Iunite 6: Aso 1
2 Nifae 4—5
Folasaga
I le 2 Nifae 4 o le a e faitau ai i le auala na faapotopoto faatasi ai e Liae lana fanau e tuu atu ia i lana lana fautuaga ma le faamanuiaga mulimuli ao le’i maliu o ia. Ina ua mavae le maliu o Liae, sa amata ona feita Lamana ma Lemuelu ia Nifae mo le talaiina atu ia i la’ua “o aoaiga a le Alii” (tagai 2 Nifae 4:13–14). O le faanoanoa ai ona o uiga ma amioga a ona uso ma ona o ona lava vaivaiga ma agasala, sa tusia ai e Nifae ona lagona i se gagana o faaupuga ma faatauloto (tagai 2 Nifae 4:15–35). E pei ona tusia i le 2 Nifae 5, sa lapataia ai e le Alii ia Nifae ma i latou o e sa lagolagoina o ia e sosola ese mai ia Lamana, Lemuelu, ma atalii o Isamaeli. Ina ua mavae lenei teteaga, sa nonofo ai sa Nifae i le amiotonu ma le fiafia, ae o i latou o e sa nonofo ma Lamana ma Lemuelu sa vavaeese i latou lava faaleagaga mai le Alii. O le tuuto o Nifae i le Alii na ia maua ai le malosi e faatoilalo ai ana agasala ma le lotovaivai. Ona tusia lea e Nifae le ala na “ola [ai o ia ma lona nuu] e tusa ma le ala o le fiafia” (2 Nifae 5:27).
2 Nifae 4:3–11
Ua fautuaina ma faamanuiaina e Liae lona aiga
Mafaufau i se taimi na e maua ai se fautuaga po o faalaeiauga mai lou tina, tama, po o taitai. Na e mulimuli i le fautuaga? Aisea na e pe na e le mulimuli ai i le fautuaga? O i ai se mea ua e salamo ai? I le 2 Nifae 4:1–11, sa tusia ai e Nifae le fautaga ma le faamanuiaga mulimuli a Liae i lona aiga. Faitau le 2 Nifae 4:4–5, ma faailoa le fautuaga na tuuina atu e Liae i lana fanau lea e mafai foi ona faatatau ia te oe. Pe na tuu atu ia te oe e ou matua, tagata o lou aiga, po o ni taitai se fautuaga faapena?
-
Fai se lisi i lau api talaaga mo le suesueina o tusitusiga paia o nisi o faamanuiaga ua oo atu i lou olaga mai le faalogo i le fautuaga ai i latou o e alolofa ia te oe. O a ni faamanuiaga ua oo mai mai le usiusitai i poloaiga a le Alii?
2 Nifae 4:12–35
Sa faailoa atu e Nifae lona faalagolago i le Alii ma faailoa atu ona vaivaiga
I le 2 Nifae 4:12–35, sa tusi ai e Nifae “mea o [lona] agaga” (2 Nifae 4:15). Faitau le 2 Nifae 4:15–16, ma vaavaai mo le mea e fiafia i ai Nifae.
Mafaufau i mea atoatoa ma lelei e aumaia ia te oe le olioli tele. Faauma le fasifuaitau o loo i lalo i ni tali: E fiafia lo’u agaga i le .
-
Sa ta’ua e Nifae sa “manatunatu loloto lona loto” (2 Nifae 4:15) i tusitusiga paia. O le mafaufau loloto o lona uiga e le gata o le tomanatu ma manatunatu loloto e uiga i tusitusiga paia ae e faapena foi ona tatala o tatou loto i faaaliga ma le malamalama.
Sa oo Nifae i ni taimi o le olioli tele i lona olaga; ae peitai, sa fetaiai foi o ia ma ni taimi faigata. Toe vaai i tua i le 2 Nifae 4:12–13 e iloa ai nisi o luitau faigata sa feagai ma Nifae i lena taimi o lona olaga.
Faitau le 2 Nifae 4:17–18, ma sue po o le a le isi mea sa faanoanoa ai Nifae. A o e faitau, ia tuu le faauigaga lenei i lou mafaufau: O le leaga o lona uiga o le le fiafia po o le le aoga. O le tino e faatatau i vaivaiga i lo tatou tulaga i le olaga nei. O le lavelavea o lona uiga o le siomia pe o le omia i itu uma, o le faalavelave, po o le sauaina. E ui ina sa lagona le faanoanoa o Nifae ona o ana agasala, ae e le tatau ona faauiga sese ai e faapea o lona uiga sa tausalaina o ia i ni solitulafono mamafa.
Mafaufau i se taimi o lou olaga lea e mafai ai ona e fesootai atu i le lagona na oo i ai Nifae (e pei o le taimi na maliu ai se tasi e pele ia te oe, na feita ai ni isi ia te oe ona o lou mulimuli i le Alii, na e feagai ai ma faigata po o le le fiafia, pe na e lagona foi le faanoanoa ona o au agasala, vaivaiga, ma faaosoosoga). Faitau le 2 Nifae 4:19, ma faailoa le fasifuaitau lea o loo ta’u mai ai le faamoemoe o Nifae e ui lava i ona faanoanoaga. O le a sou manatu i le uiga o le tala a Nifae ina ua ia faapea mai “Ua ou iloa le ua ou faalagolago i ai”? E faapefea ona e tuuina atu le faalagolago tele atu i le Atua?
A o faaauau au suesuega, vaai mo se faamaoniga o le mataupu faavae o le talalelei e faapea e lagolago e le Atua i latou o e tuu atu lo latou faatuatuaga ia te Ia.
-
|
Tusi o le Mau |
Auala na Faatatau Ai Nei Fuaiupu ia Nifae |
Auala E Mafai Ai Ona Faatatau Nei Fuaiupu ia te Oe |
|---|---|---|
|
| |
|
| |
|
|
Faitau le 2 Nifae 4:34–35, ma faailoga fasifuaitau o loo faaalia ai le talitonu maua’i o Nifae i le Alii.
-
2 Nifae 5:1–8
Ua tuueseese e le Alii ia sa Nifae mai sa Lamana
A o e suesue i le 2 Nifae 5, mafaufau i ni faafitauli ma ni filifiliga faigata o loo e aafia ai pe na e oo i ai. I le mataupu lenei na ta’u mai ai e Nifae o ona uso “sa oo ina latou saili e aveese lo’u ola” (2 Nifae 5:2). Ia matau i le 2 Nifae 5:1 le mea na fai e Nifae ia maua ai se fofo o lona faafitauli. Ona faailoga lea i au tusitusiga paia le mea na fai e le Alii e fesoasoani ai ia Nifae i le 2 Nifae 5:5.
O se taunuuga o lenei lapataiga, o Nifae ma “latou uma … o e sa talitonu i lapataiga ma faaaliga a le Atua” (2 Nifae 5:6) na tuua le laueleele o lo latou uluai tofi. Sa latou malaga “mo va o aso e tele” (2 Nifae 5:7) ma nonofo i se nofoaga sa latou ta’ua o Nifae. O lenei aafiaga ua faaalia ai o le saogalemu e maua mai i le usitaia o faaaliga a le Atua.
Faitau le molimau lenei mai ia Elder Paul V. Johnson o le Fitugafulu: “E le o se mea e faateia ai le feagai ai ma le tele o le amioleaga ma faaosoosoga ae e le tuua lava i tatou e le Alii e sue na o i tatou o tatou lava auala. O le mea moni, ua lava ma totoe le taitaiga o loo avanoa mo i tatou taitoatasi pe afai o le a tatou faalogo. Ua e maua le meaalofa o le Agaga Paia e taiala ma musuia oe. Ua ia te oe tusitusiga paia, matua, taitai ma faiaoga o le Ekalesia. Ua ia te oe foi upu a perofeta, tagatavaai, ma talifaaaliga o e o loo soifua i o tatou aso. E matua tele lava taiala ma taitaiga [musuia] o loo maua ia o le a e le faia ai ni mea sese matuia i lou olaga sei vagana ua e le amanaiaina ma le loto i ai le taiala ua e mauaina” (“O Faamanuiaga o le Konafesi Aoao,” Ensign po o le Liahona, Nov. 2005, 51).
-
2 Nifae 5:9–18, 26–27
Ua ola sa Nifae e tusa ma le ala o le fiafia
Ina ua uma ona toe faamatalaina tulaga na taitai atu ai i le vaeluaina o le aiga o Liae, sa faamatala e Nifae le ituaiga olaga sa i ai i “le nuu o Nifae” (2 Nifae 5:9). Faitau le 2 Nifae 5:27, ma faailoga le fasifuaitau o loo faaalia ai le auala na ola ai sa Nifae. O le a sou manatu i le uiga o le ola “e tusa ma le ala o le fiafia”?
-
O faatinoga ma uiga faaalia ua e tauaina o se vaega o le ola ai i le talalelei a Iesu Keriso. Atonu e te manao e tusi ia mataupu faavae nei i totonu o au tusitusiga paia i autafa o le 2 Nifae 5:27: A o avea le talalelei a Iesu Keriso ma auala o o tatou olaga, e faateleina lo tatou fiafia. Sa moni lenei mea mo sa Nifae e faapena foi i se taimi o le tele o faigata. Iloilo lou olaga ma filifili se mea o le a e faia e ola atili atoatoa ai i le ala o le fiafia. Tusi i lalo i lau api o talaaga patino po o totonu o au tusitusiga paia. O mataupu faavae ua e aoaoina i le asō e tau atu i le fiafia.
-
Ua ou suesueina le 2 Nifae 4–5 ma faamaeaina lenei lesona i le (aso).
Fesili, mafaufauga, ma manatu faaopoopo ou te fia faasoa i lou faiaoga: