Iunite 15: Aso 4
Alema 8–10
Folasaga
Ina ua maea ona aoao atu Alema i Saraemila, Kitiona, ma Meleka ma na toatele tagata na talia lana savali, sa teena e tagata o Amonaea lana savali ma lafoai o ia i fafo o lo latou aai. Ae ui i lea, o lona usiusitai i le poloaiga a le Alii, sa toe foi ai Alema i Amonaea. Na saunia e le Alii Amoleka e talia Alema i Amonaea ma faatasi ma ia e molimau atu i tagata. Sa lapataia e Alema ma Amoleka tagata o Amonaea pe afai latou te le salamo, o le a faatafunaina i latou. Sa usiusitai ma le faatuatua Amoleka i le Atua ma faaaoga lona tulaga, igoa tauleleia, ma aafiaga e lagolagoina ai le perofeta o Alema ma molimau atu ia Iesu Keriso.
Alema 8
Sa toe foi ma le usiusitai Alema i Amonaea, lea sa ia saunia ai Amoleka e folafola atu
Ina ua maea ona aoao atu e Alema le talalelei i Saraemila ma Kitiona (tagai Alema 5–7), sa ia malaga atu i Meleka. Faitau le Alema 8:4–5, ma faailoa mai pe na faapefea ona maua e tagata o Meleka aoaoga a Alema. (O le fasifuaitau “faatulagaga paia a le Atua” i le Alema 8:4 o loo faasino lea i le perisitua, e pei ona e vaaia i le Alema 13.)
Ina ua maea ona aoao atu Alema i Meleka, sa ia malaga atu i Amonaea e talai ai. Sa ese lava ona aafiaga ma tagata sa ola ai iina. Suesue ata ma fuaitau o mau nei, ona tusi lea o se ulutala mo ata taitasi, ma aotele mea na tutupu ia Alema a o i ai o ia i Amonaea:
Mafaufau i fesili nei (e le manaomia ona e tusia au tali):
-
O le agelu sa faaali ia Alema o le agelu lava lea na faaali ia te ia ma atalii o Mosaea i se taimi na muamua atu. E faapefea e upu a le agelu ona fai ma faamafanafanaga ia Alema (tagai Alema 8:15)?
-
Aisea atonu na faafaigata ai ia Alema ona toe foi i Amonaea (tagai Alema 8:16)?
E ui i le faigata o le poloaiga, “sa vave ona ia toe foi atu i le laueleele o Amonaea” (Alema 8:18). Na aoao atu Peresitene Howard W. Hunter e faapea e alofa le Alii i lena ituaiga usiusitai: “Ioe, ua sili atu le fiafia o le Alii i se tautinoga e le suia e usiusitai i lana fautuaga, nai lo se isi lava mea” (“Tautinoga i le Atua,” Liahona, Ian. 1983, 114).
-
Filifili se tasi pe sili atu o tulaga nei. Ona tusi lea i lau api talaaga mo le suesueina o tusitusiga paia pe faapefea ona faamanuiaina le tagata pe afai e usiusitai o ia:
-
A o le a alu se tamaitai talavou mo le aoga, na fai atu lona tina ia te ia e fai sona ofu e sili atu le tauagafau.
-
Ua luiina se ositaulaga fou e lona epikopo po o le peresitene o le paranesi ina ia maua lona taui o le Tiute i le Atua.
-
E toalua faifeautalai ua lagona se uunaiga e asiasi i se aiga e le toaaga, lea o le tina e le auai i le Ekalesia.
-
Atonu e te manao e tusi ia le mataupu faavae lenei i lau tusitusiga paia i talaane o le Alema 8:18–20: Afai tatou te tali vave atu i le afioga o le Alii, o le a Ia fesoasoani ia i tatou e faataunuu Ana poloaiga.
-
Faitau Alema 8:27–32, ma vaavaai mo isi auala na fesoasoani ai le Alii ia Alema e faia mea na poloaiina ai o ia e fai.
Alema 9
Na lapatai e Alema tagata o Amonaea e salamo ma saunia mo le afio mai o Iesu Keriso
Alema 9 ua faamaumauina ai taumafaiga a Alema e aoao atu tagata o Amonaea e uiga i lo latou manaomia ona salamo ma le togiolaina e ala i le Faaola o Iesu Keriso. Ina ia taumafai e fesoasoani i nei tagata amioleaga e iloa lo latou manaomia ona salamo, sa valaau atu Alema ia i latou ia manatua mea sa faia e le Atua mo i latou ma mo o latou tama.
Tagai i leAlema 9:8–10, 13 mo le i ai pea lava pea o upu manatua ma le faagalo. Mata o le a sou manatu i mea o le a ese ai tagata o Amonaea pe ana latou manatua mea sa saunoa ai Alema?
-
I le maea ai ona valaau atu i tagata o Amonaea ia salamo, na aoao atu Alema ia i latou e tatau ona latou saunia mo le taimi e afio mai ai le Faaola i le lalolagi. Faitau le Alema 9:26–27, ma faailoga upu ma fasifuaitau o loo fesoasoani ia te oe e malamalama lelei ai i uiga o le Faaola. (O le upu tutusa o le uiga o le sao ma le amiotonu.) O a mea o aoao atu e nei upu ma fasifuaitau ia te oe e uiga i le Faaola? I le faagasologa o le vaiaso a sau, faaavanoa se taimi e mafaufau ai i ia mea.
Alema 10
Ua faamatala e Amoleka ona aafiaga ma le agelu ma apoapoai i tagata ina ia salamo
Lio le faamatalaga e sili ona faamatala ai le auala na e alafai ai i lenei taeao:
-
Sa ou ala lava au ia, e aunoa ma le faaaogaina o se tatagi a le uati pe na fafagu e se tasi.
-
Sa ou ala i le taimi muamua na tatagi ai lau uati po o le taimi muamua sa fafagu ai au.
-
Na tatagi soo lau uati, pe sa fafagu soo au ae ou te le i ala.
Faitau le Alema 10:6, ma vaavaai pe fia ni “valaau” faaleagaga na maua e Amoleka ao ia faaauau pea ona tetee atu i le Alii. I avanoa o loo tuuina atu, tusi lau tali i le fesili lenei: O le a sou manatu i le fasifuaitau “O le a ou le lagona” ma le “O le a ou le iloa” e faamatala ai le tulaga faaleagaga o Amoleka a o le i oo mai le agelu ia te ia?
E pei ona faamaumauina i le Alema 10:2–11, na faamatala e Amoleka lona olaga a o le i asia o ia e le agelu ma lona liua mai i le talalelei. Suesue le Alema 10:1–6 mo faamatalaga auilliili e fesoasoani ia te oe e iloa atili ai e uiga ia Amoleka.
Sa toe faamatala e Amoleka le auala na faatonuina ai o ia e le agelu e ave Alema i lona aiga ma tausi ia te ia. Faitau le Alema 10:7–11, ma vaavaai mo pe na faapefea ona faamanuiaina Amoleka ma isi ona sa usiusitai Amoleka i le agelu.
Tusi lenei mataupu faavae i talaane o le Alema 10:11–12: Pe a tatou faalogo ma usiusitai i le valaau a le Alii, e oo mai faamanuiaga ia i tatou faapea foi ma isi. E tele auala e mafai ai ona “valaau” mai le Alii ia i tatou—e ala i musumusuga mai le Agaga; e ala i se lagona; e ala i se miti; e ala i se saunoaga a se taitai o le Ekalesia, faiaoga, po o se matua; e ala i le tofia i se valaauga i le Ekalesia; e ala i faigata; pe o isi auala.
-
E pei ona faamatalaina i le vaega o totoe o leAlema 10, o le toatele o tagata o Amonaea sa le faalogo i upu a Amoleka. Sa lapatai i latou e Amoleka pe afai latou te le salamo, o le a oo mai le aso o le a faaumatia ai i latou. Faitau Alema 10:22–23, ma faailoa mai pe aisea na faasaoina ai tagata mai le faafanoga i lena taimi. O a mea o loo aoao mai e nei fuaiupu ia te oe e uiga i le taua o le amiotonu e tusa lava pe le amiotonu i latou o loo siomia oe?
-
Ua ou suesueina Alema 8–10 ma faamaeaina lenei lesona i le (aso).
Fesili, mafaufauga, ma manatu faaopoopo ou te fia faasoa i lou faiaoga: