Iunite 22: Aso 3
Helamana 5
Folasaga
Na faaauau pea ona amioleaga sa Nifae seia oo ina filifili e le toatele o i latou le mea leaga nai lo le amiotonu. I le musuia ai i upu a lo la tamā, na tuuto atu e Nifae ma Liae i laua lava i le talaiina o le talalelei. O lo la tamā, o Helamana, na aoaoina i laua e uiga i le taua o le atiaeina o o la olaga i luga o le faavae o le Faaola. I le maea ai o le aoaoina o sa Nifae, na talai atu Nifae ma Liae i sa Lamana ma sa faafalepuipuiina. I le mavae ai o le faasaoina faavavega e le Alii o Nifae ma Liae mai le falepuipui, na liliu mai le toatele o sa Lamana i le talalelei.
Helamana 5:1–13
Na aoao e Helamana ona atalii o Nifae ma Liae ia manatua poloaiga a le Atua ma le mana o Iesu Keriso e fesoasoani ia i laua
Faitau upu ma fasifuaitau nei e ono. Ina ia fesoasoani ia te oe e faamaea le gaoioiga e sosoo ai, taumafai e manatua i latou taitoatasi. O le a talosagaina oe e tusi i latou mai lou manatuaina i lau api talaaga mo le suesueina o tusitusiga paia: aiga, matua, le Togiola a Iesu Keriso, perofeta, o le salamo e taitai atu i le faaolataga, tausia o poloaiga.
-
Tapuni lau tusi, ma tusi upu ma fasifuaitau nei e ono i lau api talaaga mo le suesueina o tusitusiga paia mai i mea ua e manatuaina.
Siaki au tali. Mafaufau mo se taimi pe na faigofie pe faigata ona manatua ia fasifuaitau. Mata e te manatu na i ai se eseesega i le tauina atu ia te oe o le a talosagaina oe e tusi ia aitema mai mea ua e manatua?
Faitau le faamatalaga lenei mai ia Peresitene Spencer W. Kimball ma mafaufau e uiga pe aisea e taua tele ai le upu manatua a o tatou taumafai e ola ai i le talalelei: “Pe a e vaai i le lomifefiloi mo le upu aupito sili ona taua, mata e te iloaina lena upu? Atonu o le manatua. Ona ua osia e outou uma ni feagaiga—ua outou iloa le mea e fai ma ua outou iloa le auala e faia ai—o lo tatou manao aupito sili o le ia manatua” (“Circles of Exaltation” [address to Church Educational System religious educators, June 28, 1968], 5).
I le asō o le a e suesue ai e uiga i ni tagata se toalua o e na faia se eseesega i olaga o le faitau afe o tagata aua sa o laua manatuaina upumoni na aoao ai i laua e o laua tama. I le gasologa o le lesona i le aso, mafaufau loloto i mea e te manatu e finagalo le Alii ia e manatua.
E pei ona faamatalaina i le Helamana 5:1–4, na faamavae Nifae mai le avea ai ma faamasino sili ona ua amioleaga tele tagata. Na manao o ia ma lona uso o Liae ia tuuto atu o laua taimi atoa i le talaiina o le afioga o le Atua. A o la amataina lo laua galuega, na laua manatuaina ia aoaoga a lo la tama, o Helamana. Faitau fuaiupu nei ma otootoina i avanoa ua tuuina atu i mea na talosaga atu ai Helamana i ona atalii ia manatua. Atonu e te manao foi e faailoga le upu manatua i taimi taitasi e faaalia ai i nei fuaiupu.
-
-
E mafai faapefea i le manatuaina o faataitaiga amiotonu a isi ona fesoasoani ia te oe e filifili e “fai mea e lelei”? (Helamana 5:7).
-
O le a se mea e te faia e manatua ai le Togiola a Iesu Keriso?
-
Toe faitau Helamana 5:12, ma vaavaai mo fasifuaitau o loo lagolago ai lenei mataupu faavae: Afai e tatou te atiae lo tatou faavae ia Iesu Keriso, o le a leai se mana a Satani i luga o i tatou. (Helamana 5:12 o se fuaiupu o le mau tauloto. Atonu e te manao e faailogaina i se auala e iloagofie ai ina ia mafai ona e mauaina i le lumanai.)
Vaai faalemafaufau e faapea, ua talosagaina oe e mamanuina se fale o le a le pa’u lava. Mafaufau e uiga i tali i fesili nei:
-
O le a le ituaiga o faavae e ono manaomia ona i ai i lea fale?
-
E faapefea e se faavae malosi ona fesoasoani i se fale e tumau i tau, mala faalenatura, po o isi tulaga faigata?
-
O a upu po o fasifuaitau i le Helamana 5:12 ua fautua mai o le atiae i luga o le faavae o Iesu Keriso, lo tatou Togiola, o le a le taofia ai osofaiga a le fili, ae o le a tuu atu ai ia te oe le malosi e faatoilalo ai i latou?
-
-
O le a sou manatu i le uiga o le atiae le faavae o lou olaga i luga o le papa o Iesu Keriso? O faapefea ona e taumafai e faia lenei mea i lou olaga?
-
O anafea na e mafai ai ona tetee atu i faaosoosoga po o tofotofoga ona o Iesu Keriso na avea ma faavae o lou olaga?
-
E mafai faapefea ona e faaleleia atili i le avea o le Faaola ma faavae o lou olaga?
-
Helamana 5:14–52
Ua puipuia e le Alii Nifae ma Liae i totonu o le falepuipui ma aveesea le pogisa mai a laua tagata faaoosala ina ua latou tagi atu ia te Ia ma salamo
E pei ona faamaumauina i le Helamana 5:14–19, na talai atu e Nifae ma Liae le talalelei ma le mana tele i le laueleele o Saraemila ma papatisoina le faitau afe o tagata iina. Ona la faimalaga ai lea i le laueleele o Nifae, lea na avea ma laueleele a sa Lamana. Ua mamanuina le gaoioiga lenei e fesoasoani ia te oe ia malamalama ai i aafiaga matagofie a Nifae ma Liae i le lotolotoi o sa Lamana.
-
Nifae ma Liae i le lotolotoi o sa Lamana
I lenei aafiaga e mafai ona avea le ao o le pogisa ma sui o le agasala ma le afi faaniutu o loo siomia ai tagata taitoatasi e mafai ona avea ma sui o le Agaga Paia.
Toe iloilo fuaiupu 28 ma le 34, ma tusi pe na faapeī lagona o tagata ina ua latou i ai i le ao o le pogisa:
Toe iloilo fuaiupu 43 ma le 44, ma tusi pe na faapeī lagona o tagata ina ua siomia i latou e le afi faaniutu:
Toe iloilo fuaiupu 41 ma le 42, ma tusi mea na faia e tagata e aveese ai le ao o le pogisa, po o i nisi faaupuga, ia salamo i a latou agasala:
Faitau Helamana 5:45–47, ma mafaufau loloto po o a upumoni ua e aoaoina e uiga i le salamo mai lenei aafiaga. O se tasi o mataupu faavae o le: Pe a tatou faatino le faatuatua ia Iesu Keriso ma salamo i a tatou agasala, e faatumulia e le Agaga Paia o tatou loto i le filemu ma le olioli.
I le Helamana 5:48–52 tatou te aoao ai e uiga i sa Lamana e 300 na avea ma vaega o lenei vavega ma na liliu mai atoatoa i le talalelei. Na latou o atu ma auauna atu i o latou tagata seia oo ina liliu mai foi “le vaega tele atu o sa Lamana” (Helamana 5:50). Ona tuu lea e nei tagata na liliu mai “i lalo a latou auupega o taua” (Helamana 5:51) ma “tuu atu i sa Nifae laueleele e a latou” (Helamana 5:52). I le tele o tulaga i le Tusi a Mamona, na toe maua e tagata a latou laueleele e ala i taua, ae i lenei tulaga na toe maua e sa Nifae a latou laueleele ona ua salamo ma taliaina e o latou fili le talalelei.
-
Mau Tauloto—Helamana 5:12
Faitau Helamana 5:12, ma faailoa mai ni upu e fautuaina mai ni faatusa o mea faitino ia te oe (mo se faataitaiga, ma’a, faavae, savili, matagi, afa). Ina ia fesoasoani ia te oe e tauloto lenei fuaiupu, ave se fasi pepa ma tusi i luga le mataitusi muamua o upu taitasi i le fuaiupu, sei vagana ua fautuaina mai e se upu le faatusa o mea faitino. Ona, i le tulaga o se mataitusi, tusi se ata faigofie e fai ma sui o lena upu. Faataitai le taulotoina o le fuaiupu ao faaaogaina na o lau fasi pepa. Tuu lau pepa i se isi mea o le a masani ona e vaaia ai ia fesoasoani ia te oe e manatua le upumoni o i lenei fuaiupu.
-
Ua ou suesueina le Helamana 5 ma faamaeaina lenei lesona i le (aso).
Fesili, mafaufauga, ma manatu faaopoopo ou te fia faasoa i lou faiaoga: