Iunite 3: Aso 3
Mataio 11–12
Folasaga
Na molimau atu Iesu Keriso o Ioane le Papatiso na auina mai e teuteu le ala mo Ia, ma sa Ia folafola atu le malologa ia i latou uma o e o mai ia te Ia. Na tali atu o Ia i tuuaiga a le au Faresaio o Lona mana e mai le tiapolo. Sa Ia lapataia i latou mai le faia o tuuaiga pepelo ma le sailiga o faailoga, ma sa Ia aoao atu i latou i le faataoto o le fale tuufua.
Mataio 11
Ua molimau atu Iesu Keriso o Ioane le Papatiso na auina mai e teuteu le ala a o lei afio mai o Ia.
Aisea e taua ai le iloa o tagata o e fai mai o i latou lava o leoleo po o fomai o i latou moni lava ia? E mafai faapefea ona e iloa o i latou lava ia o e ua foliga mai ai?
I le taimi o le galuega a Iesu Keriso i le olaga nei, a o Ia faatinoina vavega ma aoao atu i tagata, e toatele sa saili e fiailoa pe o Ia lea o le na foliga mai ai—o le Mesia na folafola mai. I le taimi lea na puefaapagotaina ai e le Tupu o Herota ma faafalepuipui ia Ioane le Papatiso. Faitau le Mataio 11:2–3, ma vaavaai pe na faapefea ona fesoasoani ia Ioane le Papatiso i le toalua o ona soo ia maua se molimau mo i la’ua lava pe o ai Iesu.
O le a le mea na auina atu e Ioane ona soo e fesili ia Iesu?
O lenei fesili i le fuaiupu 3, na fesili atu ai soo o Ioane ia Iesu pe o Ia o le Mesia. Manatua ua uma ona silafia e Ioane le Papatiso o Iesu o le Mesia (tagai Mataio 3:11, 13–14; Ioane 1:29–34).
Aisea e te manatu ai na auina atu e Ioane ona soo ia iloa mo i la’ua lava pe o Iesu o le Mesia ina ua uma ona ia silafia pe o ai Iesu?
Faitau le Mataio 11:4–5, ma vaavaai pe na faapefea e Iesu ona tali atu i la la’ua fesili.
Nai lo le na ona faamautu atu o Ia o le Mesia, ae o le a le mea na valaaulia e Iesu ia soo o Ioane le Papatiso e fai?
Sa faigofie lava ia Iesu ona ta’u atu i soo o Ioane o Ia o le Mesia. Ae, na Ia valaaulia i la’ua e manatunatu loloto i Ana galuega ona toe foi atu lea ia Ioane ma molimau atu i mea sa la faalogo ma vaai o fai e Iesu.
Na mafai faapefea e le manatunatu loloto i galuega a Iesu ona fesoasoani i soo o Ioane e maua ai se molimau sili ona mamana i le Faaola nai le na ona ta’u atu ia i la’ua pe o ai o Ia?
Mai lenei tala ua tatou aoao ai faapea a o tatou saili e aoao ia Iesu Keriso ma a o tatou molimau atu ia te Ia, e mafai ona faamalolosia a tatou lava molimau ia te Ia.
-
I lau api talaaga mo le suesueina o tusitusiga paia, tusi pe na faapefea ona e iloa e oe lava o Iesu Keriso o le Alo o le Atua.
Mataio 11:7–27 o loo tusia ai ina ua tuua e soo nei e toalua, sa ta’u atu e Iesu i le motu o tagata o Ioane le Papatiso o le perofeta na filifilia e teuteuina le ala mo le Mesia. Sa tausalaina e Iesu i latou o e sa teena o Ia ma Ioane le Papatiso e ui ina latou molimauina ia faamaoniga manino o le paia o Iesu.
Faitau le Mataio 11:28–30, ma vaavaai mo le valaaulia ma le folafolaga na tuuina mai e Iesu ia i latou uma o e talia o Ia o le Mesia. (Mataio 11:28–30 o se fuaitau o mau tauloto. Atonu e te manao e maka le mau lea i se ala e iloagofie ai, ina ia mafai ona faigofie ona latou mauaina.)
Faauma le mataupu faavae lenei e faavae i luga o mea ua e aoaoina mai fuaiupu e 28–30. Afai tatou te o mai ia Iesu Keriso, o le a Ia .
-
Mau Tauloto—Mataio 11:28–30
-
Mataio 12:1–42
Ua aoai e Iesu Keriso le au Faresaio ona o a latou tuuaiga pepelo ma le sailia o ni faailoga
Ua tatou aoao i le Mataio 12:1–21 ina ua uma ona faamalolo e Iesu se tagata i le aso Sapati, sa amata e nisi o Faresaio ona taumafai e faaumatia o Ia. Ina ua Ia faamaloloina se tasi na uluitinoina e se temoni, sa latou taumafai e faamaasiasia o Ia i luma o tagata i le tuuaia o Ia i le faia o na galuega i le mana o le tiapolo. Sa silafia e Iesu o latou mafaufauga ma sa tautino atu ai le mea moni faapea, e faatuiese ai, o le tutulieseina o temoni sa Ia faatino atu ai o Ia o le Mesia ma o loo faatuina le malo o le Atua.
Faitau le Mataio 12:30, ma vaavaai mo mea na aoao atu e Iesu e uiga ia i latou o e le auai faatasi ma Ia.
E tusa ai ma le fuaiupu 30, afai tatou te mananao e avea o se vaega o le malo o le Atua, e tatau ona tatou matua tautino atu ia Iesu Keriso. .
Mafaufau i ni nai auala e mafai ona e faatino ai lou tautino atu ia Iesu Keriso.
Mataio 12:31–42 o loo tusia ai na toe faamautuina foi e Iesu e faapea o Ana galuega lelei o le faamaoniga lea o Ia e mai le Atua ae le o le tiapolo. Sa ia lapataia foi le au Faresaio faapea o le a faamasinoina i latou e le Atua ona o a latou upu tautuua’i. Ona fesili lea o nisi o le au tusiupu ma le au Faresaio mo se faailoga, ma sa aoaia e Iesu i latou mo le sailia o se faailoga ma lo latou le vaai faapea e sili atu o Ia nai lo se isi lava perofeta po o se tupu o Isaraelu na i ai. Na tausalaina foi e le Alii le au saili faailoga i o tatou aso ma sa aoao mai e le mulimuli mai le faatuatua i faailoga (tagai MF&F 63:7–11).
O le a le uiga o le “upu leaga i le Agaga Paia“ (Mataio 12:31)?
Sa faamalamalama e le Perofeta o Iosefa Samita le ala e faia ai e se tagata lea agasala: E tatau ona ia maua le Agaga Paia, tatalaina le lagi ia te ia, ma iloa le Atua, ona toe agasala lea e faasaga ia te ia. A uma ona agasala le tagata i le Agaga Paia, e leai se salamo mo ia. E tatau ona ia faapea mai e le o susulu mai le la, a o la e vaai i ai; e tatau ona ia faafitia Iesu Keriso ae o la sa tatala mai le lagi ia te ia, ma faafitia le ata o le faaolataga ae o la e pupula ona mata i lona moni; ma e amata mai i lena taimi ua avea o ia ma se fili“ (i le Talafaasolopito o le Ekalesia, 6:314).
O nisi taimi e popole le Au Paia o Aso e Gata Ai i le agasala o le upu leaga po o le faafitia o le Agaga Paia. Na aoao mai Peresitene Spencer W. Kimball “O le agasala e faasaga i le Agaga Paia e manaomia ai se malamalamaaga e faapea, ua iloa lelei le faigata i tagata masani ona solia se agasala faapea” (O Le Vavega o le Faamagaloga Atu [1969], 123).
I le Mataio 12:39–40, o le sailia o faailoga sa tausalaina e le Faaola Sa saunoa le Perofeta o Iosefa Samita e uiga i le aoaoga lea a le Faaola: “O le e sailia se faailoga o se tagata mulilua ia; ma e faavavau lena mataupu faavae, e le masuia ma mausali e pei o poutu o le lagi; ma soo se taimi e te vaaia ai se tagata o saili i se faailoga, e mafai ona e ta’ua o ia o se tagata mulilua“(i le Talafaasolopito o le Ekalesia, 3:385).
Na saunoa mulimuli ane le Perofeta o Iosefa Samita: “Ina ua ou folafola atu i Filatelefia, sa tauvalaau mai se au Saalutu mo se faailoga. Sa ou fai atu ia te ia e filemu. Ina ua uma le lauga, sa toe fesili mai foi mo se faailoga. Sa ou ta’u atu i le faalapotopotoga o le tagata mulilua o ia; o se tupulaga amioleaga ma le mulilulua e sailli mo se faailoga; ma ua ta’u mai e le Alii ia te au i se faaaliga, soo se tagata e manao i se faailoga o se tagata mulilua o ia. ‘E moni,’ na valaau mai ai se tasi, ‘aua sa ou mauaina o ia o faia le mea tonu lava lena,’ lea na ta’uta’u mai e le tagata mulimuliane ina ua papatiso“ (i le Talafaasolopito o le Ekalesia, 5:268).
Mataio 12:43–50
Ua aoao mai e Iesu le faataoto i le fale tuufua
Mafaufau faapea ua fai atu se tasi o au uo mo se fautuaga pe faapefea ona aloese mai le toe faia o se agasala sa ia taumafai e lafoai. O le a se fautuaga o le a e tuuina atu i lau uo e fesosoani ai e teena ia faaosoosoga?
Na tuuina mai e Iesu Keriso se faataoto e uiga i se agaga leaga sa tuliesea mai se tagata. A o e suesueina lenei faataoto, vaavaai mo se mataupu faavae e mafai ona fesoasoani i lau uo e aoao ai le auala e faatoilalo ai le faaosoosoga.
Faitau le Mataio 12:43–44, ma vaavaai po o a mea na faia e le agaga leaga ina ua uma ona tuliesea mai le tamaloa.
O le a le mea na fai e le agaga leaga ina ua le maua se mea e mapu i ai?
O a upu e faamatala ai le tulaga o le “fale“ po o le tamaloa, ina ua toe foi mai le agaga leaga?
Faitau le Mataio 12:45, ma vaavaai mo mea na fai e le agaga leaga ina ua maua le “fale“ po o le tamaloa, ua tuufua.
E mafai faapefea e le aafiaga o le tagata i lea faataoto ona faatusa i se tasi o loo ua salamo mai se agasala ma o loo taumafai e teena le faaosoosoga?
Ina ua uma ona aveese le temoni, o le a le mea na lei faia e le tagata o i le faataoto ua afua ai ona toe foi mai le tiapolo?
A o e faitauina le saunoaga a Peresitene Spencer W. Kimball, mafaufau pe faapefea ona pei le tagata i le faataoto a le Faaola ma se tasi o loo tauivi e teena le faaosoosoga:
“E iloa e le tiapolo le mea e faaosooso, le mea e tuu i ai ana osofaiga. Na te sailia le mea tonu e vaivai. O le mea sa vaivai ai se tasi muamua, o le a sili ona faigofie ia te ia ona toe faaosoosoina ai.
“I le lafoaiina o le agasala e le mafai e se tasi ona na ona manaonao mo ni tulaga lelei sili atu. E tatau ia te ia ona faia. …E tatau ona mautinoa lelei e ia e le gata ua ia lafoaia le agasala, ae ua faapea foi ona suia e ia tulaga o loo siosiomia ai le agasala. E tatau ona ia aloese mai nofoaga ma tulaga na tupu mai ai le agasala, aua e mafai foi ona toe tupu mai ai le agasala i ia mea. E tatau ia te ia ona lafoaia tagata o e na latou fai le agasala. E le tatau ia te ia ona ita i tagata na aafia ai, ae peitai e tatau ia te ia ona aloese mai ai faapea ma mea uma na pogai ai le agasala. … E tatau ona ia aveesea soo se mea e toe saeu ai i luga manatu tuai.
“Pe o le uiga ea la … ua gaogao i i le olaga o le tagata mo sina taimi? O mea sa noatia ai o ia ma ta’a’ina i ai ma tumu ai ona mafaufauga ua mou atu, ae e le o ni mea lelei ua suitulaga ai mea ua avanoa. O le avanoa lea o Satani. …
“O le toatele ua le faaauauina ia mausa leaga, ua latou iloa o le suitulagaina o se vaega o le tali, ma ua faatoilaloina ai se mausa leaga e ala i le suitulaga ai o se mausa lelei“ (O le Vavega o le Faamagaloga, 171–73; italics added).
O se mataupu faavae e mafai ona tatou aoao mai le faataoto a le Faaola o le e mafai ona tatou tetee atu i faatosinaga leaga pe a uma ona tatou aveesea mai o tatou olaga e ala i le suitulaga ai le amiotonu. Fuafua e tusi le upumoni lenei i le laina i autafa o au mau i le Mataio 12:43–45.
Suesue i faaupuga nei ma maka auala e mafai ona tatou teena ai faatosinaga leaga e ala i le faatutumuina o o tatou olaga i le amiotonu:
“E le lava le na o le taumafai e teena mea leaga pe faagaogao lou olaga mai le agasala. E tatau ona e faatumuina lou olaga i le amiotonu ma ia punouai i gaoioiga e aumaia ai le mana faaleagaga. Faatofu oe lava i tusitusiga paia. Tatalo i aso taitasi mo le Alii ia avatu ia te oe le malosi e sili atu i lou lava. E i ai taimi, ia e anapogi mo faamanuiaga faapitoa.
“O le usiusitai atoatoa e aumaia ai le mana atoa o le talalelei i lou olaga, e aofia ai le malosi faateleina e faatoilalo ai ou vaivaiga. O lenei usiusitai e aofia ai gaoioiga atonu e te le i manatu i ai muamua o ni elemene o le salamo, e pei o le auai i sauniga, totogiina o le sefuluai, tuuina atu o auaunaga, ma le faamagalo atu i isi“ (Faamaoni i le Faatuatua: O Se Tusitaiala o le Talalelei [2004], 135).
-
O le vaega o totoe o le Mataio 12 o loo tusia ai faapea ao aoao atu Iesu sa ta’u atu e se tasi ia e Ia o loo i ai ni tagata o Lona aiga o loo fia talanoa ia te Ia. Ona aoao mai lea e le Alii faapea o i latou uma o e faia le finagalo o le Tama o se vaega o Lona aiga.
-
Ua ou suesueina le Mataio 11–12 ma faamaeaina lenei lesona i le (aso).
O fesili, mafaufauga ma manatu faaopoopo ou te fia faasoa atu i lo’u faiaoga: