Folasaga i le Ominae
Aisea e Suesue ai Lenei Tusi?
E ala i lau suesuega o le tusi a Ominae, o le a e aoao ai sa puipuia e le Alii ia tagata sa Nifae amiotonu ma taitai atu i latou i le nuu o Saraemila (tagai Ominae 1:7, 12–13). O loo ta’ua foi i le tusi a Ominae isi vaega—o sa Moleka (po o tagata o Saraemila) ma sa Iareto, o e na taitaiina mai e le Alii i le nuu o le folafolaga.
O Ai na Tusia Lenei Tusi?
O le tusi a Ominae sa tusia e ni alii eseese e toalima: Ominae, Emarona, Kemiso, Apinatome, ma Amaleki. O Ominae o le atalii o Iaroma ma o se atalii-o le atalii-o le atalii-o le atalii o Liae ma Sarai. Sa faamatalaina e Ominae o ia lava o se “tagata amioleaga” o se na “le tausia … poloaiga a le Alii” (Ominae 1:2). Sa faaopoopo i ai ni tusiga pupuu e Emarona (le atalii o Ominae), Kemiso (le uso o Emarona), ma Apinatome (le atalii o Kemiso). O Amaleki o le atalii o Apinatome sa tusia le tele o le tusi a Ominae ma o le tagata mulimuli lea na tusitusi i papatusi laiti a Nifae. Sa ia tuuina atu papatusi i le Tupu o Peniamina.
O Anafea ma o Fea na Tusia ai?
O tusitala eseese o le tusi a Ominae sa tusitusi i se taimi i le va o le 361 T.L.M. ma le 130 T.L.M. O tusitala muamua e fa sa tusitusi i le laueleele o Nifae. Sa fai e Amaleki ana faamaumauga i le nuu o Saraemila.