Iunite 11: Aso 2
Luka 13–15
Folasaga
Sa aoao mai Iesu e uiga i le salamo ma le malo o le Atua, ma sa Ia faamalolo i le Sapati. Sa Ia faaaogaina foi faataoto e aoao mai ai e uiga i le salamo ma le tau o le avea ai ma soo. O le au Faresaio ma le au tusiupu sa faitio e uiga i le mafuta o le Faaola ma telona ma e agasala. Sa tali atu le Faaola e ala i le tuuina atu o faataoto i le mamoe na se, o le tupe na leiloa, ma le atalii faamaumau oa.
Luke 13:1–14:14
Ua faamalolo e Iesu ma’i i le Sapati ma aoao mai e uiga i le salamo ma le tausia o e le tagolima
Manatu faapea o loo e nofo faatasi ma ni uo e aai i le aoauli ma sa latou matauina se tamaitiiti a’oga e ofu masaesae o nofonofo na o ia. Ua fai e se tasi o la outou vaega se faamatalaga e le lelei e uiga i foliga vaaia o le tamaitiiti lea, ma sa talie le toatele o la outou vaega.
O ni nai auala e mafai ona e tali atu ai i lea tulaga?
A o e suesueina le Luka 13–14, vaavaai mo mea sa aoao ai e le Faaola e uiga i fegalegaleaiga ma tagata e le tagolima.
Laau o le mati
© Jose Ramiro Laguna/Shutterstock.com
I le Luka 13 ua tatou faitau ai le faamatalaina e le Faaola se faataoto e uiga i le laau o le mati o le a tuu i lalo pe afai e le fua mai. O lenei faataoto na faasinotonu i Iutaia o e sa tatau ona fua mai i ni fua lelei, ma o loo aoao mai ai o le a fano i tatou pe afai tatou te le salamo. Sa faamalolo ai e Iesu se fafine i le Sapati. Na Ia faatusaina le malo o le Atua i se fatu o le sinapi sa tupu ma avea o se laau, ma sa Ia aoao mai e uiga ia i latou o e o le a ulu atu i Lona malo. Sa ia faavauvau ona o le faatafunaga o Ierusalema o loo lupe.
I le Luka 14:1–6 ua tatou faitau ai e faapea sa valaaulia le Faaola e talisua i le fale o se tasi o le au Faresaio sili i le Sapati. A o lei faia le taligasua, sa faamalolo e le Faaola se tagata sa mafatia i le ma’i fula—o se ma’i e afua ai ona fulafula le tino o le tagata i le vai.
Faitau le Luka 13:15–16 ma le Luka 14:5–6, ma vaavaai mo tali a le Faaola i le au Faresaio o e sa tuuaina o Ia ua solia le Sapati e ala i le faamaloloina o le fafine ma le tamaloa.
O le a se mea o mafai ona tatou aoao mai i le faataitaiga a le Faaola e uiga i le faamamaluina o le aso Sapati ma le tausiaina ia paia? O se tasi lesona o le sa faaaoao atu e Iesu le amio e tonu i le aso Sapati e ala i le auauna atu i mea o manaomia e tagata. E ese mai lea i nisi o Faresaio o e ua tauamiotonuina le fesoasoani i manu nai lo tagata i le aso Sapati. Mafaufau i au taga e fai i le aso Sapati. O le a se mea e mafai ona e faia i le aso Sapati ina ia avea atili ai e faapei o Iesu?
Luka 14:7–10 o loo i ai se faataoto sa faaaoga e le Faaola e aoao mai ai upumoni o le talalelei e uiga i le sootaga o le lotomaualalo ma le faaeaga. O le “mea sili“ (Luka 14:7) o nofoaga o le mamalu. Sa matauina e Iesu o nisi o i latou sa valaaulia i le tausamiga, ua latou saili i nofoaga o le mamalu mo i latou lava e ala i le nonofo latalata i le sa talimalo.
Faitau le Luka 14:11, ma vaavaai mo mea sa aoao mai e le Faaola e uiga i le lotomaulalo. O le upu faamaualaloina o lona uiga o le aumaia i lalo i se tulaga maualalo.
Faitau le Luka 14:12–14, ma vaavaai mo mea sa aoao atu e le Faaola i le au Faresaio o e sa valaaulia o Ia latou te talisua. Aisea e ono valaaulia ai e tagata, pei o le au Faresaio, a latou uo ma tuaoi maumea pe taua i se talisuaga?
I ona po o le Faaola, o i latou o e mamae (manunua), pipili, pe tauaso e tele ina tauivi e saunia mea mo i latou lava, ma sa matitiva ona o taunuuga o o latou manaoga faapitoa. O nisi o Faresaio sa vaai maualalo i tagata nei. O a ni nai mafuaaga e ono vaai maualalo ai tagata i ona po nei i isi?
O se tasi lenei o mataupu faavae e mafai ona tatou aoao mai i nei fuaiupu: Afai tatou te taumafai e fesoasoani i tagata e le tagolima nai lo i tatou, o le a tauia i tatou e le Alii.
E le gata ina tauia i tatou i le Toetu, ae o le a faamanuiaina foi i tatou e le Alii pe a tatou taumafai e fesoasoani i tagata e le tagolima nai lo i tatou (tagai Mataio 6:4).
-
Faamaea se tasi pe sili atu o gaoioiga nei i lau api talaaga mo le suesueina o tusitusiga paia:
-
Tusi e uiga i se taimi na faamanuiaina ai oe po o se tasi e te iloa e ala i le taumafai e fesoasoani i se tasi sa le tagolima. (“Le tagolima“ e mafai ona faasino i tulaga nai lo le le maua o oa o le lalolagi; mo se faataitaiga, e mafai ona faasino i se tasi e tuuatoatasi pe atonu e leai ni ana uo.)
-
Mafaufau i ni auala e mafai ona e fesoasoani ai ia i latou o e le tagolima, ma tusi se sini e auauna atu ia i latou.
-
Luka 14:15–35
Ua tuu mai e Iesu le faataoto i le tausamiga tele ma aoao ai e uiga i le tau o le avea ai ma soo
O a ni nai mea atonu e ono talosagaina ai i tatou e ositaulagaina pe lafoai i le avea ai ma soo o Iesu Keriso?
O ni nai ’alofaga e ono faaosooso se tasi e faaaoga e aloese ai mai le faia o nei osigataulaga?
Ina ua uma ona fautuaina e le Faaola le Faresaio e valaaulia e le tagolima i le tausamiga, sa fai atu se tasi sa i ai i le potu ia te Ia, “Amuia le ’ai i le malo o le Atua“ (Luka 14:15). I le tali atu i lea faaupuga, sa tuu atu ai e le Faaola le faataoto i le tausamaaga sili.
Faitau le Luka 14:16–24, ma vaavaai mo le valaaulia na maua e tagata o i ai i le faataoto, faapea foi ’alofaga na faia e i latou sa teenaina le valaaulia.
Sa fetalai Iesu i Iutaia o e sa amio faapei o na tagata o i le faataoto o e sa muamua ona valaaulia i le tausamaaga. E faapefea ona avea le talalelei a Iesu Keriso o se tausamaaga sili? O a ni ’alofaga sa tuuina atu e tagata na lei taliaina le valaaulia i le tausamaaga sili? O a ni mea o faailoa mai e nei ’alofaga e uiga i mea e faamuamua e nei tagata?
O le mataupu faavae e tasi tatou te aoao mai i lenei faataoto o le afai tatou te tuu isi faamuamua i luga atu o le Alii ma Lana talalelei, o le a tatou le maua faamanuiaga e mafai ona tatou maua.
Tagai i le lisi na e tusia o mea e ono talosagaina oe e ositaulagaina pe lafoai i le avea ai o se soo o Iesu Keriso. O a faamanuiaga e te ono le maua pe afai e te le naunau e faia nei osigataulaga? Pe ua e mafaufau ea ua e ositaulagaina se mea ae mulimuli ane e iloaina o faamanuiaga na e maua e sili atu nai lo le mea sa e mafaufau na e ositaulagaina
Ina ua uma ona aoao atu lenei faataoto, sa fetalai le Faaola i se motu o tagata e uiga i mea Na te manaomia mai Ona soo. Faitau le Luka 14:25–27, ma vaavaai mo mea na fetalai ai le Faaola e tatau e Ona soo ona naunau e fai.
“I le matalalaga o le Luka 14:26, o le upu Eleni ua faaliliuina o le ’inoino’ o lona uiga o le ’itiiti le alofa’ po o le ’itiiti se manatu i ai.’ E lei faaleaogaina e le Faaola le poloaiga e ’ava i lou tama ma lou tina’ (Esoto 20:12); sa Ia aoao mai e uiga i mea e faamuamua. Mo se so’o, o le tuuto i le aiga e tatau lava ona mulimuli mai i le tuuto atu ia Iesu Keriso“ (Tusi lesona a le Tagata Aoga o le Feagaiga Fou [Church Educational System manual, 2014], 165; tagai foi Mataio 10:37; Luka 14:26, vaefaamatalaga e).
O le upusatauro i le Luka 14:27 e faasino i le Faasatauroga ma e faatusa i se naunautai e ositaulaga. O le Faaliliuga a Iosefa Samita ua fesoasoani tatou te malamalama ai e faapea o le “o se ave [lona] satauro“ (Luka 14:27) o lona uiga “o le teena e ia o le amioleatua uma, ma tuinanau faalelalolagi, ma tausia poloaiga [a le Alii] ” (Faaliuga a Iosefa Samita 16:26 [i le faaopoopoga i le Tusi Paia]).
Ua aoao mai e nei fuaiupu e faapea e tatau i so’o o Iesu Keriso ona naunau e ositaulagaina mea uma ae mulimuli atu ia te Ia. Atonu e te manao e tusi lenei upumoni i le laina o au tusitusiga paia i autafa o le Luka 14:25–27.
Ina ua uma ona aoao mai e uiga i mea e tatau e Ona so’o ona naunau e fai, sa fetalai Iesu, “O le mea lea, ia faamautu lenei mea i o outou loto, o le a outou faia mea ou te aoao atu, ma poloaiina ai outou“(Faaliliuga a Iosefa Saita, Luka 14:28 [i le Luka 14:27, vaefaamatalaga e]). O le upu faamautu i i, o lona uiga o le foia pe fai se tonu mausali. O se mataupu faavae e tasi e mafai ona tatou aoao mai i lenei fuaiupu o le a tatou faamautu i o tatou loto e fai mea ua aoao ai e Iesu Keriso, ma poloaiina ai i tatou, ua avea i tatou ma Ona so’o.
Mafaufau pe mafai faapefea ona tatou taunuu i se tulaga o lo tatou avea ai ma so’o, i se mea ua tatou faamautu moni ai i o tatou loto e fai mea ua aoao mai ai ma poloai mai ai Iesu Keriso e fai.
Ina ua uma ona aoao atu nei mataupu faavae e uiga i le avea ai ma so’o, sa tuuina atu e le Faaola ia ni tala talafaatusa se lua. Faitau le Luka 14:28–30 ma le Luka 14:31–33, ma mafaufau pe o a mea o faapupula mai e nei talafaatusa e lua.
O se ’olo i se nuu o Nasareta i Isaraelu,e pei o le ’olo o loo faamatala i le Luka 14:28–30
Na finagalo le Faaola i Ona so’o e mafaufau toto’a pe latou te naunau e ositaulagaina soo se mea e manaomia mai ia i latou ina ia mafai ai ona latou faaauau pea ona avea ma Ona so’o seia oo i le iuga (tagai foi Faaliliuga a Iosefa Samita, Luka 14:31 [i le Luka 14:30 vaefaamatalaga a]). Fuafua e maka le Luka 14:33, lea o loo aumaia ai se aotelega faigofie o aoaoga a le Faaola i le mataupu lea.
-
Luka 15
Ua tuu mai e Iesu ia faataoto i le mamoe na se, o le tupe na leiloa, ma le atalii faamaumau oa.
O le mamoe na leiloa
O le tupe na leiloa
O le atalii faamaumau oa
Mafaufau i se taimi na maua ai sau mea taua na leiloa. O a ni ou lagona na i ai?
Mafaufau i se tagata e te iloa atonu o loo “leiloa“ faaleagaga. Atonu o se tagata lea e lei mauaina le talalelei toefuataiina a Iesu Keriso pe o loo ola nei foi e tusa ai ma aoaoga o le talalelei.
A o e suesue i le Luka 15, vaavaai mo upumoni e faatatau i lagona o le Tama Faalelagi e uiga ia i latou o e ua leiloloa faaleagaga ma lo tatou tiutetauave mo i latou.
Faitau le Luka 15:1–2, ma vaavaai mo mea sa faitio ai le au Faresaio.
I le tali atu i le au Faresaio ma le au tusiupu, na tuu atu ai e le Faaola ni faataoto se tolu: o le tasi e uiga i se mamoe, o le tasi e uiga i se tupe, ma le tasi e uiga i se atalii. O nei faataoto na fuafua e avatu ai le faamoemoe i e agasala faapea foi ona aoai ai ma tausalaina e talapepelo ma e faafiaamiotonu o le au tusiupu ma le au Faresaio. A o e suesueina nei faataoto, ia mataitu pe aisea na avea ai ma mataupu autu o faataoto taitasi le leiloa ma le pe na faapefea ona maua.
Faitau ia faataoto taitasi, ma vaavaai mo tali i fesili i le koluma tauagavale o le siata lea. Tusi au tali i avanoa ua saunia.
|
O Faataoto o le Mamoe Na Leiloa, Tupe, ma le Atalii | |||
|---|---|---|---|
|
Fesili |
Luka 15:3–7 (tagai foi Luka 15:4, vaefaamatalaga a) |
Luka 15:11–32 (i le fuaiupu 16 o le upu tupu lona o lona uiga “ma le fiafia”) | |
|
O le a le mea na leiloa? | |||
|
Aisea na leiloa ai? | |||
|
Na faapefea ona maua? | |||
|
O a upu po o fasi fuaitau e faamatala ai le tali atu ina ua maua? | |||
Ua iloa mamao atu o ia e lona tama, …ua momo’e atu ia, … ma sogi atu ia te ia“ (Luka 15:20).
Matau na leiloloa ia mamoe e ala i le mulimuli atu i le kosi masani o le olaga, o le tupe na leiloa ona o le faatamala o le e ona ma le atalii faamaumau oa (pe soona fai) na leiloa ona o lona lava fouvale.
O le a sou manatu o le a lo tatou tiutetauave mo i latou o e ua leiloloa, e le afaina pe na faapefea ona leiloloa?
Matau ia fasifuaitau o loo faamatala ai ia tali ina ua maua meaaola, o mea faitino, ma tagata. Manatua o le faamoemoega e tasi o nei faataoto o le aoaiina lea o le au Faresaio ma le au tusiupu faafiaamiotonu o e sa muimui i le au telona ma tagata agasala sa talanoa i ai Iesu. Ina ua fetalai Iesu o le a tele atu le olioli i le lagi “i le tagata agasala e toatasi e salamo … ae itiiti ie amiotonu e toaivagafulu ma le toaiva e le tusa i ai le salamo“ (Luka 15:7, sa Ia aoao mai faapea e sili atu le olioli i le lagi i se tagata agasala e salamo nai lo le toaivagafulu ma le toaiva o le faafiaamiotonu o le au Faresaio ma le au tusiupu o e ua manatu i lo latou faamaualuga latou te le manaomia ona salamo.
E faavae i tali a i latou o e mauaina le mea sa leiloa, e faapefea ona e faamaeaina le faamatalaga lenei: Pe a tatou fesoasoani i isi ia lagonaina se manao e salamo, tatou te lagonaina le .
-
-
Ua ou suesueina le Luka 13–15 ma faamaeaina lenei lesona i le (aso).
O fesili, mafaufauga ma manatu faaopoopo ou te fia faasoa atu i lo’u faiaoga: