Iunite 17: Aso 2
Alema 19–20
Folasaga
E pei ona faamaumauina i le Alema 19–20, sa lagona e le Tupu o Lamonae se suiga tele o le loto, na mafua ai le liua o le toatele o ona tagata. Sa malaga Amona ma le Tupu o Lamonae i le nuu o Mitonae e fa’asaoloto mai uso o Amona sa faafalepuipui I le ala, sa latou fetaiai ma le tama o Lamonae, o le sa avea ma tupu i nuu uma o sa Lamana. O le molimau malosi a Amona ma le puipuiga alofa ia Lamonae na taitaiina ai le Tupu, le tama o Lamonae e faamaluluina lona loto ma faatagaina le faasaoloto o uso o Amona. Ona o le molimau a Amona ma le faataitaiga, e toatele tagata na lagona le aafiaga o le Agaga Paia ma ua aoaoina i le talalelei ma liua ai.
Alema 19
O le tupu o Lamonae ma le toatele o ona tagata ua salamo ma papatisoina
Mafaufau e uiga i le aafiaga faaletino o taunuuga e tupu pe a faapauina se maa i totonu o le vaitaele.
E faapefea e gaoioiga a le tagata ona pei o le maa sa togi i totonu o le vai?
Tusi Amona i le vaega totonugalemu (o le lio) o le ata lenei.
Faitau le Alema 19:1, 6 e saili ai po o ai na aafia muamua i le molimau a Amona, ma tusi le igoa i totonu o le lio muamua o le ata. Filifili se fasifuaitau mai nei fuaiupu e te lagona e sili ai le faamatalaina o mea na tutupu ia Lamonae. Tusi lena fasifuaitau ma ou lagona i lona uiga:
Suesue le Alema 19:7–10 mo le tagata na sosoo le aafia ai i le molimau a Amona, ona faaigoa lea o le lio lona lua o le ata. E tusa ai ma le Alema 19:10, o le a se mea mataina e uiga i le faatuatua o le faletua o Lamonae?
E pei ona faamaumauina i le Alema 19:11–13, na faapefea ona aafia le faletua o Lamonae i le molimau a lona alii?
-
Faitau le Alema 19:13–14, ma tali fesili nei i lau api talaaga mo le suesueina o tusitusiga paia: O le a sou manatu i le uiga o le “lofituina i le Agaga” po o le “lofituina i le olioli”? O anafea na e lagonaina ai le malosi o aafiaga o le Agaga Paia i lou olaga?
Faitau le Alema 19:15, ma vaavaai po o ai lea na sosoo ona aafia ai i le molimau a Amona, ona faaigoa le lio lona tolu o le ata.
Faitau le Alema 19:16–17 e saili ai po o ai lea na sosoo ona aafia ai, ma faaigoa le lio lona fa.
Mafaufau i le auala na aafia uma ai auauna a le tupu i mea na tutupu ma Amona, Lamonae, ma le faletua o Lamonae. I le Alema 19:15–17, faailoga soo se upu ma fasifuaitau e faailoa ai le liliu atu o auauna a Lamonae i le Atua.
-
Faitau le Alema 19:18–22 e vaavaai ai pe faapefea e tagata o e sa faapotopoto i le fale o le tupu ona faamatala mea sa latou vaai i ai. Vaai faalemafaufau pe ana o oe o Apiso. O le a se mea e sosoo ona e faia pe a uma ona e vaai i fefinauaiga o tagata? Ina ia iloa le mea na faia e Apiso, faitau le Alema 19:23–29.
Faitau le Alema 19:30–36, ma mafaufau i le aafiaga o le molimau a Amona na i ai i isi. Faaigoa le lio lona lima o le ata “toatele isi sa Lamana.”
-
E ala i lana molimau ma le faataitaiga, sa fesoasoani Amona ia Lamonae ma isi e liliu atu i le Alii. Mafaufau ia i latou sa i ai a latou matafaioi taua faaleagaga i lou olaga. Mafaufau i se tasi e ona faataitaiga amiotonu ma le molimau ua aafia ai oe. E mafai ona e mafaufau i ni auala na uunaia ai e lenei tagata ia isi tagata mo le lelei foi?
-
-
E faapefea ona faamanuiaina tagata o lou aiga ma uo pe a e mulimuli i faataitaiga a Amona o le ola amiotonu, auauna atu i isi, ma faasoa atu lau molimau?
-
E faapefea e lau faataitaiga ma le molimau ona mafua ai le “galu” i tua atu o mea e mafai ona e iloa o tutupu i le taimi nei i aiga, uo ma e masani?
-
Alema 20
O le tama o le tupu o Lamonae sa suia lona loto ma sa naunau e aoao e uiga i le talalelei
Faitau tulaga e tolu nei, ma manatunatu loloto i le ala e te tali ai:
-
I se tauvaga o taaolga, ua faia e se laufali po o se amupaea ni faaiuga leaga ma e foliga mai e le sao le taulimaina o oe.
-
Ua tuuaia oe e se faiaoga i luma o le vasega ona le kopi i se suega ae te le i faia.
-
Ua tuuaia oe e ou matua i le faia o se mea na faia e lou uso po o le tuafafine.
E pei ona faamaumauina i le Alema 20, na maua e Amona ma Lamonae i laua lava i se tulaga atonu la te tali atu ai i le ita. Vaai faalemafaufau pe ana e i ai i le tulaga o Amona po o Lamonae a o e suesue i lenei mataupu.
Faitau le Alema 20:1–7 e iloa ai le mea na tupu ina ua manao Lamonae e faailoa atu Amona i lona tama, o le sa fai ma tupu i tagata o sa Lamana. Ona faitau lea o vaega o fuaiupu nei ma mafaufau loloto i au tali i fesili o loo i ai.
|
Afai na e i ai i le tulaga o Amona ma ua tuuaia sese oe e se tasi ona o le pepelo ma le gaoi, o le a se lagona e oo ia te oe? | |
|
O le a se mea e faafiafia ai oe e uiga i le tali atu a Lamonae i lona tama? | |
|
Sa faapefea e Amona ona tali atu i le toatamai o le tama o Lamonae? Na faapefea ona faaali atu le alofa o Amona mo Lamonae? |
Faitau Alema 20:26–27 e iloa ai aafiaga o le tali a Amona. O le a le mea na naunau i ai le tama o Lamonae e aoao i ai ina ua vaai i le alofa na faaalia e Amona?
O le a se mea e mafai ona tatou aoao mai i le tali atu a Amona i le toatamai o le tama o Lamonae?
Tusi le upumoni lenei i au tusitusiga paia i talaane o le Alema 20:26–27 po o i totonu o lau api talaaga mo le suesueina o tusitusiga paia: A o tatou faatino ma le alofa, e mafai ona taitaiina ai isi e faamaluluina o latou loto ma saili e iloa le upumoni. Mafaufau pe a e maua avanoa i lou aiga, ma au uo, po o le aoga e tali atu ai ma le alofa i le ita o isi tagata.
-
-
Ua ou suesueina le Alema 19 –20 ma faamaeaina lenei lesona i le (aso).
Fesili, mafaufauga, ma manatu faaopoopo ou te fia faasoa i lou faiaoga: