Iunite 12: Aso 2
Mosaea 9–10
Folasaga
I le taimi o le nofoaiga a le Tupu o Peniamina, sa taitai ai e Senifa se vaega o tagata sa Nifae mai Saraemila ina ia nonofo faatasi ma sa Lamana i le nuu o Nifae. Ona sa fuafua le tupu o sa Lamana e aumai tagata o Senifa e faapologa, o lea na ia faatagaina ai i latou e nonofo. O tu ma aga sese a sa Lamana o le feita ia sa Nifae na faapea ona oo ai ina tau. Ina ua taumafai sa Lamana e aumai i latou e faapologa, sa liliu atu tagata o Senifa i le Alii, o lē na faamalosia i latou ma fesoasoani e tutuli ese sa Lamana mai lo latou nuu.
Mosaea 9:1–13
Ua taitai e Senifa se vaega o sa Nifae ia toe foi atu i le nuu o Nifae
Pe sa i ai se mea sa e matuai manao lava i ai? O nei o le a e aoao ai e uiga i se tagata sa matuai manao lava i se mea ma taunuuga o lona galue i mea na ia manao i ai.
Vaai i le faafanua o faigamalaga mai le lesona ua te’a atu. E te manatua le malaga a Amona ina ua ia tau atu ia Limae ma ona tagata? Susue au tusitusiga paia i le Mosaea 7–8, ma vaai i le aso na tutupu ai nei mea na tutupu i nei mataupu (o loo maua a le o le pito i lalo o le itulau po o le faaulutala o le mataupu). Ia faatusatusa i le aso e fesootai ma le Mosaea 9:1. E fia ni tausaga tatou te toe foi ai i tua i le va o le Mosaea 8 ma le Mosaea 9?
Faitau le folasaga a Mamona o faamaumauga a Senifa o loo i luma atu lava o le Mosaea 9.
O Senifa, o le tamamatua o Limae, na taitaia se vaega o sa Nifae e toe foi atu i le nuu o Nifae. Sa i ai se mea sa ia matuai manao lava i ai lea atonu na ia le iloaina ai po o fea o le a tau atu i ai ona manao. Faitau le Mosaea 9:1–4 e uiga i le mea na fai e Senifa ia maua ai le mea sa manao i ai. (O le “soona–naunau tele” o lona uiga o le soona lili po o le soona fiafia i se mea.)
O le soona naunau tele o Senifa na oo atu ai ina taufaaseseina e le tupu o sa Lamana. Faitau le Mosaea 9:5–7, 10 e iloa ai taunuuga o le soona naunau tele o Senifa.
-
Tali fesili nei, i lau api o talaaga mo le suesueina o tusitusiga paia:
-
O le a le mea na le iloa e Senifa ona o le soona naunau tele o lona manao ia maua le nuu o Nifae?
-
O a ni isi o faataitaiga i onaponei o ni mea e soona naunau tele i ai tagata talavou ia maua?
-
O le a lou manatu, o a mea e leaga ai le faatuai o le manatua o le Alii a o e faia filifiliga i lou olaga?
-
Ina ua mavae le 12 tausaga, sa amata ona manuia tele tagata o Senifa. Sa amata ona popole le tupu o sa Lamana ina ne’i ona le mafai ona aumai i latou e faapologa e tusa ai ma lana uluai fuafuaga, o lea na tapena ai e le tupu lona nuu ia o atu e tau faasaga ma i latou (tagai Mosaea 9:11–13).
Mosaea 9:14–10:22
Sa taumafai sa Lamana e aumai tagata o Senifa e faapologa
Li’o soo se vaega lenei o lou olaga lea e te manao e maua le lagolagosua po o le malosi sili atu: mea aoga, onosaia o faaosoosoga, fegalegaleaiga ma uo, tulaga faaletaitai, galuega, fegalegaleaiga ma tagata o le aiga, atinaeina o tomai, taleni, ma mea e gafatia.
A o e suesue i le Mosaea 9–10, vaavaai mo se mataupu faavae o le a fesoasoani ia te oe e malamalama i le mea e fai ina ia maua ai le malosi faateleina i nei vaega o lou olaga. Mosaea 9–10 o loo i ai se faamaumauga o ni taimi eseese se lua na o mai ai sa Lamana e tau faasaga ma Senifa ma ona tagata.
-
|
O a mea na fai e tagata e sauniuni ai? |
O a mea na latou faia e tuu ai lo latou faatuatuaga i le Alii? |
O le a le taunuuga? | |
|---|---|---|---|
|
Senifa ma ona tagata | |||
|
O Sa Lamana |
-
O a ni vaega e te vaaia e tutusa ai le auala na o atu ai tagata o Senifa ma sa Lamana e tau?
-
O a ni eseesega e te vaaia i auala na o atu ai tagata o Senifa ma sa Lamana e tau?
O le lesona e tasi tatou te aoao mai le Mosaea 9:17–18 o le o le a faamalosia i tatou e le Alii pe a tatou faia mea uma tatou te mafaia ma tuu atu lo tatou faatuatuaga ia te Ia.
-
-
Pe na e ita i se tasi ma taofiofi ai lava se lagona le fiafia—e pei e le mafai ona e faamagalona pe faagalo le mea na fai e lena tagata? Pe na e iloa se tagata o lē na foliga mai e ita ia te oe? A o le’i o atu Senifa ma ona tagata e tau mo le taimi lona lua, sa aoao atu e Senifa ia ona tagata i le mafuaaga na feita ai sa Lamana ia sa Nifae. A o e suesue i upu a Senifa i le Mosaea 10:11–18, atonu o le a aoga le iloa o le “agaleagaina” o le lagona o le faatiga pe taulimaina ma le le fea po o le i ai i se tulaga le amiotonu ae o le “feitai” o le matuai ita lava. Suesue le Mosaea 10:11–18, ma vaai mo le mafuaaga na faaauau ai ona feita e na tupuga mai ia Lamana ma Lemuelu i e na tupuga mai ia Nifae. Faailoga ia upu agaleagaina ma le feita a o e faitau.
Mafaufau loloto i fesili nei:
-
Aisea na matuai feita ai sa Lamana ia sa Nifae?
-
O ai e tiga pe a e ita pe musu e faamagalo atu?
-
E mafai faapefea ona aafia lou aiga po o lau fanau i le lumanai ona o le ita ma le taofiofi pea o ni lagona le lelei?
Faitau ia aafiaga nei mai ia Elder Donald L. Hallstrom o le Au Peresitene o Fitugafulu, ma vaai mo le mea na ia fautuaina mai tatou te faia pe a tatou lagona le faatiga po o le isi i se tasi:
“O le tele o tausaga ua mavae, na ou vaai ai i se tulaga o le loto nutimomoia—na avea o se mea matautia. O se ulugalii talavou ua lata le fanau mai o le la tama muamua. Sa faatumulia o la olaga i le naunautai ma le fiafia ona o lenei aafiaga taua. I le taimi o le faafanauga, na tulai mai ai ni faigata ma malaia ai le pepe. O le loto nutimomoia na liua i le faanoanoa, o le faanoanoa na liua i le ita, o le ita na liua i le tautuua’i, o le tautuua’i foi na liua i le tauimasui i le fomai lea na tuuaia atoa i le mea na tupu. Na matua aafia lava ia matua ma isi tagata o le aiga, i le sailiga faatasi e faaleaga le tulaga ma le matata a le fomai. Ao faagasolo vaiaso ma masina ma faatumulia le aiga i le ita tele, na oo atu le latou le fiafia i le Alii. ‘Pe faapefea ona Ia faatagaina lenei mea matautia e tupu? I le latou teena pea lava pea o taumafaiga a taitai ma tagata o le Ekalesia e faamafanafanaina i latou faaleagaga ma le faalelagona ma, na iu ai, ina latou tavavaeeseina i latou lava mai le Ekalesia. E fa augatupulaga o le aiga ua aafia nei. I se tasi o taimi sa faatuatua ma tuuto i le Alii ma Lana Ekalesia, ae ua leai nei se gaoioiga faaleagaga e soo se tasi o le aiga mo le fia tausaga. …
E toalua le fanau a matua agalelei a lou tama, o se atalii (o lou tama) ma se afafine. … Na faaipoipo [lona tuafafine] i le 1946 ma i le fa tausaga mulimuli ane ua ma’itaga. … E lei i ai se tasi na iloa o loo ia tauaveina se masaga. O le tulaga na faanoanoa ai, na maliliu uma o ia ma le masaga i le taimi na faafanau ai.
“Na nutimomoia loto o matua o lou tama. Ae peitai, o le la faanoanoaga, na vave ai lava ona la liliu atu i le Alii ma Lana Togiola. E aunoa ma le nonofo ai lava ma mafaufau pe aisea ua tupu ai lenei mea ma po o ai tonu e tuuaia, sa la tulimatai atu e ola ai i se olaga amiotonu. …
“O le faatuatua o [nei matuamatutua], aemaise lava ina ua feagai ma faafitauli, lea ua aafia ai nei augatupulaga e fa na mulimuli mai. I le faamaoni ma le loloto, na aafia ai le la tama tama (a lo’u tamã) ma lo’u tina; ina ua malaia le tama teine lava e toatasi a o’u matua, le la uii, ona o tulaga faigata na mafua mai i le taimi na fanauina ai fanau. … Faatasi ai ma le faataitaiga na la vaai i ai i augatupulaga na muamua atu, ma e aunoa ma se faatali—na liliu atu ai ou matua—i le Alii mo se faamafanafanaga. …
“Afai e te lagona na faaseseina oe— e se tasi (o se tagata o le aiga, o se uo, o se isi tagata o le Ekalesia, o se taitai o le Ekalesia, o se uo faipisinisi), po o soo se mea lava (o se maliu o se tasi e pele, faafitauli tau le soifua maloloina, o le suia o tulaga tau tupe, saua, o ni mausa) —ia taulimaina sao lava le mataupu ma lou malosi uma o i ai. … Ma, ia aunoa ma le faatuai, ia liliu atu i le Alii. Faaaoga uma lou faatuatua o i ai ia te Ia. Ia faasoa atu ia te Ia ou mafatiaga. Ia faatagaina Lona alofa tunoa e faamãmãina lau avega. … Aua lava nei faatagaina se tulaga faalelalolagi e taofia mai ai oe faaleagaga” (“Turn to the Lord,” Ensign po o le Liahona, Me 2010, 78–80).
Ia matau o faataitaiga uma e lua o sa Lamana ma le aiga o le ulugalii talavou na maliu le la pepe muamua, o le ita ma le tiga na aafia ai augatupulaga o tagata.
-
-
E mafai faapefea ona ou maua le fesoasoani i a’u taumafaiga e faamagalo atu?
-
E mafai faapefea ona ou mulimuli i faataitaiga a matua o matua o Elder Hallstrom ma faaaoga lana fautuaga i le parakalafa mulimuli o le upusii i lo’u olaga i le taimi nei?
-
-
Ua ou suesueina le Mosaea 9–10 ma faamaeaina lenei lesona i le (aso).
Fesili, mafaufauga, ma manatu faaopoopo ou te fia faasoa i lou faiaoga: