2 Korinito 10–13

Folasaga

Na aoao atu le Aposetolo o Paulo e uiga i le taua faaleagaga o loo punouai ai le fanau a le Atua. Sa ia puipuia o ia lava mai e sa tetee atu ia te ia. Sa ia toe faamatalaina le ala na segia ai o ia i le lagi tuatolu, ma sa ia toe faamatalaina le ala na faamaonia ai le avea o ona vaivaiga ma se faamanuiaga ia te ia. A o lei faaumaina lana tusi, sa uunaia e Paulo le Au Paia i Korinito e suesue ifo ia i latou lava ma tofotofo i lo latou faamaoni.

2 Korinito 10–11

Ua tusi Paulo e uiga i le taua faaleagaga, o le taufaasese o Satani, ma ona lava puapuaga

O a mafaufauga e oo mai pe a e vaai i le uputaua

Mafaufau i ni auala o tatou punouai ai i se taua e faasaga ia Satani. O a ni taua e sili ona faigata o tatou feagai ai i lenei taua faaleagaga?

Faitau le 2 Korinito 10:3–6, ma vaavaai mo mea na aoao mai e Paulo e tatau ona tatou faia ina ia manumalo ai i lenei taua e faasaga ia Satani.

O le faatonuga o le “faatoilaloina o manatu uma ia anaana ia Keriso”(2 Korinito 10:5) o lona uiga o le puleaina o o tatou mafaufauga, e aofia ai le taumamao mai mafaufauga e le talafeagai, ma ia taulai atu i mea lelei, ma faagaeetia. O le upumoni e tasi e mafai ona tatou aoao mai lefuaiupu 5 o le a o tatou puleaina o tatou mafaufauga i le usiusitai ia Iesu Keriso, o le a atili ai ona tatou manumalo i le taua e faasaga ia Satani.

Tali fesili nei i lau api talaaga mo le suesueina o tusitusiga paia:
1. O a ni mea e mafai ona tatou faia e fesoasoani ai ia i tatou e pulea o tatou mafaufauga? (Tagai e; MF&F 121:45; ma le Faatomuaga a le Au Peresitene Sili, i Viiga [itulau x], mo ni manatu aoga.)
2. O a faamanuiaga ua e iloa a o e puleaina ou mafaufauga i le usiusitai i le Faaola?

Mafaufau po o le a lau mea e fai e pulea ai ou mafaufauga i le usiusitai i le Faaola. O nisi tagata ua iloa o le tatalo, faitau pe tauloto tusitusiga paia, ma le usuusuina o viiga e aoga.

I le 2 Korinito 10:7–18ua tatou aoao ai na mitamita Paulo i le Alii ma aoao mai o ona lava vaivaiga e le tatau ona faaaoga e tauamiotonuina ai le le faalogo ia te ia.

I le 2 Korinito 11ua tatou faitau ai sa taua e Paulo nisi auala o loo saili ai Satani e faaluafesasi o tatou mafaufauga ma taitai ese ai i tatou mai ia Iesu Keriso, e aofia ai le faaaogaina o Keriso pepelo ma Aposetolo pepelo. Na faamatala e Paulo ona mafatiaga sa ia onosaia o se Aposetolo moni a le Faaola.

2 Korinito 12

Ua toe faamatala e Paulo le segia i le lagi ma aoao mai ai le ala e mafai ona aoga ai ia i tatou le faailoa o o tatou vaivaiga

Mafaufau i se taimi na e tiga ai ona o mea matuitui. O a ni auala e faigata ai le olaga i mea matuitui?

Sa faaaoga e le Aposetolo o Paulo le manatu faavae o se mea matuitui e faatusa i se tofotofoga po o se vaivaiga na ia oo i ai.

A o e faitauina le saunoaga a Elder Dallin H. Oaks o le Korama a Aposetolo e Toasefululua, mafaufau i ituaiga o tofotofoga ma vaivaiga ua e oo i ai: “O nisi ua mou atu e pele ona o le oti pe o loo tausia se tasi e le atoatoa le malosi. O nisi o loo faamanualia ona o le tetea. O nisi o loo faanaunau mo se faaipoipoga e faavavau. O nisi ua faapologaina e mea ua fai ma mausa po o amioga e pei o le ava malosi, tapaa, fualaau oona, po o le ponokarafi. O nisi o loo iai ni le atoatoa i le tino ma le mafaufau. O nisi o loo tauivi ma le tosina atu i tagata o lana lava itupa. O isi o loo iai lagona matautia o le lotovaivai po o le le atoatoa. Po o le a lava le tulaga, e toatele lava o loo mafatia i avega” (“Na te Faamaloloina I latou O E e mafatia i Avega,” Ensign po o le Liahona, Nov. 2006, 6).

A o e suesueina le 2 Korinito 12, vaavaai mo upumoni e mafai ona fesoasoani ia te oe a o e feagai ma tofotofoga ma vaivaiga.

Faitau le 2 Korinito 12:1–4, ma vaavaai mo se faaaliga na oo ia Paulo. (I nei fuaiupu sa faasino ifo ai e Paulo ia te ia lava i le tagata lona tolu ina ua ia faamatala atu e uiga i “se tagata.” I le fuaiupu 2o le faamatalaga “pe na i le tino o ia, ou te le iloa pe lei i le tino: ua silafia e le Atua” ua faapupula mai ai sa vaai Paulo i se faaaliga.)

Faitau le 2 Korinito 12:5–6, ma vaavaai pe na faapefea ona tali atu Paulo i lea faaaliga o le malo selesitila.

Matau e ui ina sa maua e Paulo lea faaaliga, ae e lei “mitamita” ai o ia (pe gugutu) ai. Atonu na popole o ia nei soona manatu mauluga nisi ia te ia ae o la sa feagai lava ia ma tauiviga faaleolaga nei e faatoilalo.

Faitau le 2 Korinito 12:7–9, ma vaavaai pe na faapefea ona fesoasoani le Alii ia Paulo ia tumau le lotomaualalo. (Ina “ia faamaualuga i le silisili ese” fuaiupu 7 o lona uiga ua manatu faasausili.

Na saunoa Elder Bruce R. McConkie o le Korama a Aposetolo e Toasefululua e faapea o “mea matuitui [a Paulo] i la le tino” o “ni nai vaivaiga faaleagaga e le o taua, ae manino o se mea matuia sa mafatia ai le Aposetolo a le o taimi uma po o lea taimi i lea taimi” (Doctrinal New Testament Commentary, 3 vols. [1965–73], 2:448).

Matau pe na faafia ona tatalo Paulo ia aveesea lenei mea matuitui i la le tino. (O le upu faatolu [fuaiupu 8] o lona uiga e tolu taimi.)

Fuafua e maka le fasifuaitau i le 2 Korinito 12:9o loo faamatala ai faapea na filifili le Alii e le aveesea le mea matuitui o Paulo i la le tino.

Mai nei fuaiupu ua tatou aoao ai faapea, e mafai e le Alii ona faatagaina i tatou ia feagai ma vaivaiga ma tofotofoga ina ia mafai ai ona tatou aoao ia lotomaualalo. Atonu e te manao e tusi pe maka le upumoni lea i au tusi paia i autafa o le 2 Korinito 12:7–9.

Faitau le 2 Korinito 12:9–10, ma vaavaai mo upumoni na aoaoina e Paulo ia na fesoasoani ia te ia e onosaia ai ona vaivaiga. A o e faitau, ia manatua ole alofatunoa o le “fesoasoani faalelagi po o le malosi … e tuuina mai e ala i le alofa mutimutivale ma le alofa o le Atua” (Taiala i Tusitusiga Paia, “Alofatunoa,” scriptures.lds.org).).

Atonu e te manao e maka ia upu po o fasifuaitau i le 2 Korinito12:9–10 o loo aoao mai ai upumoni nei: O le alofatunoa o Iesu Keriso ua lava lea ma totoe e faamalolosia ai i tatou i o tatou vaivaiga. E le aveesea pea lava e le Alii o tatou luitau, ae o le a Ia faamalolosia i tatou a o tatou onosaia ma le faamaoni.

Na molimau mai Elder Dallin H. Oaks, “O le mana faamalolo o le Alii o Iesu Keriso—pe aveesea ai a tatou avega pe faamalolosia ai i tatou ina ia onosai ai ma ola faatasi ai e pei o le Aposetolo o Paulo—o loo i ai mo mafatiaga uma i le olaga nei” (“Na te Faamaloloina i latou o e Mafatia i Avega,” 8).

Tali ia fesili nei e lua pe o fesili uma i lau api talaaga mo le suesueina o tusitusiga paia:
1. O le a le uiga ia e oe o le alofatunoa o le Faaola “ua lava lea” (2 Korinito 12:9) e faamalosia ai oe i ou vaivaiga?
2. E mafai faapefea e upumoni o loo aoao mai i le 2 Korinito 12:9–10 ona fesoasoani ia te oe a o e feagai mavaivaiga ma tofotofoga?
3. O anafea na faamalosia ai oe po o se tasi e te iloa e le Faaola e fesoasoani i se vaivaiga i le taimi o se tofotofoga?

2 Korinito 13

Ua apoapoai atu Paulo i le Au Paia e suesue ifo ia i latou lava ina ia faamaonia ai lo latou faamaoni

O nisi tagata i aso nei ua luiina ia aoaoga ma le pule a i latou o e ua valaauina e galulue i tulaga faaletaitai i le Ekalesia. E faapena foi, sa i ai aoao pepelo i le Au Paia i Korinito o e sa luiina Paulo ma lana pule o se Aposetolo.

Faitau le 2 Korinito 13:3, ma vaavaai mo mea na saili e tagata o le Ekalesia i Korinito ia faamaoniga.

Faitau le2 Korinito 13:5–6, ma vaavaai mo mea na uunaia e le Aposetolo o Paulo le Au Paia i Korinito e fai nai lo le fesili pe fetalai atu le Alii e ala atu ia te ia o se Aposetolo. (O se tagata pepeloo se tagata piopio pe ola le mama.) Fuafua e maka ia upu galue i le fuaiupu 5o loo tau atu ai mea e tatau ona fai e le Au Paia i Korinito.

Ina ua fai atu Paulo i le Au Paia i i Korinito e suesue pe na latou “i le faatuatua”fuaiupu 5, sa ia fesili atu ia i latou pe sa o latou faamaoni i le Alii ma Lana Ekalesia. Mai le 2 Korinito 13:5–6 ua tatou aoao ai nai lo tatou faitioina o taitai o le Ekalesia, e ao i tagata o le Ekalesia ona suesue pe tofotofo lo latou lava faamaoni.

Faitau le saunoaga lea a le Perofeta o Iosefa Samita, ma vaavaai mo mea sa ia aoao atu o le a tutupu pe afai tatou te filifili e faitioina o tatou taitai nai lo le suesue ifo i lo tatou lava faamaoni: “[Afai o se tagata] e tulai mai e tausalaina isi, vaili masei i le Ekalesia, ma fai mai e sese i latou, ae o ia ua amiotonu, ona iloa lea ma le mautinoa, o lena tagata ua i le alatanu agai atu i le liliuese; ma afai e le salamo o ia, o le a liliuese, aua o loo soifua le Atua” (Aoaoga a Peresitene o le Ekalesia: Iosefa Samita [2007], 318).

Faaalu sina taimi e manatunatu ai i fesili nei: Ona saini lea o lou igoa i lau api talaaga mo le suesueina o tusitusiga paia e tau mai ai ua maea lau galuega lenei.
1. I se fuafaatatau o le 1-10 (o le 10 e atoatoa), o le a le lelei o lou mulimuli i le fautuaga a taitai o le Ekalesia?
2. O le a se tulaga faatonuina e tasi na aoao mai e perofeta ma aposetolo e mafai ona e mulimuli faamaoni ai atili?
3. I se fuafaatatau o le 1-10 (o le 10 o avanoa uma e te maua), o le a le tele e te faaali atu ai le lotofaafetai mo ou taitai faale-Ekalesia, pe i le tagata po o tatalo?
4. O le a se mea e mafai ona e faia e faaalia atili ai lou talisapaia mo osigataulaga ma taumafaiga a ou taitai mo oe?
Tali le fesili lenei, i lau api talaaga mo le suesueina o tusitusiga paia: O a faamanuiaga e mafai ona maua mai le faia e le aunoa o au lava suesuega faaleagaga e pei o lenei?

I le 2 Korinito 13:7–14ua tatou aoao ai sa apoapoai atu Paulo i le Au Paia e aloese mai mea leaga ae taumafai atu mo le faaatoatoaga.

Tusi le mea lenei i lalo o le galuega atofaina o le aso i lau api talaaga mo le suesueina o tusitusiga paia:

Ua ou suesueina le 2 Korinito 10–13 ma faamaeaina lenei lesona i le (aso).

O fesili, mafaufauga ma manatu faaopoopo ou te fia faasoa atu i lou faiaoga: