Iunite 18: Aso 1
Alema 25–29
Folasaga
Ina ua mavae le tele o tausaga o le folafolaina atu o le talalelei, sa vivii atu Amona i le Alii ma faailoa atu le faafetai mo le faamanuiaga mo le avea ma se meafaigaluega i Ona aao e aumaia le talalelei ia sa Lamana. E toatele sa Lamana ua amata ona talitonu i le Alii, salamo, ma faaigoa i latou lava ia Aneti-Nifae-Liae Ina ua uma ona osia e Aneti-Nifae-Liae le feagaiga ma le Atua ina ia le toe sii ae a latou auupega o le taua, na amata ona faia e sa Amaleka ma sa Lamana sauniuniga e tau e faasagatau atu ia i latou. Ina ia fesoasoani ia i latou e tausia a latou feagaiga ma le Alii, na talia e Aneti-Nifae-Liae se ofo e puipuia i latou mai sa Nifae. O le perofeta sa Nifae o Alema sa faaalia lona olioli na ia lagona mai le talaiga o le talalelei ma le vaalaulia o isi e o mai ia Iesu Keriso.
Alema 25
Ua faataunuuina le valoaga a Apinati, ma e toatele sa Lamana na liliu mai
Mafaufau e uiga i soo se suiga sa e faia a o amata ona sili atu ona e liua i le talalelei a Iesu Keriso. Alema 25 o loo faamatala ai le faataunuuina o le valoaga a Apinati e uiga i le fanauga a faitaulaga o Noa o le a sailia ma fasiotia ma e faailoa ai le talia e le Alii o Ana perofeta ma faataunuuina a latou valoaga musuia (tagai Alema 25:9). E faamatala ai foi le aofai o sa Lamana sa salamo ma faatasi atu ma Aneti-Nifae-Liae. Faitau le Alema 25:14, ma faailoa mai mea na faia e nei sa Lamana a o liliu mai i latou i le talalelei. I le Alema 25:15 ua tatou aoao i ni mafuaaga se lua na latou tausia ai le tulafono a Mose.
Alema 26
Ua olioli Amona i le alofa mutimutivale o le Alii mo sa Lamana ma atalii o Mosaea
O a mea e fai e fausia ai se fale po o se falesa? O le a le ituaiga falesa e mafai ona fausia e se kamuta agavaa e faaaoga ai mea faigaluega po o masini sao? I le Alema 26, sa faamatala e Amona ia lava ma ona uso o ni meafaigaluega i aao o le Atua e faia se galuega tele. Faitau le Alema 26:1–5, 12–13, ma faailoa mai mea na faataunuuina e le Alii e ala i le faaaogaina o Amona ma ona uso o ni meafaigaluega i Ona aao. (Atonu e te manao e faailoga tali e te maua i au tusitusiga paia.) I le fuaiupu 5 o le fasifuaitau “sasau atu le selesaito” o lona uiga o le galue malosi, o “fusisaito” e faatusa i tagata liliu mai, o “aoao” e faatusa i le Ekalesia, ma o le fasifuaitau e faapea o i latou ua faapotopoto “ua le maumau i latou” e faatusa i le Atua o loo faasaoina e ua liliu mai ma auina atu ia i latou le ola e faavavau.
Faailoa mai ma faailoga se fasifuaitau se tasi pe sili atu i le Alema 26:12 e faailoa ai na malamalama Amona ua na o ia o se meafaigaluega i aao o le Alii ma o le Alii lava e na te faataunuuina vavega i le taimi o lana misiona.
Mai nei fuaiupu ua tatou aoao ai i lenei mataupu faavae: A o tatou sauniuni ma faamaualaloina i tatou lava, e faamalosia i tatou e le Alii ma faaaogaina i tatou o ni meafaigaluega i Ona aao. O se soa o le mataupu faavae ua tatou aoao ai foi i le Alema 26 o le: E tatou te maua le olioli a o tatou auauna atu ma le faamaoni i le Alii ma Ana fanau. Faitau le Alema 26:11, 13, 16, ma faailoga taimi taitasi e te vaai ai i le upu olioli po o le fiafia.
Faitau le Alema 26:13–16, ma faailoa mai mafuaaga na tuuina mai e Amona mo lona olioli.
-
I lau api talaaga mo le suesueina o tusitusiga paia, tusi pe aisea ua e manatu ai ua tatou maua le olioli pe a tatou i ai i le galuega a le Alii. Atonu e te manao e tusi e faatatau i se taimi na e lagona ai le olioli ona o lau auaunaga i le Ekalesia.
Faitau fuaiupu nei, ma mafaufau e uiga i tali i fesili o loo i ai:
Alema 26:22–23, 26–29. Manatua tulaga manaomia o loo lisiina ia iloa ai mealilo a le Atua. O a folafolaga ua tuuina atu i faifeautalai o i ai nei agavaa? O a ni faalavefau na feagai ma Amona ma ona uso i la latou auaunaga i le Alii ma sa Lamana? O le fea o nei faalavefau e tali tutusa ma faalavefau na feagai ma i latou o e o auauna i le Alii i aso nei? O a ni mea e mafai e faifeutalai o aso nei ona aoao mai le Alema 26:29 e uiga i nofoaga e tatau ona latou talai ai le talalelei?
Alema 26:30. O a ni mea na faamalosia ai atalii o Mosaea ina ia faaauau pea ona auauna atu e oo lava i taimi faigata?
-
-
O a upumoni ua aoaoina i nei fuaiupu o le a e maua ai le faapogai e olioli ai i le agalelei o le Atua? (Atonu e te manao e faailoga fasifuaitau o loo faaali mai ai upumoni nei.)
-
O le a le eseesega e maua i le iloa ai e manatu mai le Atua ia te oe?
-
Alema 27
Ua taitai e Amona tagata o Aneti-Nifae-Liae i le saogalemu faatasi ma sa Nifae
A o e sauniuni e suesue le Alema 27, mafaufau i tali mo fesili nei:
-
Pe sa faia muamua ea e se tasi se folafolaga ia te oe ona le tausia lea o lena folafolaga?
-
E te iloa se tasi e na te tausia i taimi uma lana folafolaga ia te oe?
-
O le a sou lagona ia i latou o e tausia a latou folafolaga? Aisea?
Ina ua tuanai a latou taumafaiga le manuia e faatamaia sa Nifae, sa taumafai sa Lamana e faatamaia na sa Lamana (o Aneti-Nifae-Liae) o e ua faaliliuina e Amona ma ona uso. Ia manatua sa tanumia e Aneti-Nifae-Liae a latou auupega o taua e faailoa ai lo latou tausia o a latou feagaiga ina ia le toe fasioti lava. Ina ia iloa le tuuto o Aneti-Nifae-Liae i le tausia o lena feagaiga, faitau le Alema 27:2–3.
Vaai faalemafaufau i le malosi o le tautinoga a Aneti-Nifae-Liae e faamamalu a latou feagaiga ina ia le toe sii ae a latou auupega pe a osofaia i latou. Mafaufau pe faapefea ona faamalosia lau tautinoga e tausia au feagaiga ma le Tama Faalelagi pe a foliga e faigata ona fai.
Ona o sauaga ma osofaiga mai i sa Lamana amioleaga, na taitaia e Amona Aneti-Nifae-Liae i Saraemila —o se aai o sa Nifae—lea na folafola e sa Nifae e puipuia i latou mai o latou fili. Mafaufau i se mea e te faia e fesoasoani ai ia i latou o loo siomia oe e tausia feagaiga sa latou osia ma le Alii.
Ina ua i ai i Saraemila, sa faaigoa sa Nifae-Aneti-Nifae-Liae o tagata o Amona e sa Nifae. Faitau le Alema 27:27–30, ma vaavaai mo mea na lauiloa ai tagata o Amona. Faailoga soo se upu po o fasifuaitau o loo aoao ai le mataupu faavae lenei: : A liua moni i tatou i le Alii, tatou te tausia feagaiga sa tatou osia ma Ia.
-
-
O a aafiaga sa e oo i ai ina ua faigata ia te oe ona tausia au feagaiga ma le Alii, ae o loo e tausia pea?
-
O ai sa avea ma faataitaiga ia te oe o se tasi ua faatuatua ma faamaoni i ana feagaiga ma le Alii? E faapefea e lena tagata ona faaali lona faamaoni i na feagaiga?
-
Alema 28
Na faatoilaloina e sa Nifae sa Lamana i se taua tele
-
-
O le a le tau na totogi e sa Nifae ona o le fesoasoani i tagata o Amona e tausi a latou feagaiga? (Tagai i le Alema 28:1–3.)
-
O le a le tele o aafiaga o nei maliu i sa Nifae? (Tagai i le Alema 28:4–6.)
-
Aisea na fefefe ai nisi o tagata ina ua maliliu e alolofa i ai a o isi ua olioli ma faamoemoe? (Tagai i le Alema 28:11–12.)
-
Tusi se faamatalaga o mataupu faavae e otooto ai mea sa e aoaoina mai le Alema 28:11–12:
O se tasi o mataupu faavae ua aoaoina i le Alema 28 o le: Pe a i ai lo tatou faatuatua ia Iesu Keriso ma Ana folafolaga, e mafai ona tatou maua le faamoemoe ma le olioli e ui lava o le oti.
-
-
O anafea na e molimauina ai se tasi o feagai ma lona lava oti po o le oti o se tasi e pele ia te ia ma le faamoemoe ona o le faatuatua ia Iesu Keriso?
-
E faapefea ona e faamatalaina le oti i se tasi ina ia mafai ona fesoasoani ai i lena tagata e maua le faamoemoe pe a mavae le oti o se tasi e pele ia te ia?
-
Faailoa mai faamatalaga e tolu o “ ma o lea ua tatou vaai” a Mamona i le Alema 28:13–14. Atonu e te manao e faailoga nei [faamatalaga] i lau tusitusiga paia. O a tulaga o loo faamamafaina e Mamona a o ia faamaeaina le tala o le misiona a atalii o Mosaea i sa Lamana? Manatunatu loloto pe aisea e taua ai nei upumoni mo oe ina ia e iloa.
Alema 29
Sa vivii atu Alema i le aumaia o agaga i le Atua
Pe sa e faamoemoe ea ua ia te oe le mana e mafai ai e oe lava ona faia se lelei tele po o le taofia o se tiapolo matautia i le lalolagi? Alema 29 o loo i ai faamatalaga a Alema i lona naunautaiga e avea ma meafaigaluega i aao o le Alii Suesue le Alema 29:1–3, ma vaavaai mo le naunautaiga o le loto o Alema.
I le manatua ai o le mea sa tupu ia Alema ao avea o se alii talavou, mafaufau pe aisea ua i ai ia Alema le naunautaiga e pei ona ia faailoa mai. Matau i le Alema 29:3 le mafuaaga sa ia lagona ai na agasala o ia i ona manaoga. Faitau le Alema 29:4–5, ma faailoa mai mea mea ua auina mai e le Alii ia i latou o e i ai manaoga amiotonu.
Suesue le Alema 29:10, 14–16, ma faailoga le taui na maua e Alema mo le aumaia o agaga ia Keriso. Atonu e te manao e faailoga i taimi taitasi e faaaoga ai e Alema le upu olioli i nei fuaiupu.
O se tasi o mataupu faavae o loo aoaoina i le Alema 29 o le: O le a tatou maua le olioli pe a tatou fesoasoani i isi ina ia salamo ma o mai ia Iesu Keriso. O a aafiaga na ia te oe na fesoasoani ai ia te oe e lagona le olioli i le fesoasoani i isi e o mai ia Keriso?
Manatunatu loloto mo sina taimi i ni auala e mafai ai ona e fesoasoani i tagata taitasi o vaega o loo faia suiga e manaomia i o latou olaga ma o mai ia Iesu Keriso: (a) o au uo, (e) o tagata o lou aiga, ma (i) o i latou e te le i masani lelei i ai. Saili le taitaiga a le Agaga a o e vaavaai mo ni avanoa e aumaia ai isi ia Iesu Keriso.
-
Ua ou suesueina le Alema 25–29 ma faamaeaina lenei lesona i le (aso).
Fesili, mafaufauga, ma manatu faaopoopo ou te fia faasoa i lou faiaoga: