Talateu kia Seilomí

Ko e hā Hono ʻUhinga ʻOku Ako ai e Tohí Ni?

Te ke ‘iloʻi ‘i hoʻo ako ‘a e tohi ‘a Seilomí, ‘oku fakahoko ‘e he ‘Otuá ‘Ene ngaahi talaʻofa ke tāpuakiʻi ‘a kinautolu ‘oku talangofua ki Heʻene ngaahi fekaú. Te ke toe ako foki ki he ngaahi feinga ‘a e ngaahi tuʻi, kau palōfita, kau akonaki mo e kau taulaʻeiki ‘o e kau Nīfaí ‘i he taimi ‘o Seilomí ke tokoniʻi ‘a e kakaí ke nau fakatomala pea fakaʻehiʻehi mei he fakaʻauhá.

Ko Hai Naʻá Ne Tohi ʻa e Tohí Ni?

Naʻe hiki ‘a e tohi ko ‘ení ‘e Seilomi ko e foha ‘o ‘Īnosí. Hangē ko ‘ene tamaí—mo ‘ene kui ko Sēkopé mo ‘ene kui ua ko Līhaí—naʻe maʻu ‘e Seilomi ‘a e laumālie ‘o e kikité mo e fakahaá (vakai, Seilomi 1:2). Naʻá ne tuku ‘a e ʻū lauʻi peleti iiki ‘a Nīfaí ki hono foha ko ‘Amenaí ‘i he hili ʻene fakaʻosi ‘ene lekōtí.

Ko e Fē e Taimi mo e Feituʻu Ne Tohi Aí?

‘Oku fakamatala ‘a e tohi ‘a Seilomí ki ha taʻu nai ‘e 59, mei he taʻu 420 K.M. ki he 361 K.M. (vakai, ʻĪnosi 1:25; Seilomi 1:13). Na ‘e hiki ia ‘i he fonua ko Nīfaí.