Folasaga ia Iaroma

Aisea e Suesue ai Lenei Tusi?

A o e suesue i le tusi a Iaroma, o le a e iloa ai e tausi e le Atua Ana folafolaga e faamanuia i latou o e e usitai i Ana poloaiga. O le a e aoao ai foi e uiga i taumafaiga a tupu, perofeta, faiaoga, ma faitaulaga sa Nifae o le vaitaimi o Iaroma e fesoasoani i tagata ia salamo ma aloese mai le faaumatiaina.

O Ai na Tusia Lenei Tusi?

O le atalii o Enosa o Iaroma na tusia le tusi lenei. E pei o lona tamā —ma e pei o lona tamamatua o Iakopo ma le tamā o lona tamamatua o Liae —sa i ai ia Iaroma le agaga o valoaga ma faaaliga (tagai Iaroma 1:2). Ina ua ia faamaeaina lana faamaumauga, sa ia tuufaasolo atu papatusi laiti a Nifae i lona ataliio Ominae.

O Anafea ma o Fea na Tusia ai?

O le tusi a Iaroma e aofia ai le tusa ma le 59 tausaga, mai le pe a o le 420 T.L.M. i le 361 T.L.M. (tagai Enosa 1:25; Iaroma 1:13). Sa tusia i le laueleele o Nifae.