Iunite 23: Aso 3
Helamana 13–14
Folasaga
I ni nai tausaga a o lei soifua mai le Faaola, na auina mai ai e le Alii se perofeta sa Lamana e igoa ia Samuelu e talai atu le salamo ia sa Nifae i Saraemila. O le perofeta o Samuelu na avea ma se molimau lona lua ia Iesu Keriso, faatasi ai ma le perofeta o Nifae. Na ia muai lapataia sa Nifae i lo latou faatafunaga pe afai latou te le salamo. Na luiina e Samuelu i latou e uiga i lo latou matele e tetee atu i perofeta ma lo latou manao e saili le fiafia i le faia o le agasala. Na ia faalauiloa atu faailoga o le a faailo ai le soifua mai ma le maliu o Iesu Keriso. Na ia aoao atu foi, o le togiola a Iesu Keriso o le a toe faafoi atu ai tagata uma i le afioaga o le Atua mo le faamasinoga.
Helamana 13
Ua lapataia e Samuelu ia sa Nifae e uiga i lo latou faatafunaga pe afai latou te le salamo
Ina ua e faia se mea sese ma na manaomia ona faasa’oina e se matua po o se isi taitai, na faapefea ona e tali atu?
O le tala i se perofeta o loo valaau atu i tagata ia salamo o loo faamaumauina i le Helamana 13–16 e tulaga ese aua o se tulaga muamua lea i totonu o le Tusi a Mamona i se perofeta sa Lamana o loo valaau atu i sa Nifae ia salamo.
Faitau le Helamana 13:1–8, 11 ia malamalama ai pe aisea na talai atu ai Samuelu i sa Nifae ma o a foi mea na faatonuina o ia e le Alii ia ta’u atu. O nei fuaiupu ua faaalia ai le mataupu faavae: E maua ma saunoa atu perofeta i savali ua tuuina e le Atua i o latou loto. O le a le savali sa tuu e le Atua i totonu o le loto o Samuelu? E tusa ai ma le Helamana 13:7, o a ni aafiaga na faamoemoe Samuelu o le a faia e lana savali i luga o sa Nifae?
-
I lau api talaaga mo le suesueina o tusitusiga paia, tusi e uiga i se taimi na e lagona ai na musuia ai se matua po o se taitai o le Ekalesia e tuuina mai se savali faapitoa. Na faapefea ona aafia oe e lena savali?
I avanoa ua tuuina atu, tusi ni tali i fesili i siata nei a o e suesue le Helamana 13:17–23 ma le Helamana 13:24–30.
|
Mataupu Faavae: Pe a tatou le manatua le Alii, ua sili atu ona tatou lilifa atu i le faamaualuga ma le agasala. |
|
O le fea fuaiupu e te lagona ua aoaoina ai le mataupu faavae o loo i luga? |
|
O le a le mala na tau atu e Samuelu o le a oo atu i luga o sa Nifae? |
|
E tusa ma le faamatalaga a Samuelu, o a mea e le’i faia e sa Nifae ina ua tuu o latou loto i a latou oa? |
|
O a auala e ono tuu ai e le autalavou o aso nei o latou loto i luga o oa—meatotino, faiga masani, ma manaoga—lea e mafai ona taitai atu ai i le faamaualuga ma le agasala? |
|
Aisea e te manatu ai e taua ona “manatua le Alii lo outou Atua i mea ua ia faamanuiaina ai outou”? fuaiupu 22). |
|
Mataupu Faavae: Afai tatou te teena upu a perofeta a le Alii, o le a tatou oo i le faanoanoa ma le faavauvau. |
|
O fea fuaiupu e te lagona ua aoaoina ai le mataupu faavae o loo i luga? |
|
O a ‘alofaga na tau mai e Samuelu na faaaoga e sa Nifae mo le teenaina o perofeta a le Alii? |
|
Aisea e te manatu e talia ai e tagata i nisi taimi ia perofeta pepelo i le auala na faamatalaina e Samuelu? |
|
Tali fesili e lua o loo sosoo e ala i le suesueina o le lauga o le konafesi aoao aupito lata mai i le Ensign po o le Liahona: |
|
O a nisi o aoaoga patino a o tatou perofeta soifua ma aposetolo? |
|
O a nisi o faafitauli faapitoa ua lapataia ai i tatou e perofeta ma aposetolo ina ia aloese mai ai? |
Iloilo le Helamana 13:26–28, ma vaavaai pe na faapefea ona tali atu sa Nifae i perofeta pepelo. Na folafola mai e Peresitene Ezra Taft Benson: “O le auala e tatou te tali atu ai i upu a perofeta soifua pe a ia tau mai ia i tatou mea e manaomia ona tatou iloa, ae o le a le faalogo i ai, o se suega lea o lo tatou faatuatua” (The Teachings of Ezra Taft Benson [1988], 140).
-
-
O le a se faataitaiga o fautuaga faaperofeta ua e filifilia e usitai i ai?
-
Pe ua faamanuiaina ea oe i le mulimuli ai i lenei fautuaga?
-
E faapefea ona e alualu i luma i le mulimuli ai i fautuaga a perofeta soifua?
-
Na valoia e Samuelu le faatamaiaga o sa Nifae i le 400 tausaga pe afai latou te le salamo (tagai Helamana 13:9–10), ma na ia aoao atu e na o le pau lava le mafuaaga na le’i faatamaia ai i lea taimi i latou ona o tagata amiotonu na aumau i le lotolotoi o i latou (tagai Helamana 13:12–14).
Faitau le Helamana 13:38 ia iloa ai le mea na matuai amioleaga ai le toatele o sa Nifae i le vaitaimi o Samuelu.
Na folafola mai e Samuelu e le mafai ona tatou maua le fiafia i le faia o le agasala, lea e fesoasoani ia i tatou e malamalama ai e oo mai le fiafia moni i le na o le tausia o poloaiga a le Atua. O le fea o fuaitau o mau tauloto e aoao ai foi lenei upumoni? (Tagai i le vaefaamatalaga i mo le Helamana 13:38.)
Ua fesoasoani mai Peresitene Ezra Taft Benson ia i tatou ia malamalama i lenei mataupu faavae ina ua ia faapea mai: “O loo taua i se alagaupu ua leva e faapea: E sili atu le saunia ma puipuia nai lo le faaleleia ma salamo. Oka se moni o lena mea. … O le laina muamua o le puipuiga i le tausia o i tatou lava ia ola mama o le saunia lea o i tatou lava ia tetee atu i faaosoosoga ma puipuia i tatou lava mai le pa’u’u atu i le agasala” (“The Law of Chastity,” i le Brigham Young University 1987–88 Devotional and Fireside Speeches [1988], 51; speeches.byu.edu).
Na aoao mai Samuelu o le filifiliga a sa Nifae e tolopo le salamo o le a iu ai ina latou faanoanoa ma le faatafunaga. O isi tala i le Tusi a Mamona o loo aoao mai ai, o tagata taitoatasi e mafai ona tumau i le tetee ma le amioleaga seia oo ina tuua i latou e le agaga o le salamo. Mo se faataitaiga, e le faalogo Lamana ma Lemuelu i le Atua ma oo ai ina “le toe lagonaina” (1 Nifae 17:45). O ia faataitaiga e faaalia ai le mafuaaga e taua tele ai le lē tolopoina o lo tatou salamo. E ala i le salamo e mafai ona e faasa’oina ai mea ma taofia ai le agasala ma faaosoosoga mai le faatoilaloina o lou manao e mulimuli i le Atua.
Faitau le faamatalaga lenei mai ia Peresitene Dieter F. Uchtdorf o le Au Peresitene Sili ia e malamalama lelei ai e mafai ona e toe maua se ala sa’o i lou olaga pe afai e te uia se ala sese:
“I le taimi o a’u aoaoga faatino ina ia avea ma se kapeteni avevaalele, sa ou aoao pe faapefea ona faafoeina se vaalele i malaga mamao. O malaga e laasia ai vasa tetele, e sopoia ai toafa tetele, ma malaga mai le konetineta i lea konetineta e manaomia ai lava le fuafuaina ma le faaeteete, ina ia mautinoa e taunuu saogalemu i le taunuuga sa fuafuaina. O nisi o nei malaga e leai se malolo e mafai ona oo atu i le 14 itula ma e toetoe lava atoa le 9,000 maila e aofia ai.
“E i ai se itu taua o se faaiuga i le taimi o na malaga uumi e masani ona ta’ua o le itu o le toe foi saogalemu. E oo atu i le itu lea o loo lava lelei le suauu o le vaalele e toe liliu ai ma toe foi saogalemu i le malaevaalele na aluese mai ai. O le pasia o le vaega tonu o le toe foi saogalemu, ma ua leai ai foi ma se filifiliga a le kapeteni, o lea e tatau ai lava ona [ia] faaauau pea. O le mafuaaga lena e masani ona ta’ua ai le vaega tonu lenei o le vaega tonu o le le toe foi mai.
“… E manao Satani ina ia tatou mafaufau faapea a tatou agasala ua tatou pasia se ‘vaega tonu o le le toe foi mai’—e faapea ua fai si tuai ona sui lo tatou auala. …
“… Ina ia tatou lafoai lo tatou faamoemoe, lagona le faanoanoa e pei o ia lava, ma talitonu ua le mafai ona toe faamagaloina i tatou, e mafai e Satani ona faaaoga sese upu mai tusitusiga paia lea e faamamafa ai le faamasinoga tonu a le Atua, ina ia faauiga ai faapea e leai se alofa tunoa. … …
“Na afio mai Keriso e laveai i tatou. Afai ua tatou uia se auala sese, o le Togiola a Iesu Keriso e mafai ona aumaia ia i tatou le faamautinoaga faapea o le agasala e le o se vaega tonu o le le toe foi atu. E mafai ona tatou toe foi saogalemu pe afai tatou te mulimuli i le fuafuaga faataatia a le Atua mo lo tatou faaolataga” (“Vaega Tonu o le Toe Foi Saogalemu,” Ensign po o le Liahona, Me 2007, 99
E ono mafai faapefea e le tautalaga a Peresitene Uchtdorf ona tuu atu le faamoemoe ia i latou o e lagona ua latou agasala tele ma ua latou oo atu ai i tua atu o le “vaega tonu o le le toe foi mai”?
Helamana 14
Ua vavalo Samuelu i faailoga o le soifua mai ma le maliu o le Faaola
Mafaufau i se mea na tupu talu ai nei i fafo atu o lou atunuu ma maua ai le gauai mai a le lalolagi atoa. E faapefea ona iloa e tagata mea o loo tutupu i isi vaega o le lalolagi, e pei o mala faalenatura ma taua? Aisea e fia iloa ai e tagata mea e tutupu i isi vaega o le lalolagi?
Na vavalo Samuelu e uiga i le soifua mai ma le maliu o le Faaola, o mea e tutupu o le a faataunuu i se nofoaga e mamao ese mai Saraemila. Suesue le Helamana 14:3–6, ma faailoga i au tusitusiga paia ia faailoga o le a oo mai faatasi i le soifua mai o Iesu Keriso. Suesue Helamana 14:20–27, ma faailoga ia faailoga o le a oo mai faatasi ma Lona maliu.
-
O nei faailoga o aoaoga uma ma o faafaatusa. Ina ua afio mai Iesu Keriso i le lalolagi, na faateteleina le malamalama. Ina ua maliu o Ia, na faateteleina le pogisa. E tupu lea mea e tasi i o tatou olaga pe a tatou faatagaina pe taofia o Ia e ulufale mai i totonu o o tatou loto.
Faitau le Helamana 14:11–13, ma faailoa mai le manao ma le faamoemoega o Samuelu e talai atu i sa Nifae. Atonu e te manao e faanumera i totonu o au tusitusiga paia mea na manao Samuelu ia iloa ma fai e sa Nifae. (O le fasifuaitau “e ala i ana galuega” i le fuaiupu 13 o lona uiga e ala i le Togiola a Iesu Keriso.) Mai i nei fuaiupu ua tatou aoao ai o le talitonu ia Iesu Keriso e taitai atu ai i le salamo ma le faamagaloina o agasala.
Faitau le Helamana 14:28–29, ma vaavaai mo le mafuaaga e tuuina mai ai e le Alii ia faailoga ma mea ofoofogia. O se tasi o upumoni ua tatou aoaoina o le: E tuuina mai e le Alii ia faailoga ma mea ofoofogia e fesoasoani ai i tagata ia talitonu ia te Ia. Manatunatu loloto o faailoga (faamautinoaga) e te lagona ua fesoasoani ia te oe e talitonu ia Iesu Keriso.
A o e aoao e uiga i faailoga na valoia e Samuelu, e taua le manatuaina e tuuina mai e le Alii ia faailoga e fesoasoani ai i tagata amiotonu e talitonu ma salamo, a o tagata amioleaga e sailia pe mananao i faailoga mo o latou lava pogai manatu faapito (tagai MF&F 46:9). E ui e taua le iloaina o faailoga o le maliu o le Alii po o faailoga o Lona Afio Mai Faalua, ae e taua foi le iloa o aoaoga a Samuelu e faatatau i le taua o le maliu ma le Toetu o Iesu Keriso.
Faitau ma le toto’a le Helamana 14:15–19, ona suesue lea o le ata o loo i lalo.
Pe a maea ona faitauina le Helamana 14:15–19 ma le suesueina o le ata, mafaufau i vaega nei:
-
O le fanau mai i le olaga faaletino e mafai ona taua o se oti faaleagaga ona ua vavaeese i tatou mai le afioaga o lo tatou Tama Faalelagi.
-
E ala i Lona maliu ma le Toetu, ua togiola e Iesu Keriso tagata uma mai le Pau ina ia mafai ona tatou toe foi atu i le afioaga o le Atua.
-
E ala i le Togiola a Iesu Keriso, ua toe aumaia ai tagata uma i le afioaga o le Atua ina ia faamasinoina.
-
I le Faamasinoga Mulimuli, o tagata o e faaauau pea ona tetee e salamo o le a aafia i se isi oti faaleagaga—o le vavaeese mai le afioaga o le Atua e faavavau.
-
Ua togiolaina i tatou e Iesu Keriso mai se oti faaleagaga i luga o tulaga o le salamo.
Faailoga fasifuaitau i le Helamana 14:15–19 e fetaui i aoaoga faavae ua faalapopoa lea na faatoa e faitauina. Faaiu e ala i le faitauina o le Helamana 14:30–31.
-
-
Ua ou suesueina le Helamana 13–14 ma faamaeaina lenei lesona i le (aso).
Fesili, mafaufauga, ma manatu faaopoopo ou te fia faasoa i lou faiaoga: