavakayagataki ni FamilySearch.org mera kunea kina na tubudra ka gadreva na cakacaka tabu vakalotu eso. Vakayaloqaqataki ira mera lako ki na valetabu ka papitaiso ka vakadeitaki ena vukudra na tubudra era kunea. Ena veivakadonui nei bisopi, sa rawa mo sureti koya na daunivakasala ni tuva kawa ena tabanalevu (se dua tale e kila vinaka tu na cakacaka ni tuva kawa) me veivuke ena itaviqaravi oqo.
Kerei ira na itabagone me ra wilika na tolu na parakaravu ni vosa nei Elder Richard G. Scott “Na Reki ni Nodra Vueti na Mate,” tekivu ena malanivosa “Na veicakacaka kecega o vakayacora ena valetabu.” Sureti ira me ra raica ka wasea na vuna e bibi kina me vakayacori na cakacaka ni tuva kawa. Kerei ira me ra wilika na iotioti ni rua na parakaravu ni vosa oqo ka veivosakitaka na veika era rawa ni “biuta vakatikitiki” me rawa kina ni ra vakadikeva na veika me baleti ira na nodra qase e liu.
Sureta e veimama na itabagone mera wilika na iwasewase “Vakabulai na Mate” (draunipepa 6-7) ni “Cakacaka ni iTukutuku ni Matavuvale kei na Tuvakawa” ena Tudei ena Vakabauta, ka kerea na ikarua ni veimama mera wilika na iwasewase “Nomu iTavi ena Cakacaka ni iTukutuku ni Matavuvale” (draunipepa 7–9). Kerei ira me ra veiwaseitaka vakaiira na veika era sa vulica. Vukei ira na itabagone mera tekivu vakalewena na nodra ituvatuva ni matavuvale. Vakauqeti ira mera cakacakataka tikoga na nodra ituvatuva ni matavuvale ena nodra itikotiko. Sureti ira mera kerei ira na nodra itubutubu se lewe ni matavuvale me vukei ira.
Sureti ira na itabagone mera wilika na ivolanikalou ena ituvatuva oqo, ka vakasamataka vakatitobu na taro “Na cava meda cakava kina na cakacaka ni tuva kawa?” Kerea mera wasea na nodra nanuma. Sureti ira mera tuva eso na sala era rawa ni vakaitavi kina ena cakacaka ni tuva kawa. Sureti ira mera digitaka e dua na ka mai na veika sa volai era gadreva mera cakava ena macawa tu mai. Vakauqeti ira mera wasea na veika era sa sotava ena kalasi e tarava.

Kerei ira na itabagone me ra wasea na veika era sa vulica nikua. Era sa kila vakavinaka beka na bibi ni vulici ni veika me baleta na tuva kawa? Na cava era sa bau vakila se vakanananu kina? E tiko beka eso tale na nodra vakatataro? Ena veivuke beka me tauri vakalevu na gauna ena ivunau oqo?

Veisureti me caka

Tarogi ira na itabagone, se cava era sa vakauqeti kina me ra cakava me baleta na veika era sa vulica nikua. Vakauqeti ira mera cakava na ka era sa vakila. Vakasamataka na sala e rawa mo vakamuria.