Iunite 22 Aso 1

1 Korinito 7–8

Folasaga

Na aoao atu e le Aposetolo o Paulo tagata ua faaipoipo ma e o nofofua o le Ekalesia i Korinito e uiga i le faaipoipoga ma le galuega faafaifeautalai. I le tali atu i se fesili e uiga i le aai o aano o manu o loo ofoina atu i tupua, sa ia aoao atu ai le Au paia e mafaufau i le aafiaga o a latou faiga patino i isi a ia naunau e lafoai nisi o faatinoga pe afai e ono afua mai na faatinoga se isi e tausuai faaleagaga.

1 Korinito 7

Ua fautuaina e Paulo tagata faaipoipo ma e o nofofua o le Ekalesia e uiga i le faaipoipoga

1. Tusi le ata lenei i lau api talaaga mo le suesueina o tusitusiga paia. O le a e faaopoopo i ai a o e suesueina le 1 Korinito 7.

   

E faapei o i tatou, o tagata o le Ekalesia i Korinito sa ola i se sosaiete e i ai manatu fenumiai ma faaluafesasi e uiga i le faaipoipoga ma sootaga uluitino faaletino pe faalefeusuai. Faatasi ai ma lenei ma isi aoaoga faavae faaletalalelei ma mataupu faavae, e taua le mafai ona iloa le eseesega i le va o talitonuga moni ma talitonuga sese.

I le 1 Korinito 5–6 e te faitau ai i nisi o talitonuga sese e uiga i sootaga feusuai sa taatele i Korinito. O se tasi o nei talitonuga sese o lea: E talia le auai i le faatinoina o sootaga uluitino faaletino ma soo se tasi. Tusi le faamatalaga lea i lalo o le “Talitonuga sese:” i le itu taumatau o le atatusi i lau api talaaga mo le suesueina o tusitusiga paia. Mafaufau pe aisea e sese ai lea talitonuga.

Na tusi atu tagata o le Ekalesia i Korinito i le Aposetolo o Paulo ma talosaga atu mo se taitaiga e faatatau i le tulaga faatonuina a le Alii i feusuaiga mama. 1 Korinito 7:1, ma vaavaai mo mea na fesili atu ai le Au Paia i Korinito ia Paulo.

O le fasifuaitau “e lelei ona le tago se tagata i se fafine” i le fesili 1o loo tau mai ai sa iai i le Au Paia i Korinito ni fesili e uiga i le taimi mo feusuaiga faaletino ae pe talafeagai foi. E le gata i lea, atonu na i ai foi ni fesili a nisi pe tatau ona auai tagata ua faaipoipo i le faatinoga o sootaga uluitino faaletino. Tusi le mea lea i lalo o le “Talitonuga sese:” i le itu tauagavale o le atatusi i lau api talaaga mo le suesueina o tusitusiga paia: E le taliaina lava le faia o ni sootaga uluitino faaletino, e oo lava i faaipoipoga.

O nei talitonuga sese uma e lua ua tusia i lau api talaaga mo le suesueina o tusitusiga paia o ni manatu ua matuai mamao ese mai tulaga faatonuina a le Atua mo sootaga uluitino faaletino.

Faitau le 1 Korinito 7:2–3, ma vaavaai mo mea na aoao atu e Paulo i Korinito e uiga i sootaga uluitino faaletino. O le upufaitaaga i le fuaiupu 2 e faasino i sootaga feusuai i fafo atu o le faaipoipoga, ma le fasifuaitau “agalelei e tatau ai” i le fuaiupu 3e faasino i le alofa ma le uluitino vavalalata e faaalia i le va o le tane ma le ava.

I le Mo Le Malosi o le Autalavouua tatou aoao ai faapea “o le sootaga vavalalata faaletino i le va o le tane ma le ava e matagofie ma paia. E faauuina e le Atua mo le foafoaina o fanau ma mo le faaalia o le alofa i le va o le tane ma le ava. Na poloai mai le Atua ia faapoloplo le sootaga uluitino feusuai mo le faaipoipoga” ([tamaitusi, 2011], 35).

Tusi mea nei i lalo o le “Upumoni:” i lau api talaaga mo le suesueina o tusitusiga paia: O le sootaga uluitino faaletino i le va o le tane ma le ava e faauuina e le Atua.

Na saunoa mai Peresitene Boyd K. Packer o le Korama a Aposetolo e Toasefululua:

“O le poloaiga e fanafanau ma uluola ma faatumuina le lalolagi, e lei aveesea lava. E manaomia i le fuafuaga o le togiolaina ma o le punavai o le fiafia o le tagata. E ala i le faaaogaina ma le amiotonu o lenei mana, e mafai ai ona tatou latalata i lo tatou Tama i le Lagi ma iloa ai le atoaga o le olioli, le tulaga faaleatua. O le mana o le foafoaina o le ola, e le o se vaega faaopoopo o le fuafuaga o le fiafia; o le ki lea i le fiafia.

“O le manao o le tagata soifua e faaulugalii e faifai pea ma e malosi tele. O lo tatou fiafia i le olaga faaletino,o lo tatou olioli ma le faaeaga e faalagolago i le ala tatou te tali atu ai i nei manaoga faifai pea, malolosi faaletino” (“O Le Fuafuaga o le Fiafia,” Ensign po o le Liahona, Me 2015, 26).

Aisea e matua taua tele ai le mana foafoa—o le tomai e foafoa ai le ola faaletino—i le fuafuaga a le Tama Faalelagi mo le faaolataga o Ana fanau?

Pei ona tusia i le 1 Korinito 7:1–24, na aoao atu Paulo sei vagana ai mo tulaga faapitoa, e le tumau, e le tatau i taitoalua ona tofia le naunau alofa faalefaaipoipoga mai le tasi ma le isi; sa faataga ona toe faaipoipo e ua oti o latou tai toalua ma tagata o le Ekalesia ua tatala faaipoipoga pe a latou filifili ai; ma e tatau i tagata o le Ekalesia ona “nofo pea i luma o le Atua” (1 Korinito 7:24) Na lei fautuaina foi e Paulo le tatala o faaipoipoga.

Sa i ai tagata o le Ekalesia i Korinito e le o ni Kerisiano o latou taitoalua. Mafaufau i nisi o faigata sa ono feagai ma toalua e eseese faatuatuaga.

Faitau le 1 Korinito 7:12–17, ma vaavaai mo upumoni na aoao atu e Paulo ia e mafai ona fesoasoani i aiga e le lolotu uma i aso nei.

O se tasi lea o upumoni e mafai ona tatou aoao mai lenei fuaitau: E i ai i soo faamaoni o Iesu Keriso se aafiaga faapaiaina i o latou aiga.

2. Tali le fesili lenei, i lau api talaaga mo le suesueina o tusitusiga paia: O a faataitaiga ua e vaaia a se tagata o le ekalesia sa maua ai se aafiaga lelei o tagata e le auai i le Ekalesia po o tagata e le o toaaga mai i le Lotu?

I le 1 Korinito 7:25–40 na talanoaina ai e Paulo tulaga e lelei ai ma tulaga e le lelei ai le nofofua po o le faaipoipo pe a “valaauina i le galuega” (Faaliliiuga Iosefa Samita, 1 Korinito 7:29 [i le faaopoopoga i le Tusi Paia]), pe valaau i misiona. Na ia aoao atu o faifeautalai e lei faaipoipo pe nofofua o le a itiiti ni mea e faalavelaveina ai ao auauna atu nai lo se tasi sa faaipoipo, ma i ai ni popolega faaletino e fesootai ma le saunia o mea e manaomia e se aiga. Peitai, na te lei faasaina i latou mai le faaipoipo pe faaipoipo a o auauna atu i se misiona. O nisi faataitaiga o ulugalii faaipoipo sa aofia ai i le auaunaga i le taimi atoa i le Ekalesia i aso nei, o ulugalii matutua faamisiona, o peresitene o misiona, peresitene o malumalu, ma le Au Pulega Aoao o le Ekalesia.

1 Korinito 8

Ua tali e Paulo se fesili e uiga i le aai i aano o manu e ofo atu ai taulaga i tupua

Sa faamalamalama atili mai e Elder L. Tom Perry o le Korama a Aposetolo e Toasefululua:

“Ua ou iloa afai e te ola i le ala e tatau ona e ola ai, e matau oe e tagata ma faagaeetia i ou talitonuga ma e i ai lau faatosinaga i olaga o isi.

“Na ou faaaluina lau matata faigaluega i pisinisi tau faleoloa. Talu ai o au o se vaega o le au pulega, sa taua la ia te au ona fegalegaleai faaagafesootai ma faalapotopotoga o pisinisi i le lotoifale. O fonotaga ma le tele o nei faalapotopotoga e amata lava i se itula o fegalegaleaiga fiafia [o le taimi e masani ona aumai ai meainu malolosi]. O se taimi e fegalegaleai ai ma fefaamasaniai ma tagata o le faalapotopotoga. Ou te lagonaina lava le le toafilemu i itula nei o fegalegaleaiga fiafia. Muamua sa amata ona ou fesili mo se vaitipolo. Sa vave ona ou iloaina o le meainu tipolo e foliga mai e pei o le tele o isi meainu. Sa le mafai ona ou fauina se foliga faapea ou te le inu ma se meainu manino i ou lima” “O Le Tu ma Agaifanua o se Ola Paleni, Amiotonu,” Ensign, Aug. 2011, 48–49).

Mata o le a se mea e mafai ona tupu pe ana faaauau pea e Elder Perry ona taumafa i meainu e le o se ava malosi ae foliga mai pei o ni meainu malolosi ina tauaofiaga fegalegaleai fiafia?

O a ni nai tulaga e mafai ona le lelei ai lau tosinaga o isi tusa pe e te le o faia se mea sese?

Sa taumanatunatu tagata o le Ekalesia i Korinito pe sa talia lo latou aai i meaai sa ofo atu i tupua, po o atua faapaupau. I le tali atu i ai, sa faailoa atu e le Aposetolo o Paulo e ono manatu tagata o le Ekalesia e talia lenei mea ona sa latou iloa e lei i ai moni lava i atua faapaupau (tagai 1 Korinito 8:4–6).

Faitau le 1 Korinito 8:1, ma vaavaai mo mea na aoao atu e Paulo i le Au Paia i Korinito.

Matau i le fuaiupu 1o le a le mea e mafai ona tulai mai mai le malamalama ma taunuuga o le alofa moni. Sa fautuaina e Paulo faapea o le alofa moni (“o le alofa mama o Keriso” [Moronae 7:47], o le i ai o le alofa e le manatu faapito mo isi) sa sili ona taua nai lo le faalia o le malamalama i tulafono patino tau i meaai.

Faitau le 1 Korinito 8:7–11, ma vaavaai mo mea na aoao atu e Paulo e uiga i le aai i mea e ai atonu na ofoina atu i tupua. O le upuvaivai i fuaiupu nei, e faasino i tagata o le Ekalesia o e vaivai lo latou faatuatua. O le upumea e ai i le Tusi Paia e masani ona faauiga o “meaai.” O le upufaitalia i le fuaiupu 9e faasino i le leai o se poloaiga patino e faasa ai le aai i ni meaai patino.

Matau i le 1 Korinito 8:9na tuuina mai e Paulo se mafuaaga malosi e mafua ai ona filifili e le Au Paia e aua nei aai i aano o manu e ofoina atu i tupua. O le a le faataitaiga na tuu mai e Paulo i le 1 Korinito 8:10–11e uiga i le ala e tasi e ono avea ai le aai i aano o manu e ofoina atu i tupua ma mea e tausuai ai?

Faitau le 1 Korinito 8:12–13, ma vaavaai pe na faapefea e Paulo ona faaiu lana lapataiga e uiga i le faia o mea e ono mafai ona taitai atu ai isi ia tautevateva. O le fasifuaitau “afai e tausuai lou uso” i le fuaiupu 13 e mafai ona faaliliuina “e afua ai ona tausuai lou uso [pe] tautevateva” (1 Korinito 8:13, vaefaamatalaga a).

O le mataupu faavae e tasi e mafai ona tatou aoao mai aoaoga a Paulo o lenei: E mafai ona tatou faaalia le alofa moni mo isi e ala i le aloese mai faatinoga e mafai ona taitai atu ai i latou e tausuai faaleagaga. (Atonu e te manatua lau suesuega o le Roma 14na aoao atu ai e Paulo se mataupu faavae faapea i le Au Paia i Roma.)

Faitau le vaega o totoe o le tala a Elder Perry e uiga i ana filifiliga i le itula o le fegalegalaiga fiafia. Matau le ala na ia faaaoga ai lenei mataupu faavae.

“Sa tonu ia te au e tatau lava ona i ai sau meainu e iloagofie ai au o se e le inu ava. Sa ou alu atu i le e vaaia le pa ma talosagaina se ipu susu. Sa lei i ai lava se talosaga faapea i le e vaaia le pa. Na alu o ia i le umukuka ma maua mai ai se ipu susu mo au. O lea la ua i ai lau meainu sa ese lava ona foliga mai meainu malolosi ma isi na taumafalia e isi. Na faafuasei ona avea au ma tulimataiga o vaaiga. Na tele talaula na faia i lau meainu. O lau susu na avea ma autu o talatalanoaga. …

“Na avea le susu ma au meainu na filifilia i itula o fegalegaleiga fiafia. E lei pine ae avea ma se iloa masani o au o se Mamona. O le faaaloalo na ou maua sa matua faateia ai lava au, e faapena foi i se mea manaia na amata ona tupu. Na vave ona auai faatasi ma au isi i se fegalegaleaiga fiafia i se ipu susu mama!

“Lototoa ia ese oe. Ola i tulaga faatonuina ua aoaoina ai i tatou i le talalelei” (“O Tu ma Agaifanua o se Olaga Paleni, Amiotonu ,” 49).

3. Tali le fesili lenei, i lau api talaaga mo le suesueina o tusitusiga paia: O a ni nai faataitaiga o le ala e mafai ai ona e faaalia le alofa moni mo isi e ala i le aloese mai faatinoga e mafai ona taitai atu ai i latou e tausuai faaleagaga?

4. Tusi le mea lenei i lalo o le galuega atofaina o le aso i lau api talaaga mo le suesueina o tusitusiga paia:

   Ua ou suesueina le 1 Korinito 78 ma faamaeaina lenei lesona i le (aso).

   O fesili, mafaufauga ma manatu faaopoopo ou te fia faasoa atu i lou faiaoga: