Meu vakavakarau vakacava meu rawati au vakailavo?

Sa vakalougatataki keda tu na Turaga ena veivurevure eso, ka sa namaki keda meda daunimamaroroi vuku ni veiivurevure eso oqo. E vinakata o Koya me da bula rawati keda vakailavo me rawa ni da rawata vakaikeda na veika me baleti keda ka qaravi ira talega eso tale. Me vakayacori rawa oqo, sa dodonu meda saumi ikatini kei na veiisolisoli tale eso, levea na dinau sega ni gadrevi, muria e dua na tuvailavo, ka bula ga ena loma ni ka eda rawata.

Mo vakarautaki iko vakayalo

E sa vakalougatataki vakacava na nomu bula ena nomu vakamuria na nodra ivakasala na iliuliu ni Lotu me baleta na bula rawati keda vakailavo? Na cava o vakabauta kina ni dua na tiki bibi ni ivakavuvuli ni kosipeli vakalesuimai na bula rawati koya?

Na cava e dodonu mera vulica na itabagone me baleta na nodra rawata na ka me baleti ira vakakina o ira eso tale? Ena rawa vakacava vei ira kei ira na nodra matavuvale mai muri mera vakalougatataki ena nodra vakamuria na ivakasala ni bula rawati ira vakailavo?

Na ivolanikalou cava soti kei na veiivurevure tale eso ena vukei ira na itabagone ena nodra kila na bibi ni bula rawati ira vakailavo ka vakarautaki ira mera bula ga vakataki ira?

Malakai 3:10–11 (Kalougata ni soli ikatini)

2 Nifai 9:30, 51; Jekope 2:13–14, 17–19; Alama 1:29–30; 4:6–8 (Meda vakayagataka na noda iyau me da vakalougatataki ira kina eso tale)

V&V 19:35 (E vakatautauvatataka na dinau ki na ivau na Turaga)

Robert D. Hales, “Becoming Provident Providers Temporally and Spiritually,” Ensign se Liaona, Me 2009, 7–10; raica talega the vidio “Becoming Provident Providers”

“Dinau,” Tudei ena Vakabauta (2004), 12–13

“ iKatini Kei Na Soli Ka,” Me iSakisaki Ni iTabagone (2011), 34–35

Sa Taqomaki TaucokoVakavinaka: iLavo ni Matavuvale (ivolalailai 2007)

Semata vata

Ena imatai ni vica na miniti ni kalasi yadua, vukei ira na itabagone me ra semasemata vata na veika era sa vulica tiko ena veikalasi (me vaka na vuli yadua, semineri, so tale na kalasi ni Lotu se na ka era sotava vata kei ira na nodra itokani). Ena rawa vakacava mo vukei ira mera raica na kena yaga na kosipeli ena nodra bula e veisiga? Na veivakasama e koto e ra ena rawa ni vukei iko:

Sureti ira na itabagone mera wasea e dua na ka era qai vulica wale tikoga mai na nodra vuli ivolanikalou vakataki ira.
Kerei ira na itabagone mera vakamacalataka na sala e rawa ruarua kina ni veivuke ka veivakamavoataki talega e so na iyaya vakatau tiko ena kedra vakayagataki (me vaka e dua na dai ni kalavo, ituki, se pakete masese; o rawa beka ni kauta mai e dua vei ira na ka oqo me mai ivakaraitaki). Vakaraitaka vei ira na itabagone e so na ilavo, ka kerei ira mera vakamacalataka eso na ivakavakayagataki vinaka ka vakakina na kena ca ni ilavo. Ena rawa ni vakayagataki vakacava me vakalougatataki ira tale eso ka tosoya na cakacaka ni Turaga?

Vulica vata

Na veiitaviqaravi e ra ena rawa ni vukei ira na itabagone me ra kila na bibi ni bula rawati ira vakailavo. Mai na veivakauqeti ni Yalotabu, mo digitaka e dua se sivia ka na ganita vinaka duadua na nomu kalasi:

Vola na itukutuku oqo mai vei Elder Robert D. Hales ena vava ni volavola: “Na vosa e tolu lomani duadua sa ikoya na ‘Au lomani iko,’ kei na vosa e va ni veikauwaitaki duadua … sai koya na ‘Tou sega ni rawata.’” Sureti ira na itabagone mera wilika na italanoa nei Elder Hales me baleta na nona vinakata me volia e dua na ivinivo nei watina (ena nona vosa “Becoming Provident Providers Temporally and Spiritually”), se vakaraitaka na vidio “Becoming Provident Providers.” Kerei ira na itabagone mera vakasamataka ka wasea na vuna e kaya kina o Elder Hales ni vosa e va ni veikauwaitaki dina na “Tou sega ni rawata.” Na veivakalougatataki cava e lako mai ena noda bula ena loma ni ka eda rawata? E rawa mera na muria vakacava na itabagone na ivakaraitaki nei Sisita Hales? Ena rawa ni vukei ira vakacava na nona ivakaraitaki ena gauna era temaki kina mera bula ulabaleta na veika era rawata?
Sureta na kalasi mera tuva e rua na lisi ena vava ni volavola: e dua me ivakamacala nei vuravura me baleta na ilavo kei na dua tale me ivakamacala ni ka e tukuna vei keda na Turaga me baleta na ilavo. Kerei ira mera wilika na ivolanikalou ka tuvai tu ena ituvatuva oqo, ka vaqara eso tale na ka e rawa ni ra vakuria kina. Tarogi ira na itabagone se cava era rawa ni cakava oqo mera tekivu bulataka kina na veika e vakavulica vei ira na Turaga me baleta na ilavo. Sureti ira mera vola na nodra vakasama ena papa. Raici ira na itabagone mera digia e yadua na vakasama mai na ituvatuva ka ra via tekivu cakacakataka ena macawa oqo. Sureti ira me ra wasea na veika era a sotava, kevaka era logavinaka kina.
Sureta e dua na lewenikalasi me wilika na V&V 19:35. Na cava e vakatauvatana kina kei na ivau na dinau na Turaga? Kerei ira na itabagone mera wilika na “Dinau” ena Tudei ena Vakabauta. Sureti ira na lewenikalasi mera vaqara na vuna e dodonu kina meda dau levea na dinau, ka qai kerea na iwase kadua mera vaqara na ivakasala ena sala mera kua kina ni dau dinau. Kerei ira mera veivakavulici ena veika era sa vulica rawa kei na ka era vakila ni bibi kina vua na Turaga mera kakua ni dinau tu. Ena tara vakacava na veika vakayalo me baleti keda na noda ivakavakayagataki ni ilavo?
Tarogi ira na itabagone se cava era nanuma eratou na kaya na Mataveiliutaki Taumada me baleta na noda ivakavakayagataki ni ilavo. Vola na nodra vakasama ena vava ni volavola. Solia yadua vei ira na lewe ni kalasi e dua na ivolalailai All Is Safely Gathered In: Family Finances. Wilika vata na itukutuku mai vei ratou na Mataveiliutaki Taumada. Na ivakasala cava eratou solia tiko na Mataveiliutaki Taumada me baleta na veika vakailavo? Na veivakalougatataki cava eratou yalataka? Lesia yadua na lewe ni kalasi mera wilika e dua vei ira na “Veika Bibi Vakailavo ni Matavuvale” ka umana ena nona vosa vakaiikoya vei ira na vo ni kalasi. Era na rawa vakacava ni vakayacora na itabagone na ivakavuvuli oqo ena gauna oqo. Wasea na veika sa yaco vei iko ena vakayagataki ni veiivakavuvuli oqo, ka sureti ira na itabagone mera vakayacora vakakina.

Ni vakacavari e dua vei ira na itaviqaravi e cake, solia vei ira na itabagone na gauna ena kalasi mera tekivu vakalewena na “Pepa ni Tuva iLavo” ena ivolalailai All Is Safely Gathered In: Family Finances. E rawa ni ra yavutaka nodra pepa ni cakacaka ena kedra isau se vakayagataka eso na matanivika ivakatakarakara. Vakauqeti ira mera vaqara ivakasala kei na veidusimaki mai vei ira na nodra itubutubu.

Kerei ira na itabagone me ra wasea na veika era sa vulica nikua. Era sa kila vinaka beka na bibi ni rawati ira vakailavo me rawa ni ra vakamacalataka vei ira tale eso? E tiko tale beka eso na nodra vakatataro? Ena yaga dina beka me tauri vakalevu cake na gauna ena iulutaga oqo?

Maqosa eso ni vuli ena kosipeli

Vakasaqara na ivunau. Ena iwase oqo, era sa sureti na itabagone mera vaqara na ivolanikalou mera kunea na veika e vakavulica na Turaga me baleta na ilavo. Ena nomu wilika na ivolanikalou, sureti ira mera vaqara na ivunau (se dina tawamudu) e vakavulica na ivolanikalou. Vakauqeti ira mera tarogi ira ena so na taro me vaka na “Na cava au sa vulica me baleta na ivunau? E duidui li mai na veika au dau nanuma ka vulica eliu? E vakauqeti au li meu veisautaka e dua na ka ena noqu bula?” Vakauqeti ira na itabagone mera vakayagatataka na veitaro vata ena nodra vuli ivolanikalou vakaiira.

Veisureti me caka

Tarogi ira na itabagone, se cava era sa vakauqeti kina me ra cakava baleta na veika era sa vulica nikua. Vakauqeti ira mera cakava na ka era sa vakila. Vakasamataka na sala e rawa mo vakamuria. Me kena ivakaraitaki, sa rawa mo kerei ira mera wasea na veika sa yaco vei ira ena itekivu ni lesoni ni macawa mai oqo.