Folasaga i Mau Tauloto

Ua filifilia e le Seminare ma Inisitituti o Mataupu Faalelotu ni mau tauloto e 25 mo kosi taitasi e fa o suesuega i le seminare. O nei fuaitau o mau e 100 e tuuina atu ai se faavae taua faaletusitusiga paia mo le malamalama ma le faasoaina atu o le talalelei ma mo le faamalosia o le faatuatua.

E fautuaina ina ia e atiina ae se faiga e tauloto ai nei fuaitau o mau. O le taulotoina o fuaitau o mau e aofia ai mea nei:

• O le mauaina o fuaiupu e ala i le iloaina o tusi o mau e faasino i ai

• O le malamalama i le talaaga ma le anotusi o fuaitau o mau

• O le faaaogaina o aoaoga ma mataupu faavae o le talalelei o loo aoaoina i fuaitau o mau

• O le taulotoina o fuaitau o mau

I lenei taiala o suesuega, o le a e suesueina ai fuaitau taitasi o mau e 25 pe a tau atu i ai le suesuega o le kosi o le Feagaiga Fou. O le taulotoina o fuaitau o mau e manaomia ai le vaega o lau taumafaiga. O le tumau ai ma le fai soo o le aoaoina o mau tauloto o le a fesoasoani e umi ai ona e manatua ia upumoni mo le faaaogaina i le lumanai. E mafai ona e filifili e faaalu ni nai minute i aso taitasi e toe faamanatu ai fuaitau o mau tauloto. Vaavaai mo avanoa e faaaoga ai a o e faamatala atu aoaoga faavae autu o le talalelei i isi.