Iunite 23: Aso 4
Helamana 15–16
Folasaga
A o lauga atu Samuelu le sa Lamana i sa Nifae mai i luga o le papuipui i Saraemila, na ia vavalo atu sei vagana ua latou salamo, o le a “faaumatia i latou” e le Atua” (Helamana 15:17). Na ia folafola atu na sili atu ona amiotonu sa Lamana nai lo sa Nifae ma o le a faafualoa e le Alii ia aso o sa Lamana. Na talitonu nisi o sa Nifae i aoaoga a Samuelu ma na papatisoina e Nifae. O isi, o e sa lei talitonu ia Samuelu, na taumafai e fasioti o ia. Na puipuia o ia e le mana o le Atua, ma sa ia toe foi atu i lona lava nuu.
Helamana 15
Ua lapataia e Samuelu ia sa Nifae ma faamatala atu le mafuaaga ua avea ai sa Lamana ma tagata o le folafolaga
O vaega nei o ni tulaga e le mo’i e uiga i ni alii se toalua:
O se tasi o alii talavou sa tausia e ni matua sa le’i auai i Le Ekalesia a Iesu Keriso o le Au Paia o Aso e Gata Ai ma la te le’i faamamafaina atu aoaoga a Iesu Keriso. Sa o la faatagaina lo la atalii talavou e inu ava malosi, o se faiga na ia faaauauina pea i le kolisi. Mulimuli ane, na feiloai ai o ia i ni faifeautalai o le Au Paia o Aso e Gata Ai. I le mavae ai o le feiloai atu i faifeautalai mo ni nai taimi, na ia tautino ai e tuu le inu ava malosi. I ni nai aso mulimuli ane sa faatasi ai o ia ma se vaega o ni uo. Sa o latou ofo atu ia te ia se meainu malosi.
O se isi alii talavou na tausia i totonu o se aiga o le Au Paia o Aso e Gata Ai. Na le aunoa ona faia e ona matua ni afiafi faaleaiga ma le suesueina faaleaiga o tusitusiga paia. Na ia atiaeina i aso uma se mausa o le suesueina o tusitusiga paia ma tatalo faaletagata lava ia. Na auai o ia i le Peraimeri, galue i korama o le Perisitua Arona, ma faauu mai le seminare. Sa ia iloa ma malamalama i le talalelei a Iesu Keriso ma poloaiga a le Atua. A o auai i le kolisi na ia atiae ai ni faigauo fou. I se tasi o po na ofo atu ai e ni uo ia te ia se meainu malosi.
Mafaufau i le tulaga o le malosi faaleagaga atonu e faamoemoe mai i nei alii talavou taitoatasi i o laua tulaga ma le faatusatusaga ia sa Lamana ma sa Nifae sa e aoao i ai i le Helamana 15.
-
Tali le fesili lenei, i lau api talaaga mo le suesueina o tusitusiga paia:
-
E tusa ai ma Helamana 15:3, 17, o le a le tulaga faaleagaga o sa Nifae?
-
E tusa ai ma Helamana 15:4–8, o le a le tulaga faaleagaga o sa Lamana? (O le upu ma le migao i le Helamana 15:5 o lona uiga o le “faaeteete” po o le “magafagafa.”)
-
E ui lava na umi se talafaasolopito o le amioleaga a sa Lamana “ona o le amioletonu o le uputuu a o latou tama,” ina ua oo ina latou iloa le upumoni, na latou salamo ma amata ona “tutumau ma mausali i le faatuatua” (Helamana 15:4, 7). O sa Nifae, i le faatusatusa atu i ai, na amata ona tumu i le faamaualuga ma teena le upumoni o le talalelei.
Faitau ma le faaeteete le Helamana 15:7–8, ma faatumu ia avanoa i le faamatalaga lenei: O le iloaina o le upumoni ma se talitonuga i tusitusiga paia e taitai atu ai i ma , e aumaia ; o le mea lea, o le toatele e o mai i lenei mea e .
Ina ua iloa e sa Lamana le upumoni e ala i le suesueina ma le talitonu i tusitusiga paia, na o latou atiae le faatuatua ia Iesu Keriso ma na taitai atu ai i le salamo. Na o latou maua se liuga o le loto ma amata ona tutumau ma mausali i le faatuatua.
-
Tali se tasi o fesili nei po o fesili uma e lua, i lau api talaaga mo le suesueina o tusitusiga paia:
-
O anafea na fesoasoani ai lou suesue i tusitusiga paia e te faia ai suiga e manaomia i lou olaga?
-
E te manatu e mafai faapefea e se mausa o le suesueina ma le faamaoni o tusitusiga paia ona fesoasoani i se tagata e maua se liuga o le loto?
-
O aoaoga a Samuelu e fesoasoani ia i tatou ia malamalama ai i le taua o le tumau moni i le malamalama ma le faatuatua ua tatou mauaina. Faitau le Helamana 15:14–17, ma vaavaai mo fasifuaitau o taua ai le mataupu faavae lenei: Afai e amata ona le talitonu tagata i le maea ai ona maua o le atoatoaga o le talalelei, o le a o latou maua le tausalaga sili atu. Atonu e te mamano e tusi lenei upumoni i lau tusitusiga paia i autafa o fuaiupu. Atonu foi e te manao e tusi le MF&F 82:3 o se mau faasino i le autafa o ou tusitusiga paia.
O le a le faaaogaaga o lenei mataupu faavae i lou olaga? Pe na i ai ni taimi na e tetee atu ai i se mea na e iloa e moni? O a mea e tatau ona e faia e faamalosia ai lou faatuatua i le Faaola, salamo, ma ia tumau ma le mausali i upumoni o le talalelei?
Helamana 16
O i latou na talitonu ia Samuelu na papatisoina, o isi na faamaaa o latou loto
Mafaufau i le auala e masani ona e tali atu ai i upu a perofeta ma aposetolo soifua. Na tuuina atu ia sa Nifae le avanoa e maua ai upu a le perofeta sa Lamana o Samuelu. Faaaoga mea ua e aoao mai le Helamana 16:1–7 e faatumu ai le siata e faailoa mai ai po o ai tagata na talitonu ma pe na faapefea ona tali atu sa Nifae.
|
Pe na talitonu lenei vaega o sa Nifae? |
Na faapefea ona tali atu nei tagata i upu a le perofeta o Samuelu? | ||
|---|---|---|---|
|
Ioe |
Leai | ||
-
Tali fesili nei, i lau api talaaga mo le suesueina o tusitusiga paia:
-
Aisea e te manatu ai e ono le fiafia nisi o tagata talavou ma tetee i fautuaga a perofeta o aso nei?
-
O le a se taimi na e vaaia ai se tasi o filifili e mulimuli i le fautuaga a se perofeta e tusa lava pe na teena e isi?
-
O le a se taimi na e filifili ai e mulimuli i le fautuaga a se perofeta e ui lava ina sa teena e i latou o siomiaina oe?
-
O le a le mea ua e aoaoina e uiga i upu a perofeta i le Helamana 16:13–14?
-
Manatunatu loloto i le faamatalaga lenei mai ia Peresitene Ezra Taft Benson e faatatau i le auala o loo tali atu ai tagata o le lalolagi i perofeta o aso nei: “E mautinoa lava o le a le lauiloa le perofeta i le lalolagi po o mea faalelalolagi. A o faaali mai e se perofeta le upumoni, e vaeluaina ia tagata. E faalogo tagata loto faamaoni i ana upu, ae o tagata le amiotonu a le o le le amanaiaina o le perofeta po o le tau foi ma ia. Ina ua ta’u atu e perofeta agasala a le lalolagi, o tagata o le lalolagi, nai lo le salamo i a latou agasala, a le o le manao e faatapuni le fofoga o le perofeta po o le amio foi e pei lava e le’i i ai le perofeta. O le lauiloa e le’i avea lava ma se suega o le upumoni. E toatele perofeta ua fasiotia pe tutulia i fafo. A o tatou latalata atu i le afio mai faalua o le Alii, e mafai ona e iloa, a o faateteleina le amioleaga o tagata o le lalolagi, o le a faaitiitia ai foi le lauiloa o perofeta ia i latou” (The Teachings of Ezra Taft Benson [1988], 133).
Faitau le Helamana 16:16–21 e iloa ai pe na faapefea ona tauamiotonuina e tagata le talitonu lo latou teenaina o le faataunuuina o valoaga ma faailoga mai le lagi. Atonu e mafai ona makaina i au tusitusiga paia pe o le fea o nei ‘alofaga po o finauga e faasaga i perofeta ua e talitonu e taatele i o tatou aso.
Faitau le Helamana 16:23, ma tusi i totonu o au tusitusiga paia po o i lau api talaaga mo le suesueina o tusitusiga paia ia taunuuga e oo mai ia i latou o e tetee atu i molimau a le Alii. O lau faamatalaga e mafai ona tutusa ma le mataupu faavae lenei: Pe a tatou teena molimau a le Alii, ua tatou faatagaina Satani e pipii i o tatou loto.
Faitau le faamatalaga lenei mai ia Peresitene Henry B. Eyring o le Au Peresitene Sili, ma faailoga soo sana upu ua faamautinoa ai mea ua aoaoina mai le Helamana 16: “A tatou teenaina le fautuaga lea e mai le Atua, tatou te le filifili la ina ia tatou tutoatasi i aafiaga o loo i fafo atu. Tatou te filifilia se isi aafiaga. Tatou te teenaina le puipuiga a se Tama Faalelagi e atoatoa lona alofa, e i ai le mana uma, silafia mea uma, o lona faamoemoega atoa e pei ona i ai i Lona Alo Pele, o le tuuina mai lea ia i tatou o le ola e faavavau, ia tuu mai ia i tatou mea uma o loo ia te Ia, ma toe aumaia i tatou i lona afioaga o ni aiga i aao o Lona alofa. A teenaina Lana fautuaga, ua tatou filifilia le aafiaga a se isi mana, o lona faamoemoega ia tatou faanoanoa, ma o lona faamoemoega e inosia lea. Ua ia te i tatou le filifiliga saoloto o se meaalofa lea a le Atua. Nai lo o le aiā e filifili ai ina ia saoloto mai faatosinaga, o le aiā e le mafai ona aveesea e gauai atu ai i tatou lava i le poo fea o na mana tatou te filifilia” (“Mauaina o le Saogalemu i Fautuaga,” Liahona, Iulai 1997, 29).
O le a le saunoaga a Peresitene Eyring o le mea e tupu pe a tatou teena le uunaiga a le Atua i o tatou olaga? Aisea e taua ai ona malamalama pe a tatou teena le uunaiga a le Atua, ua tatou i lalo o le uunaiga a Satani?
Mafaufau pe o i ai se auala na faama’a’a ai lou loto i fautuaga ua tuuina mai e perofeta ma aposetolo. Atonu e fesoasoani le toe faamanatu o le tamaitusi o le Mo le Malosi o le Autalavou a o e manatunatu e uiga i mea ua latou aoao mai ma pe faapefea ona e taliaina a latou fautuaga. Filifili le mea o le a e faia i le asō ia tumau ai ma mausali i le ola i le talalelei ma i le faalogo atu i fautuaga a perofeta o le Atua.
-
Tusi le faamatalaga lenei i lalo o le galuega atofaina o le aso i lau api talaaga mo le suesueina o tusitusiga paia:
Ua ou suesueina le Helamana 15–16 ma faamaeaina lenei lesona i le (aso).
Fesili, mafaufauga, ma manatu faaopoopo ou te fia faasoa i lou faiaoga: