Iunite 6: Aso 1
Mataio 23
Folasaga
I le vaiaso faaiu o le galuega a le Faaola i le tino, sa Ia tausalaina ai le pepelo o le au tusiupu ma le au Faresaio ma tutulu ai ona o le le taliaina e tagata o Ierusalema o Lona alofa ma le puipuiga.
Mataio 23:1–12
Ua tausalaina e le Faaola le pepelo o le au tusiupu ma le au Faresaio
Mafaufau pe faapefea ona ese au seti o tusitusiga paia ma tusitusiga paia a tagata o lou aiga, tagata o le uarota, ma uo. O ai e sili ona tele lana seti? O ai e sili ona tele maka ma faamanatu o i ai i tusitusiga paia? O ai e sili ona manaia lana seti?
E faapefea ona e tali atu i se tasi fai mai o le tagata e pito sili ona tele ana tusitusiga paia, sili ona tele maka ma faamanatu i tusitusiga paia, pe sili ona manaia lana seti o tusitusiga paia o le tagata aupito amiotonu lena?
Aisea e le o se auala lelei lea e fuafua ai le amiotonu?
Afai e fuafua le amiotonu i vaaiga i fafo atu, e ono taitai atu ai tagata e amio pepelo. O le upu pepelo “e ta’u mai ai se tagata e faafoliga e kerisiano ae leai“ (Bible Dictionary, “Pepelo”). E mafai foi ona faasino i se tagata e faafoliga mai e le lotu ae o la e lotu.
E avea o se vaega o le savali faaiu a le Faaola i tagata lautele na tuu atu i le malumalu i Ierusalema, i le taimi o lona toe vaiaso o Lana galuega i le tino, sa Ia tausalaina ai le pepelo o le au tusiupu ma le au Faresaio.
A o e suesue i le Mataio 23, vaavaai mo upumoni o le a fesoasoani e te iloa ai pe faapefea ona tali atu pe a e vaai i faiga pepelo ma mea e mafai ona e faia e faatoilalo ai le pepelo po o le faagutugutulua i lou lava olaga.
Faitau le Mataio 23:1–7, ma vaavaai mo mea na fetalai ai le Faaola e uiga i auala na talapepelo ai le au tusiupu ma le au Faresaio. O le fasifuaitau “tietie i le nofoa o Mose” (fuaiupu 2) o lona uiga ua nofoia e le au tusiupu ma le au Faresaio se tulaga o le pule e aoao atu ai aoaoga faavae ma faamatalaupu ma faafoe le tulafono. O le au tusiupu o le au faitulafono sa suesueina le tulafono a Mose, ma o le au Faresaio o aoaoga faalelotu.
E tusa ai ma uputuu tuugutu, sa faaaoga e Iutaia ia filateri, sa faaigoaina foi o tefillin, o ni tamai pusa pa’umanu sa fusi i o latou muaulu ma le ogalima tauagavale e faailoa atu ai faapea o o latou mafaufau ma loto sa tuuto atu e le aunoa i le tulafono a le Atua. I totonu o filateri sa i ai ni taaiga laiti o pa’ulaau sa iai ni vaega o le anotusi o le Feagaiga Tuai. Sa faaaoga e Iutaia ia filateri e fesoasoani e faamanatu atu ai ia te i latou e mulimuli i poloaiga a le Atua (tagai Esoto 13:5–10, 14–16; Teuteronome 6:4–9; 11:13–21). E lei tausalaina e le Alii i latou sa fai a latou filateri, ae sa ia tausalaina i latou o e sa faaaogaina pepelo pe faateleina ai i latou ia vaai mai ai isi faapea o la latou te faaaogaina.
Atonu e te manao e maka le fasifuaitau i le Mataio 23:5 lea e faamatala ai pe aisea na faalautetele ai e le au tusiupu ma le au Faresaio a latou filateri ma “faatele i tuupao o o latou ofu.”
E pei ona tusia i le Mataio 23:3, o le a le fautuaga na tuu atu e le Alii i Ana Aposetolo e tusa ai ma le pepelo?
E fua i le fautuaga lea, ua tatou aoao ai le upumoni lenei: E mafai ona tatou filifili e usitai i tulafono a le Atua tusa pe tatou te vaai atu i isi o faia amioga pepelo.
-
Tali le fesili lenei, i lau api talaaga mo le suesueina o tusitusiga paia: Aisea e taua ai mo i tatou le filifili e usitai i tulafono a le Atua tusa lava pe tatou te vaai atu i isi o faia amioga pepelo?
Faitau le Mataio 23:8–10, ma vaavaai po o le a le mea na fautuina e le Faaola ia tagata e aua nei faia.
Sa faaaoga e le Faaola le fasifuaitau “o outou uma o le au uso outou” (fuaiupu 8) e aoao atu ai i tagata e aua nei manatu ifo ua sili i latou lava nai lo isi aua o i latou uma o fanau a le Atua, e tutusa i Lana silafaga.
Na mafaufau le au tusiupu ma le au Faresaio o tulaga ma tofiga o le a sili atu ai i latou. Faitau le Mataio 23:11–12, ma vaavaai po o ai lea na fetalai le Faaola o le a sili i le malo o le Atua. Atonu foi e te manao e faailoga mea e te maua i le fuaiupu 11.
E pei ona tusia i nei fuaiupu, na aoao atu e le Faaola le nuu i le mataupu faavae lenei: Afai tatou te saili e faaeaina i tatou lava i luga atu o isi, o le a faamaualaloina i tatou. Faamaualaloina o lona uiga o le tuumaualaloina pe faamaasiasia pe le faaaloalogiaina.
Na aoao atu foi e Iesu ia tagata e faapea afai tatou te lotomaulalo ma auauna atu i isi, o le a faaeaina i tatou e le Alii. O le fasifuaitau “o le a faamaualugaina” Mataio 23:12 e ta’u mai ai o le a sii i tatou e le Alii i luga, fesoasoani ia avea i tatou e pei o Ia, ma to mai mo i tatou le faaeaga i le malo selesitila.
-
-
E manaomia i se a ona tatou auauna atu i isi ina ia mafai ai e le Alii ona sii a’e i tatou i luga ma fesoasoani mai ia avea atili i tatou e pei o Ia?
-
E mafai faapefea e le lotomaualalo ona fesoasoani tatou te faatoilalo ai le pepelo?
-
Mafaufau i mea lelei e te faia i le aoga, fale, ma le lotu. Fuafua po o fea e te tuuina ai oe lava i le fua lea e fua i ou faamoemoega mo le faia o galuega lelei ma au taumafaiga e lotomaualalo:
Faatu se sini e auauna atu i isi i aso taitasi, ma manatua o i tatou uma lava o fanau a le Tama Faalelagi.
Mataio 23:13–36
Ua ta’u atu e Iesu Keriso oi talofa i le au tusiupu ma le au Faresaio
Mafaufau faapea e i ai ipu palasitika e tolu e mafai ona e filifili e te inu ai. O le ipu muamua e palapala fafo, o le ipu lona lua e palapala totonu, ma le ipu lona tolu e mama. Aisea e sili ai ia te oe ona inu mai le ipu e matua mama atoa ae le afa le mama? A o e suesueina le Mataio 23:13–36, mafaufau pe mafai faapefea ona e faatusaina nei ipu e tolu i le mea na fetalai mai ai Iesu.
I le Mataio 23:13–36 tatou te aoao ai faapea na tausalaina e le Faaola le au tusiupu ma le au Faresaio i le pepelo. Auilili ia fuaiupu nei, ma vaavaai mo le aofai o taimi na faaaoga ai e le Faaola le upu oi talofa a o ia fetalai i le au tusiupu ma le au Faresaio. Fuafua e maka i taimi taitasi le upu oi talofa i fuaiupu nei. Oi talofa e faasino i le le fiafia, atu, ma le faanoanoa.
-
-
Mataio 23:23–24 (tagai foi Mataio 23:24, vaefaamatalaga a)
-
Mataio 23:29–36 (tagai foi Mataio 23:36, vaefaamatalaga a)
-
Na faapefea ona pepelo le au tusiupu ma le au faresaio?
-
O a faataitaiga o lea ituaiga o pepelo o tatou vaaia i ona po nei?
-
Faitau le Mataio 23:26, ma vaavaai po o le a le mea na ta’u atu e le Faaola i le au Faresaio e fai ina ia tuu ai le pepelo. Mafaufau e faailoga mea ua e mauaina.
Mai lenei fuaiupu ua mafai ona tatou aoao ai faapea a tatou taumafai ia mama faaleagaga i totonu, o le a atagia mai lea i a tatou filifiliga i fafo.
-
-
O a mea e tatau ona tatou faia ina ia mama ai faaleagaga i totonu?
-
E mafai faapefea e a tatou taumafaiga ia mama faaleagaga i totonu ona fesoasoani ia i tatou e tuu ai le pepelo?
-
Mafaufau i ipu e tolu i le amataga o le vaega lenei o le lesona, mafaufau pe o le fea ipu e sili ona faatusa i lou tulaga faaleagaga o e i ai nei. Faatu se sini o le a fesoasoani ia te oe e mama atoatoa ai faaleagaga.
O le Faaliliuga a Iosefa Samita ua faaopoopo ai lo tatou malamalama i le Mataio 23:23–35 e ala i le faaopoopo o le faamalamalamaga lenei:
-
Na faia e le au tusiupu ma le au Faresaio ia foliga mai ai faapea o le a latou “le faia lava sina agasala itiiti,” ae o le mea moni sa tausalaina i latou i le solitulafono “o le tulafono atoa” (Faaliliuga a Iosefa Samita, Mataio 23:21 [in Mataio 23:24, vaefaamatalaga a]).
-
O le au tusiupu ma le au Faresaio na latou “[tuuina atu] le molimau e faasaga i o [latou] tama, a o [latou, lava o] e na faia ia lava amioleaga” (Faaliliuga a Iosefa Samita, Mataio 23:34 [i le Mataio 23:36, vaefaamatalaga a]).
-
E ui na agasala ia tama i le valea, ae o le au tusiupu ma le au Faresaio sa agasala ma le iloa lelei ma o le a latou tali atu mo a latou solitulafono (tagai Faaliliuga a Iosefa Samita, Mataio 23:35 [i le Mataio 23:36, vaefaamatalaga a]).
I le Mataio 23:29–33 ua tatou aoao ai na tausalaina e Iesu Keriso ia taitai faaleagaga o Iutaia i lo latou taliaina o perofeta ua mavae ae teena perofeta soifua. E faapei foi o ona po o Iesu, e tatau ona tatou faaeteete aua nei faamamaluina ia perofeta ua mavae ae teena ia perofeta soifua o o tatou taimi.
Mataio 23:37–39
Ua tagitui le Faaola ona o le le o mai o tagata o Ierusalema ia te Ia
E faapefea ona puipuia e se matuamoa lana toloai?
A oo ina faamata’u mai tulaga matautia, ona ofaofatai lea e le matuamoa o lana toloai i lalo o ona apaau e puipuia i latou. E alofa le matuamoa i lana toloai ma o le a ositaulagaina ai lona ola e puipuia i latou.
Faitau le Mataio 23:37–39, ma vaavaai po o le a le ala na fetalai ai le Faaola e pei o Ia o se matuamoa.
Na faapefea e tagata o Ierusalema ona tali atu i taumafaiga a Iesu e faapotopoto mai i latou?
Fuafua e maka le fasifuaitau “ua tuua lo outou fale e faatafunaina” (fuaiupu 38). I le talaaaga lea, o le faatafunaina o lona uiga ua gaogao pe ua lafoai. Talu ai na le naunau tagata e faapotopoto i le Faaola, o lea sa tuua ai i latou ua leai se puipuiga. Faatasi ai ma isi faauigaga, o le fasifuaitau lenei e mafai ona faasino i le tulaga faaleagaga o tagata i le taimi o Iesu faapea foi le faatafunaga o Ierusalema i le lumanai. E mafai foi ona faasino i le malumalu ma le leiloloa o faamanuiaga o le malumalu.
E fua i mea na aoao atu e Iesu e uiga i le matuamoa ma lana toloai, o le a se mea e mafai ona tatou maua pe a tatou naunau e faapotopotoina e le Faaola? Tali le fesili lenei i le faamaeaina o le faamatalaga lea: Afai tatou te naunau e faapotopotoina e le Faaola, ona .
I le saunoaga lea a Peresitene Henry B. Eyring o le Au Peresitene Sili, maka le faatonuga o loo faailoa mai ai se ala se tasi e mafai ona tatou faaalia atu ai i le Faaola ua tatou naunau ina ia faapotopotoina e Ia:
“E le ititi ifo ma le faatasi ona Ia faapea mai na te faapotopotoina mai i tatou ia te Ia e pei ona ofaofatai mai e le matuamoa lana toloai i lalo o ona apaau. Sa Ia faapea mai e tatau ona tatou filifili e o atu ia te Ia i le agamalu ma ia lava le faatuatua ia te Ia e salamo ai ′ma le faamoemoe atoa o le loto’ [3 Nifae 10:6].
“o se tasi o auala e faia ai lena mea o le faapotopoto ma le aupaia i lana Ekalesia. O i a outou sauniga lotu, tusa lava pe faigata. Afai e te finau, o le a Ia fesoasoani ia te oe e maua le malosi e faia ai” (“I le Malosi o le Alii,” Ensign po o le Liahona, Me 2004, 18).
Filifili po o le a se mea o le a e faia e faapotopoto ai i le Faaola ina ia mafai ona e maua pea lava pea Lana tausiga ma le puipuiga.
-
Ua ou suesueina le Mataio 23 ma faamaeaina lenei lesona i le (aso).
O fesili, mafaufauga ma manatu faaopoopo ou te fia faasoa atu i lo’u faiaoga: