Iunite 12: Aso 3
Mosaea 11–14
Folasaga
Sa fiafia tele le Tupu o Noa i le ola soonafai ma taitai ai le toatele o ona tagata i le amioleaga. Na auina atu e le Alii le perofeta o Apinati e valaau atu i tagata o Noa e salamo ma lapatai i latou i le faapologaina o loo loma. Sa filifili tagata e le faalogo i lapataiga, ma faafalepuipui ai Apinati ona o ana valoaga. Ina ua fesiligia e faitaulaga a le Tupu o Noa ia Apinati, sa aoai i latou e le perofeta ona o le le ola po o le le aoaoina o poloaiga. Sa puipui e le Atua ia Apinati ma tuu atu ia te ia le mana e faauma ai lana savali i le Tupu o Noa ma ana faitaulaga. I le siiina mai o upu a Isaia, sa molimau atu ai Apinati i le manaomia e tagata uma o le faalagolago ia Iesu Keriso ma Lana Togiola.
Mosaea 11:1–19
Ua taitai e le Tupu o Noa ia ona tagata i le amioleaga
Mafaufau i fesili nei:
-
O le a se mea e te faia pe afai e fautuaina mai e ou matua, tagata e vaaia oe, po o se taitai e faapea o nisi o au uo sa i ai ni o latou faatosinaga leaga ia te oe?
-
O le a lau mea e fai pe afai e fai atu se tasi o ou matua po o se taitai o le Ekalesia ia te oe e fai faalelei ou lavalava mo sauniga lotu i le Aso Sa ma isi gaoioiga a le Ekalesia?
-
O le a lau mea e fai pe afai e fai mai le perofeta e tatau ona sui ou tulaga o faafiafiaga?
Atonu e eseese tali a tagata i fesili o loo i luga. A o e suesue i le lesona lenei, vaavaai mo le ala e finagalo le Alii e te tali atu ai i tagata Na te auina mai e fesoasoani ia te oe ina ia e ola amiotonu.
A o e sauni e suesue le Mosaea 11, atonu e aoga le iloa, ina ua maliu Senifa, sa pule lona atalii o Noa i tagata sa Nifae o e sa i le nuu o Nifae. Faitau le Mosaea 11:1–2, 5–7, 14–19, ma faailoga upu ma fasifuaitau e faamatala ai amioga a Noa ma le mea na ia sailia ina ua avea ma tupu. Ona faitau lea o le Mosaea 11:2, 6–7, 15, 19, ma faailoga i se lanu e ese mai (pe afai e mafai) le faatosinaga o amioga a Noa na faia i tagata o lona malo.
O nei fuaiupu ua faaalia ai le ala e ono i ai faatosinaga a tagata tatou te faifaimea faatasi i a tatou amioga. Mafaufau pe o faapefea ona faatosina e lau tupulaga ia filifiliga e te faia. Mafaufau loloto mo se taimi i mea e fai i nisi o taimi e tagata o le lalolagi i aso nei, e mafai ona faatatauina i le “malolosi e lagolagoina le amioletonu” (Mosaea 11:6).
Mosaea 11:20–12:17
Ua uunaia e Apinati le nuu ia salamo ma lapataia i latou e uiga i le faapologaina
E ui ina sa filifili e le Tupu o Noa ma ona tagata le amioleaga, ae sa alofaina pea i latou e le Alii ma manao e fesoasoani ia i latou. Vaai faavave i laina muamua e fa o le Mosaea 11:20, ma faamaonia le mea na fai e le Alii e fesoasoani ai i tagata o Noa.
Tusi le upumoni lenei i au tusitusiga paia i autafa o le Mosaea 11:20: E auina mai e le Atua ia perofeta e fesoasoani ia i tatou ia slamo ma aloese mai faanoanoaga.
Na poloaiina e le Alii ia Apinati i ni taimi eseese se lua e lapatai atu i tagata.
-
Kopi le siata lenei i totonu o lau api talaaga mo le suesueina o tusitusiga paia, ma tuu ia lava se avanoa i lalo o mau taitasi e tusi ai e aotelega. Ia suesue i fuaiupu ua faaalia, ma tusi se aotelega o lapataiga a Apinati ma le tali mai i ai a tagata.
|
Savali a Apinati |
O Le Tali a Tagata | |
|---|---|---|
|
Lapataiga Muamua | ||
|
Lapataiga Lona Lua |
-
-
O le a lou manatu, aisea na tali feita atu ai tagata ia Apinati, o lē sa taumafai e fesoasoani ia i latou? E te manatu, aisea na latou puipuia ai le Tupu o Noa, o lē sa taitaiina atu i latou i le faanoanoa?
-
Matau le fasifuaitau “sa faatauasoina mata o le nuu” i le Mosaea 11:29. O a nisi o faataitaiga o amioga ma faatosinaga e te talitonu o loo galue malosi ai Satani e “faatauasoina” ai tagata lelei i le lalolagi i aso nei?
-
O le a se mea e mafai ona e faia e faaalia ai le lotomaualalo pe a uunaia oe e tagata o le aiga, taitai o le Ekalesia, ma perofeta ia mulimuli i le afioga a le Atua?
-
Mosaea 12:18–13:26
Ua puipui e le Atua ia Apinati a o ia aoaia le Tupu o Noa ma ana faitaulaga ona o lo latou le tausia ma aoao atu poloaiga
A o le’i faaauauina lou suesueina o le Mosaea 12, ia faatulaga oe lava i se fuafaatatau o le 1 i le 10 (10 o le ioe atoatoa) po o le a le fetaui o le faamatalaina e faamatalaga nei o oe i le taimi nei:
Ua ou iloa le mea e tatau ona ou faia e ola ai i le talalelei a Iesu Keriso.
Ou te ola i le talalelei a Iesu Keriso.
A o e aoao e uiga i le Tupu o Noa ma ana faitaulaga, mafaufau pe o le a le lelei o le latou iloaina ma po o le a foi le lelei o le latou ola i poloaiga. Ina ua uma ona aumai e Noa ia Apinati mai fafo o le falepuipui, na amata ona tu’ifesili o ia e faitaulaga e uiga i tusitusiga paia. Faitau le Mosaea 12:26–30, ma faailoga le tala a Apinati na fai atu e aoai ai Noa ma ana faitaulaga.
O le a le lelei e te manatu e faatulaga ai e Noa ma ana faitaulaga i le fua o le 1 i le 10 o le iloaina ma le ola ai i poloaiga? O le a sou manatu i le uiga o le faaaoga o tatou “loto e malamalama ai”? (tagai Mosaea 12:27). Su’e i le Mosaea 12:33, ma vase se mataupu faavae o faaalia ai le mafuaaga e taua ai le ola i poloaiga.
Na folafola atu e Apinati le upumoni lenei: Afai tatou te tausia poloaiga a le Atua, o le a laveaiina i tatou. Aisea e le lava ai le iloa o le ala e ola ai e agavaa ai mo le faaolataga?
Sa ta’u atu e Apinati i le Tupu o Noa ma ana faitaulaga, sa latou le ola pe aoao atu poloaiga, ma sa amata ona ia lisiina atu Tulafono e Sefulu. O lenei mea na ita ai le tupu, ma poloai ai e fasioti ia Apinati. Sa puipui e le Atua ia Apinati ma tuu atu ia te ia le mana e faaauau ai ona aoao atu e uiga i Tulafono e Sefulu. Atonu e te manao e faailoga ma faanumera i latou i le Mosaea 12:35–36 ma le Mosaea 13:12–24. O le siata lenei o le a fesoasoani e te iloa taitasi ai Tulafono e Sefulu:
|
Ua Aoao Atu e Apinati Tulafono e Sefulu |
Sa aoai malosi atu e Apinati ia Noa ma ana faitaulaga, ona o le le tausia o Tulafono e Sefulu, e faapea, “Ua ou iloa ua le o tusia i latou i o outou loto” (Mosaea 13:11). Ina ia fesoasoani e te mafaufau po o le a le lelei o lou ola ai i Tulafono e Sefulu, ia faatumu le iloiloga lenei–e patino ia te oe lava:
|
O faamatalaga o loo i lalo e ono faaalia ai pe o le a le lelei o le tusia o Tulafono e Sefulu i lou loto. Faailoga pe faafia ona sa’o nei faamatalaga ia te oe. |
Toetoe lava a leai |
O ni isi o taimi |
Tele o le taimi |
Toetoe lava o taimi uma |
|---|---|---|---|---|
|
Ou te alofa i lo’u Tama Faalelagi. | ||||
|
Ou te faamuamuaina le Atua i lo’u olaga (e muamua i lo o uo, mea e fiafia e fai, meatotino, o’u lava manao, ma isi mea). | ||||
|
Ou te ta’uina ma le faaaloalo le igoa o le Alii. | ||||
|
Ou te tausia le aso Sapati ia paia e ala i le auai i gaoioiga ou te latalata atili atu ai i le Alii; Ou te iloaina o Lona aso lea, ae le o a’u. | ||||
|
Ou te ava i o’u matua e ala i le usiusitai ma faaaloalo. | ||||
|
Ou te pulea lo’u ita ma ou le amio saua i isi. | ||||
|
O loo o’u mama mai feusuaiga. Ou te aloese mai ata, gagana, ma amioga faatuinanau. | ||||
|
Ou te aloese mai le gaoiga ma le le faamaoni. | ||||
|
Ou te tautala i le sa’o. | ||||
|
Ou te aloese mai le manao (o lona uiga i manaoga le talafeagai i se mea e anaina e se isi tagata). |
-
Mosaea 13:27–14:12
Ua apoapoai atu Apinati e uiga i le afio mai o Iesu Keriso
Faitau le Mosaea 13:28, 32–35, ma faailoga soo se upu po o fasifuaitau e mafai ona faatumu ai le upusii lenei mai ia Elder Dallin H. Oak o le Korama a Aposetolo e Toasefululua: “A uma uma ona tatou usiusitai ma galuega lelei, e le mafai ona faasaoina i tatou mai le oti po o aafiaga o a tatou lava agasala e aunoa .”
O le upusii atoa a Elder Oaks e faitauina faapenei: “A uma uma ona tatou usiusitai ma galuega lelei, e le mafai ona faasaoina i tatou mai le oti po o aafiaga o a tatou lava agasala e aunoa le alofa tunoa na faaloaloa mai e le togiola a Iesu Keriso” (“Another Testament of Jesus Christ,” Ensign, Mat. 1994, 67).
Atonu e te manao e tusi le upumoni lenei i aufata o le Mosaea 13:28: E leai se tasi e mafai ona faasaoina vagana lava e ala atu i le Togiola a Iesu Keriso.
Faaalu ni nai minute e suesue ai le Mosaea 14:1–12, ma faailoga upu ma fasifuaitau o loo faamatala ai le mea na fai e Iesu Keriso i le olaga nei e fesoasoani e te toe foi atu ai i lo tatou Tama oi le Lagi. Mafaufau i tiga, faanoanoaga, ma agasala sa tauave e Iesu Keriso mo oe. O fuaiupu nei e feagai ma le Isaia 53:1–12. Sa sii mai e Apinati mea na tusia e Isaia (tagai Mosaea 14:1).
-
-
Ua ou suesueina le Mosaea 11–14 ma faamaeaina lenei lesona i le (aso).
Fesili, mafaufauga, ma manatu faaopoopo ou te fia faasoa i lou faiaoga: