Janueri: Na Lewetolu Vakalou

“Keimami vakabauta na Kalou, na Tamada Tawamudu, kei na Luvena, ko Jisu Karisito, kei na Yalo Tabu” (Na Yavu ni Vakabauta 1:1).

Na ituvatuva ena iwasewase oqo ena vukei ira na itabagone me ra vulica na ivakarau me ra vaqaqacotaka kina na nodra vakabauti iratou na Lewetolu Vakalou ena nodra vulica na ivolanikalou ka wasea na nodra ivakadinadina vei ira na tani. Era na rawata na kila ka ena nodra muria na Yalo Tabu ena nodra sasaga me ra vulica ka vakavuvulitaka na kosipeli. Vakayaloqaqataki ira me ra taro me baleta na veika era vulica tiko, me ra segata me ra vulica vakalevu cake, ka wasea vei ira na tani na veika era sa raica.

iTuvatuva mo digidigi mai kina ena vula oqo:

• Ena vukei au vakacava na Yalo Tabu me'u vuli?

• Ena vukei au vakacava na noqu vulica na ivolanikalou me'u kila na veika e baleta na Tamada Vakalomalagi?

• Ena rawa vakacava ni'u vukei ira na tani me ra vulica na veika me baleta na Tamada Vakalomalagi?

• Au na rawa ni vulica vakacava me'u dau raica na Ligana na Tamada Vakalomalagi ena veika kecega?

• Ena vukei au vakacava na Yalo Tabu me'u vakavulica na kosipeli?

iDusidusi vua na qasenivuli

Ena loma taucoko ni iwasewase oqo, o na gadreva mo vakananuma vei ira na itabagone ni sa ka tabu na yacana na Kalou (raica na V&V 63:61). Vakayaloqaqataki ira me ra dau vakayagataka na veiyaca oqori ena vakarokoroko kei na veidokai.