Iunite 30: Aso 4
Eteru 12
Folasaga
Ina ua mavae ona faamatalaina le tele o tausaga o le talafaasolopito a sa Iareto, na faailoa mai e Moronae le talaiga a le perofeta o Eteru. Ona malolo lea o Moronae i lana faamatalaga muamua ae faamaumauina nisi o faamanuiaga lea e oo mai ia i latou o e faatinoina le faatuatua ia Iesu Keriso. Sa ia faailoa mai foi se atugaluga. Sa popole o ia o le a le taliaina e i latou o le a faitau i le Tusi a Mamona i aso e gata ai ona o le vaivai o lana tusitusi faapea ma isi tusitala. Sa folafola atu e le Alii ia Moronae o le a Ia faamalolosia vaivaiga a i latou uma o e faamaualalaloina i latou lava i Ona luma ma maua le faatuatua.
Eteru 12:1–4
Talai atu e Eteru le salamo ia sa Iareto
Aisea e taua ai mo se vaa le taulaina? O a ni mala po o ni faafitauli e ono fetaiai ma se vaa pe afai e le taulaina? Faailoga le vaa o i le ata Lo’u olaga. Mafaufau e uiga i fesili nei:
-
Afai e suitulaga le vaa i lou olaga, o a mea e mafai ona faatusa i ai galu?
-
Afai tatou te faatusaina galu i faafitauli ma amioleaga, o le a se mea e ono oo i ai le olaga o se tasi pe afai e leai sona taula? (Tagai Mamona 5:18.)
-
O le a se mea ua tuuina atu ia te oe e le Alii e fesoasoani e taofimauina oe e pei o se taula?
A o e suesue i le Eteru 12, vaavaai mo le mea e tatau ona e faia ia pei ai o se vaa o i ai se taula—mautu ma malupuipuia e ui i galu ma avega o feagai ma oe. Eteru 12 e amata i le faailoaina atu e Moronae o le perofeta o Eteru, lea sa soifua mai i se taimi sa teena ai e tagata perofeta ma ola i le amioleaga. Faitau le Eteru 12:1–3, ma vaavaai mo soo se mea e faagaeetia ai oe e uiga i mea na faia e Eteru i na vaitaimi faigata.
Ao alu atu ma apoapoai atu i tagata ina ia salamo, sa aoao atu e Eteru se mea e mafai ona faamoemoe i ai se tagata o lē talitonu i le Atua e ui i le siomiaina i faigata ma le amioleaga. Faitau le Eteru 12:4, ma faailoga po o le a lena faamoemoe. (Ao e faitau, atonu o le a fesoasoani le iloaina o le i ai o “se nofoaga i le aao taumatau o le Atua” o lona uiga o le toe foi atu lea i le afioaga o le Atua ma maua le ola e faavavau.)
-
Tali ia fesili nei i lau api talaaga mo le suesueina o tusitusiga paia:
-
E faapefea ona e mafaufau o le i ai o le faamoemoe “ma le mautinoa” e ese mai le na o le moomoo mo se mea?
-
E faapefea i le faatuatua ia Iesu Keriso ona faatagaina i tatou ia faamoemoe “ma le mautinoa” mo se nofoaga i le aao taumatau o le Atua?
-
O a ni fuaitau i le Eteru 12:4 o faamatala mai ai ni faatinoga a se tasi o le e i ai se faamoemoega ma le faatuatua ia Iesu Keriso?
-
I le ata o le vaa i le amataga o lenei lesona, faailoga le taula i upu faatuatua ma le faamoemoe.
Eteru 12:4 o loo aoao maia le mataupu faavae afai tatou te maua le faamoemoe ma le faatuatua ia Iesu Keriso, o le a tatou maua le malosi e tu mausali ai ma faia galuega lelei.
Mafaufau loloto i taimi atonu e faigata ai mo oe le tu mausali (e le maluelue) ma faia galuega lelei. Ina ia fesoasoani ia te oe i nei tulaga ma i le aluga o lou olaga, tagai mo ni auala e mafai ai ona faateleina lou faatuatua i le Alii o Iesu Keriso ao faaauau pea ona e suesue i le Eteru 12.
Eteru 12:5–22
Na toe faamatalaina e Moronae vavega ma galuega tetele lea na oo mai e ala i le faatuatua
-
O nisi tagata latou te lagona le tatau ona latou vaai muamua i faamaoniga o se upumoni ma faamaonia mai ia i latou ae latou te lei ola ai. Sa tautala Eteru i lena uiga i le Eteru 12:5–6. Faitau fuaiupu nei ma faailoga ia vaega na o lana fautuaga o loo tu matilatila mai ia te oe. (Eteru 12:6 o se fasifuaitau o se mau tauloto.)
E tusa ai ma le Eteru 12:6, o le a se mea e tatau ona i ai ia i tatou ao lei mauaina se molimau mai le Alii? O le a se mea e oo mai i le mafaufau pe a e mafaufau i le “tofotofoina o lou faatuatua””
O nisi tagata e faaliliuina sese le “tofotofoina o lou faatuatua” e faatatau lava i faigata. Sa tauina mai e Elder Richard G. Scott o le Korama a Aposetolo e Toasefululua le malamalamaaga lenei i le uiga o le “tofotofoina o lou faatuatua”: “E mafai ona e aoao e faaaoga atili ma le lelei le faatuatua e ala i le faaaogaina o lenei mataupu faavae na aoao mai e Moronae: ‘… tou te le maua se molimau seia uma ona tofotofoina o lo outou faatuatua’ [Eteru 12:6; faaopoopo le faatusilima]. O lea la, soo se taimi lava e te tofotofoina ai lou faatuatua, o lona uiga, o le galue ma le agavaa i se musumusuga, o le a e mauaina le faamautinoaga faamaonia o le Agaga. O na lagona o le a faamalosia ai lou faatuatua. A o e toe faia lena mamanu, o le a faamalosia atili lou faatuatua” (“The Sustaining Power of Faith in Times of Uncertainty and Testing,” Ensign po o le Liahona, Me 2003, 76).
Faitau ia fuaitau o mau nei, ma tagai mo faamanuiaga lea na oo mai ina ua uma ona faatinoina e tagata le faatuatua:
-
Eteru 12:11. O le a le faamanuiaga?
-
Eteru 12:12–13. O le a le faamanuiaga na oo mai ia Alema ma Amoleka?
-
Eteru 12:19–22, 30–31. O a faamanuiaga na oo mai i le uso o Iareto e ala i le faatuatua?
Atonu o le a fesoasoani le iloaina o le faaaogaina o le upu mavae i le Eteru 12:7, 12, 17, 18, ma le 31.
-
O se tasi mataupu faavae sa aoaoina e Moronae o le: Afai tatou te mananao i se molimau, e tatau la ona tatou faatino muamua le faatuatua ia Iesu Keriso.
-
-
O se tamaitai talavou e manao ia maua se molimau i le moni o le Tusi a Mamona.
-
O se alii talavou e i ai se naunautaiga malosi ia fesoasoani i e pele ia te ia ia talia le talalelei.
-
O se tamaitai talavou ua saili mo le Alii ia faamanuia lona tama ma’i.
-
-
Toe mafaufau i le mataupu faavae po o le aoaoga faavae lea e te manao ia maua ai se molimau faaleagaga (tagai i le galuega fai 2 i lenei lesona). O le a se mea e mafai ona e faia e faaalia ai lou faatuatua ao lei mauaina le molimau?
Mau Tauloto—Eteru 12:6
-
Eteru 12:23–41
Sa faaalia e Moronae le popole e uiga i le auala o le a tali atu ai Tagata o Nuuese i le Tusi a Mamona
E pei ona faamaumauina i le Eteru 12:23–41, sa faaalia e Moronae lona popole o le a le taliaina e i latou o le a mauaina le Tusi a Mamona i aso e gata ai ona o le vaivai o lana tusitusi faapea ma isi tusitala. Ao e faitau i le fetalaiga a le Alii i le atuatuvale o Moronae i le Eteru 12:26–27, tagai mo le auala na fetalai mai ai le Alii o mea vaivai o le a avea ma mea malolosi. (Eteru 12:27 o se fasifuaitau o se mau tauloto.)
E faailoa mai e mau i nisi taimi se mataupu faavae o le talalelei e ala i le faaaogaina o upu afai ma le ona. O le upu afai e faamatala ai le mea e tatau ona tatou faia, ma le ona e faamatalaina le mea o le a tupu o se taunuuga o au galuega po o faatinoga. Faitau le Eteru 12:27, faailoa mai se mataupu faavae o le afai–ona, ma tusi i lalo.
Afai tatou te , ona faia lea e le Alii .
O le a outou talanoaina auiliili mau nei i le lesona faatasi ai ma lou faiaoga i lenei vaiaso. O le a outou suesue ma aoao atili foi e uiga i le faamatalaga a Moronae e faatatau i le faatuatua, faamoemoe, ma le alofa mama o loo maua i le Eteru 12:28–41.
Mau Tauloto—Eteru 12:27
Ina ia fesoasoani ia te oe ia manatua manatu o i le Eteru 12:27, kopi le mea lenei i luga o se fasi pepa: Afai … o mai … faaali atu … vaivaiga. … avatu … vaivaiga … faalotomaualalalo…; … alofa tunoa … tagata uma … faalotomaualalaloina … afai … faalotomaualalaloina … faatuatua … vaivai … malolosi.
Toe faitau le Eteru 12:27, ia matauina upu nei. Toe fai mai le tele o le mau e te mafaia, tagai i nao upu o loo i luga o lau pepa. Tuu le fasi pepa i se mea o le a e vaai i ai i se taimi mulimuli ane o lenei aso po o taeao (mo se faataitaiga, i lau taga po o au tusitusiga paia). Toe iloilo le Eteru 12:27 i soo se taimi lava e te vaai ai i le fasi pepa seiloga ua e taulotoina le fuaitau.
-
Ua ou suesueina le Eteru 12 ma faamaeaina lenei lesona i le (aso).
Fesili, mafaufauga, ma manatu faaopoopo ou te fia faasoa i lou faiaoga: