Alima

Buku la Mormoni

Mau Oyamba ndi Mboni
1 Nefi
2 Nefi
Yakobo
Enosi
Yaromu
Omuni
Mawu a Mormoni
Mosiya
Alima
Helamani
3 Nefi
4 Nefi
Mormoni
Eteri
Moroni

Alima

Mutu 1
Neho aphunzitsa ziphunzitso zabodza, akhazikitsa mpingo, ayambitsa zaunsembe zachinyengo, ndi kupha Gideoni—Neho aphedwa chifukwa cha milandu yake—Zaunsembe zachinyengo ndi mazunzo zifalikira pakati pa anthu—Ansembe adzithandiza okha, anthu asamalira osauka, ndipo mpingo uchita bwino. Mdzaka dza pafupifupi 91–88 Yesu asadabadwe.
Mutu 2
Amiliki afuna kukhala mfumu ndipo akanidwa ndi mawu a anthu—Otsatira ake amupanga iye mfumu—Aamiliki apanga nkhondo pa Anefi ndipo agonjetsedwa—Alamani ndi Aamiliki agwirizana magulu ankhondo ndipo agonjetsedwa—Alima apha Amiliki. Mdzaka dza pafupifupi 87 Yesu asadabadwe.
Mutu 3
Aamiliki adadziika chizindikiro okha molingana ndi mawu a uneneri—Alamani adatembeleredwa chifukwa cha kupanduka kwawo—Anthu amadzibweretsera okha matembelero—Anefi agonjetsa gulu lina lankhondo la Alamani. Mdzaka dza pafupifupi 87–86 Yesu asadabadwe.
Mutu 4
Alima abatiza zikwizikwi za otembenuka—Kusaweruzika kulowa mu mpingo, ndipo kupita patsogolo kwa mpingo kusokonezedwa—Nefiha asankhidwa kukhala wamkulu wa oweruza—Alima, monga mkulu wansembe, adzipereka yekha ku utumiki. Mdzaka dza pafupifupi 86–83 Yesu asadabadwe.
Mutu 5
Kuti apulumuke, anthu akuyenera kulapa ndi kusunga malamulo, kubadwanso mwatsopano, kuyeretsa zovala zawo mu mwazi wa Khristu, kudzichipetsa ndi kudzivula okha kunyada ndi kaduka, ndi kuchita ntchito zolungama—M’busa wabwino aitana anthu ake—Iwo amene amachita ntchito zoipa ndi ana a mdyerekezi—Alima achitira umboni za choonadi cha chiphunzitso chake ndipo alamula anthu kuti alape—Maina a olungama adzalembedwa mu buku la moyo. Mdzaka dza pafupifupi 83 Yesu asadabadwe.
Mutu 6
Mpingo wamu Zarahemula uyeretsedwa ndi kuikidwa mu dongosolo—Alima apita ku Gideoni kukalalikira. Mdzaka dza pafupifupi 83 Yesu asadabadwe.
Mutu 7
Khristu adzabadwa mwa Mariya—Iye adzamasula zingwe za imfa ndi kunyamula machimo a anthu Ake—Iwo amene alapa, abatizidwa, ndi akusunga malamulo adzakhala ndi moyo wamuyaya—Zonyansa sizingalandire ufumu wa Mulungu—Kudzichepetsa, chikhulupiliro, chiyembekezo, ndi chikondi ndi zofunikira. Mdzaka dza pafupifupi 83 Yesu asadabadwe.
Mutu 8
Alima alalikira ndi kubatiza ku Meleki—Iye akanidwa ku Amoniha ndipo achokako—Mngelo amulamula iye kuti abwelere ndi kufuura kulapa kwa anthu—Iye alandilidwa ndi Amuleki, ndipo awiriwa alalika ku Amoniha. Mdzaka dza pafupifupi 82 Yesu asadabadwe.
Mutu 9
Alima alamula anthu a Amoniha kuti alape—Ambuye adzachitira chifundo Alamani m’masiku omaliza—Ngati Anefi asiya kuwala, adzawonongedwa ndi Alamani—Mwana wa Mulungu adzabwera posachedwa—Iye adzawombola iwo amene alapa, abatizidwa, ndi kukhala ndi chikhulupiliro mu dzina lake. Mdzaka dza pafupifupi 82 Yesu asadabadwe.
Mutu 10
Lehi adachokera kwa Manase—Amuleki afotokoza lamulo la mngelo kuti asamale Alima—Mapemphero a olungama apangitsa anthu kuti apulumutsidwe—Oimila milandu ndi oweruza osalungama aika maziko a chiwonongeko cha anthu. Mdzaka dza pafupifupi 82 Yesu asadabadwe.
Mutu 11
Ndondomeko ya ndalama za Anefi zikhazikitsidwa—Amuleki alimbana ndi Zeziromu—Khristu sadzapulumutsa anthu m’machimo mwawo—Okhawo amene adzalandire ufumu wa kumwamba adzapulumuka—Anthu onse adzauka m’chisavundi—Palibenso imfa patatha chiukitso. Mdzaka dza pafupifupi 82 Yesu asadabadwe.
Mutu 12
Alima ayankhula ndi Zeziromu—Zinsisi za Mulungu zikhonza kuperekedwa kwa okhulupilika okha—Anthu amaweruzidwa ndi maganizo awo, zikhulupiliro zawo, ndi ntchito—Oipa adzazunzika imfa ya uzimu—Moyo wachivundiwu ndi nyengo yongoyesedwera—Dongosolo la chiwombolo limabweretsa Chiukitso ndipo, kudzera m’chikhulupiliro, chikhululukiro cha machimo—Olapa ali ndi danga la chifundo kudzera mwa Mwana Wobadwa Yekha. Mdzaka dza pafupifupi 82 Yesu asadabadwe.
Mutu 13
Amuna amayitanidwa ngati akulu ansembe chifukwa cha chikhulupiliro chawo chachikulu ndi ntchito zabwino—Iwo akuyenera kuphunzitsa malamulo—Kudzera m’chilungamo iwo ayeretsedwa ndipo alowa mu mpumulo wa Ambuye—Melikizedeki adali m’modzi wa amenewa—Angelo akulalika uthenga wabwino kuzungulira dziko lonse—Adzalalika kubwera kwenikweni kwa Khristu. Mdzaka dza pafupifupi 82 Yesu asadabadwe.
Mutu 14
Alima ndi Amuleki amangidwa ndi kukanthidwa—Okhulupilira ndi malembo oyera awo awotchedwa ndi moto—Ophedwa alandiridwa ndi Ambuye mu ulemelero—Makoma a ndende ang’ambika ndi kugwa—Alima ndi Amuleki apulumutsidwa, ndipo owazunza awo aphedwa. Mdzaka dza pafupifupi 82–81 Yesu asadabadwe.
Mutu 15
Alima ndi Amuleki apita ku Sidomu ndipo akhazikitsa mpingo—Alima achiritsa Zeziromu, amene walowa mu Mpingo—Ambiri abatizidwa, ndipo Mpingo uchita bwino—Alima ndi Amuleki apita ku Zarahemula. Mdzaka dza pafupifupi 81 Yesu asadabadwe.
Mutu 16
Alamani awononga anthu a Amoniha—Zoramu atsogolera Anefi mu kupambana pa Alamani—Alima ndi Amuleki ndi ena ambiri alalika mawu—Iwo aphunzitsa kuti pambuyo pa Chiukitso Chake Khristu adzaonekera kwa Anefi. Mdzaka dza pafupifupi 81–77 Yesu asadabadwe.
Mutu 17
Ana a Mosiya ali ndi mzimu wa uneneri ndi chivumbulutso—Apita njira zawo zingapo kukalalikira mawu kwa Alamani—Amoni apita ku dziko la Ismaeli ndi kukhala mdzakazi wa mfumu Lamoni—Amoni apulumutsa ziweto za mfumu ndi kupha adani ake pa madzi a Sebusi. Ndime 1–3, mdzaka dza pafupifupi 77 Yesu asadabadwe; ndime 4, mdzaka dza pafupifupi 91–77 Yesu asadabadwe; ndipo ndime 5–39, mdzaka dza pafupifupi 91 Yesu asadabadwe.
Mutu 18
Mfumu Lamoni iganiza kuti Amoni ndi Mzimu Waukulu—Amoni aphunzitsa mfumu za chilengedwe, Ntchito za Mulungu ndi anthu, ndi chiwombolo chimene chimabwera kudzera mwa Khristu—Lamoni akhulupilira ndipo agwa pansi ngati wamwalira. Mdzaka dza pafupifupi 90 Yesu asadabadwe.
Mutu 19
Lamoni alandira kuwala kwa moyo wosatha ndipo aona Muwomboli—Am’nyumba mwake agwa m’masomphenya ndipo ambiri aona angelo—Amoni apulumutsidwa mozizwitsa—Iye abatiza ambiri ndipo akhazikitsa mpingo pakati pawo. Mdzaka dza pafupifupi 90 Yesu asadabadwe.
Mutu 20
Ambuye atumiza Amoni ku Midoni kukapulumutsa abale ake am’ndende—Amoni ndi Lamoni akumana ndi atate ake a Lamoni, amene ali mfumu pa dziko lonse—Amoni akakamiza mfumu yokalambayo kuti itulutse abale ake. Mdzaka dza pafupifupi 90 Yesu asadabadwe.
Mutu 21
Aroni aphunzitsa a Amaleki za Khristu ndi Chitetezero Chake—Aroni ndi abale ake amangidwa mu ndende ku Midoni—Atapulumutsidwa, iwo aphunzitsa mu masunagoge ndi kupangitsa ambiri kutembenuka—Lamoni apereka ufulu wachipembedzo kwa anthu a m’dziko la Ismaeli. Mdzaka dza pafupifupi 90–77 Yesu asadabadwe.
Mutu 22
Aroni aphunzitsa atate a Lamoni zokhudzana ndi Chilengedwe, Kugwa kwa Adamu, ndi dongosolo la chiwombolo kudzera mwa Khristu—Mfumu ndi banja lake lonse atembenuka—Kugawanika kwa dziko pakati pa Anefi ndi Alamani kulongosoledwa. Mdzaka dza pafupifupi 90–77 Yesu asadabadwe.
Mutu 23
Ufulu wachipembedzo ulengezedwa—Alamani mu maiko ndi mizinda isanu ndi iwiri atembenuka—Adzitcha okha a Anti-Nefi-Lehi ndipo amasulidwa ku thembelero—Aamaleki ndi Aamuloni akana choonadi. Mdzaka dza pafupifupi 90–77 Yesu asadabadwe.
Mutu 24
Alamani abwera kudzatsutsana ndi anthu a Mulungu—Aanti-Nefi-Lehi akondwera mwa Khristu ndipo ayenderedwa ndi angelo—Iwo asankha kuzunzika imfa kuposa kudziteteza wokha—Alamani ambiri atembenuka. Mdzaka dza pafupifupi 90–77 Yesu asadabadwe.
Mutu 25
Ziwawa za Alamani zifalikira—Mbewu ya ansembe a Nowa iwonongeka momwe adanenera Abinadi—Alamani ambiri atembenuka ndi kuphatikizana ndi anthu a Anti-Nefi-Lehi—Akhulupilira mwa Khristu ndi kusunga chilamulo cha Mose. Mdzaka dza pafupifupi 90–77 Yesu asadabadwe.
Mutu 26
Amoni akondwera mwa Ambuye—Wokhulupilira alimbikitsidwa ndi Ambuye ndipo apatsidwa chidziwitso—Mwa chikhulupiliro anthu akhonza kubweretsa zikwi za miyoyo m’kulapa—Mulungu ali ndi mphamvu zonse ndipo amadziwa zinthu zonse. Mdzaka dza pafupifupi 90–77 Yesu asadabadwe.
Mutu 27
Ambuye alamula Amoni kuti atsogolere anthu a Anti-Nefi-Lehi ku chitetezo—Atakumana ndi Alima, chisangalalo cha Amoni chimutha mphamvu—Anefi apereka dziko la Yeresoni kwa Aanti-Nefi-Lehi—Iwo atchedwa anthu a Amoni. Mdzaka dza pafupifupi 90–77 Yesu asadabadwe.
Mutu 28
Alamani agonjetsedwa ku nkhondo yoopsa—Makumi a zikwi aphedwa—Oipa aperekedwa ku mkhalidwe wa tsoka losatha; wolungama apeza chimwemwe chosatha Mdzaka dza pafupifupi 77–76 Yesu asadabadwe.
Mutu 29
Alima akhumbira kulalikira zakulapa ndi changu cha angelo—Ambuye apereka aphunzitsi a maiko wonse—Alima atamandira mu ntchito ya Ambuye komanso mu chipambano cha Amoni ndi abale ake. Mdzaka dza pafupifupi 76 Yesu asadabadwe.
Mutu 30
Koriho, wotsutsa Khristu, anyoza Khristu, chitetezero, ndi mzimu wa uneneri—Iye aphunzitsa kuti kulibe Mulungu, kulibe kugwa kwa munthu, kulibe chilango cha tchimo, ndipo kulibe Khristu—Alima achitira umboni kuti Khristu adzabwera ndipo zinthu zonse zimasonyeza kuti kuli Mulungu—Koriho apempha chizindikiro ndipo akanthidwa ndikukhala wosayankhula—Mdyerekezi adaonekera kwa Koriho monga mngelo ndipo adam’phunzitsa zoti anene—Koriho apondedwa pansi ndipo amwalira. Mdzaka dza pafupifupi 76–74 Yesu asadabadwe.
Mutu 31
Alima atsogolera ntchito yobwenzeretsa Azoramu opatuka—Azoramu akana Khristu, akhulupilira mfundo zabodza za chisankho, ndipo apembedza motsata mapemphero woikidwiratu—Amishonale adzadzidwa ndi Mzimu Woyera—Masautso awo amezedwa mu chimwemwe cha Khristu. Mdzaka dza pafupifupi 74 Yesu asadabadwe.
Mutu 32
Alima aphunzitsa osauka amene masautso awo adawapangitsa kudzichepetsa—Chikhulupiliro ndi chiyembekezo mu chimene sichioneka koma ndi choona—Alima achitira umboni kuti angelo amatumikira kwa amuna, akazi ndi ana—Alima afananiza mawu ndi mbewu—Ikuyenera kudzalidwa ndi kudyetsedwa—Kenako imakula kukhala mtengo umene chipatso chake cha moyo wamuyaya chimathyoledwa. Mdzaka dza pafupifupi 74 Yesu asadabadwe.
Mutu 33
Zenosi aphunzitsa kuti anthu adzipemphera ndi kupembedza m’malo aliwonse, ndipo ziweruzo zimabwezedwa chifukwa cha Mwana—Zenoki aphunzitsa kuti chifundo chapatsidwa chifukwa cha Mwanayo—Mose adakweza mu chipululu chifaniziro cha Mwana wa Mulungu. Mdzaka dza pafupifupi 74 Yesu asadabadwe.
Mutu 34
Amuleki achitira umboni kuti mawu ali mwa Khristu ku chipulumutso—Pokhapokha chitetezero chichitidwe, anthu onse adzawonongeka—Lamulo lonse la Mose limaloza kwa nsembe ya Mwana wa Mulungu—Dongosolo la muyaya la chiwombolo lakhazikika pa chikhulupiliro ndi kulapa—Muzipempherera pa madalitso akuthupi ndi auzimu—Moyo uno ndi nthawi yokonzekera kukumana ndi Mulungu—Kangalikani pa chipulumutso ndi mantha pamaso pa Mulungu. Mdzaka dza pafupifupi 74 Yesu asadabadwe.
Mutu 35
Kulalika kwa mawu kuwononga chinyengo cha Azoramu—Iwo achotsa otembenuka, amene pambuyo pake alumikizana ndi anthu a Amoni ku Yeresoni—Alima amva chisoni chifukwa cha kuipa kwa anthu. Mdzaka dza pafupifupi 74 Yesu asadabadwe.
Mutu 36
Alima achitira umboni kwa Helamani wa kutembenuka kwake atatha kuona mngelo—Iye adazunzika mu ululu kwa mzimu wotaika; iye adaitanira pa dzina la Yesu, ndipo kenako adabadwa mwa Mulungu—Chisangalalo chokoma chidadzadza moyo wake—Iye adaona magulu a angelo akutamanda Mulungu—Otembenuka ambiri adalawa ndi ndikuona monga iye adalawira ndi kuona. Mdzaka dza pafupifupi 74 Yesu asadabadwe.
Mutu 37
Mapale a Mkuwa ndi malembo oyera ena asugidwa kudzabweretsa miyoyo ku chipulumutso—Ayaredi awonongedwa chifukwa cha kuipa kwawo—Malumbiro awo achinsisi ndi mapangano awo akuyenera kubisidwa kwa anthu—Funsani kwa Ambuye mu zochita zanu zonse—Monga Liyahona lidatsogolera a Nefi, choncho mawu a Khristu amatsogolera anthu ku moyo wamuyaya. Mdzaka dza pafupifupi 74 Yesu asadabadwe.
Mutu 38
Shibuloni adazunzidwa chifukwa cha chilungamo—Chipulumutso chili mwa Khristu, amene ali moyo ndi kuwala kwa dziko lapansi—Letsani zilakolako zanu zonse. Mdzaka dza pafupifupi 74 Yesu asadabadwe.
Mutu 39
Tchimo lachiwerewere ndi lonyansa—Machimo a Koriyantoni adakanikitsa Azoramu kulandira mawu—Chiwombolo cha Khristu ndi chotsatira pakupulumutsa okhululupirika amene adayambilira. Mdzaka dza pafupifupi 74 Yesu asadabadwe.
Mutu 40
Khristu amabweretsa chiukitso cha anthu onse—Akufa olungama amapita ku paradiso ndipo oipa kunja kwa mdima kukayembekezera tsiku la chiukitso—Zinthu zonse zidzabwenzeretsedwa m’chimake mu chiukitso. Mdzaka dza pafupifupi 74 Yesu asadabadwe.
Mutu 41
Mu chiukitso anthu adzabwera mu chikhalidwe cha chisangalalo chosatha kapena chisoni chosatha—Kuipa sikudakhalepo chisangalaro—Anthu achithupithupi ndi opanda Mulungu pa dziko lapansi—Munthu aliyense amalandiranso mu chibwenzeretso makhalidwe ndi machitidwe amene adalinawo mu chisabvundi. Mdzaka dza pafupifupi 74 Yesu asadabadwe.
Mutu 42
Chibvundi ndi nthawi yoyesedwera kumthandiza munthu kuti alape ndi kutumikira Mulungu—Kugwa kudabweretsa imfa yakuthupi ndi ya uzimu pa anthu onse—Chiwombolo chimabwera kudzera mu kulapa—Mulungu mwini adatetezera ku machimo a dziko lapansi—Chifundo ndi cha okhawo olapa—Ena onse ndiwoyenera chilungamo cha Mulungu—Chifundo chimabwera chifukwa cha Chitetezero—Okhawo olapa moona ndi amene adzapulumuke. Mdzaka dza pafupifupi 74 Yesu asadabadwe.
Mutu 43
Alima ndi ana ake aamuna alalikira mawu—Azoramu ndi Anefi ena otsutsa akhala Alamani—Alamani abwera kudzamenyana ndi Anefi mu nkhondo—Moroni aveka Anefi ndi zida zodzitetezera—Ambuye aulura kwa Alima njira ya Alamani—Anefi ateteza nyumba zawo, maufulu, mabanja, ndi chipembedzo—Ankhondo a Moroni ndi Lehi azungulira Alamani. Mdzaka dza pafupifupi 74 Yesu asadabadwe.
Mutu 44
Moroni alamula Alamani kupanga chipangano cha mtendere kapena kuwonongedwa—Zerahemuna akana pemphoro, ndipo nkhondo iyambikanso—Ankhondo a Moroni agonjetsa Alamani. Mdzaka dza pafupifupi 74–73 Yesu asadabadwe.
Mutu 45
Helamani akhulupilira mawu a Alima—Alima anenera za chiwonongeko cha Anefi—Iye adalitsa ndi kutembelera dzikolo—Alima akhonza kukhala kuti adatengedwa ndi Mzimu, monga ngati Mose—Kusagwirizana kukula mu Mpingo. Mdzaka dza pafupifupi 73 Yesu asadabadwe.
Mutu 46
Amalikiya achita chiwembu kuti akhale mfumu—Moroni aimika mbendera ya ufulu—Iye amema anthu kuti ateteze chipembedzo chawo—Okhulupilira moona atchedwa Akhristu—Otsalira a Yosefe adzasungidwa—Amalikiya ndi ogalukira athawa mu dziko la Nefi—Iwo amene sadzathandizira ntchito ya ufulu aphedwa. Mdzaka dza pafupifupi 73–72 Yesu asadabadwe.
Mutu 47
Amalikiya agwiritsa ntchito chinyengo, kupha, ndi chiwembu kuti akhale mfumu ya Alamani—Anefi otsutsa akhala oyipitsitsa ndi ankhanza kuposera Alamani. Mdzaka dza pafupifupi 72 Yesu asadabadwe.
Mutu 48
Amalikiya awutsa Alamani motsutsana ndi Anefi—Moroni akonzekeretsa anthu ake kuteteza ntchito ya Akhristu—Iye akondwera mu kumasuka ndi ufulu ndipo ndi munthu wamphamvu wa Mulungu. Mdzaka dza pafupifupi 72 Yesu asadabadwe.
Mutu 49
Alamani aupandu alephera kutenga mizinda yotchingidwa ndi mipanda yolimba ya Amoniha ndi Nowa—Amalikiya atembelera Mulungu ndipo alumbira kumwa mwazi wa Moroni—Helamani ndi abale ake apitiriza kulimbitsa mpingo. Mdzaka dza pafupifupi 72 Yesu asadabadwe.
Mutu 50
Moroni alimbitsa maiko Achinefi—Iwo amanga mizinda yatsopano yambiri—Nkhondo ndi chiwonongeko zigwera pa Anefi m’masiku a zoipa ndi zonyansa zawo—Moriyantoni ndi ogalukira ake agonjetsedwa ndi Teyankumu—Nefiha amwalira, ndipo mwana wake wamwamuna Pahorani alowa pa mpando wa chiweruzo. Mdzaka dza pafupifupi 72–67 Yesu asadabadwe.
Mutu 51
Anthu a mfumu afuna kusintha lamulo ndi kukhazikitsa mfumu—Pahorani ndi anthu omasuka athandizidwa ndi mawu a anthu—Moroni akakamiza anthu a mfumu kuti ateteze dziko lawo kapena kuphedwa—Amalikiya ndi Alamani alanda mizinda yotetezedwa yambiri—Teyankumu abweza upandu wa Alamani, ndi kupha Amalikiya mu hema wake. Mdzaka za pafupifupi 67–66 Yesu asadabadwe.
Mutu 52
Amoroni alowa m’malo mwa Amalikiya ngati mfumu ya Alamani—Moroni, Teyankumu, ndi Lehi atsogolera Anefi mu nkhondo yachipambano motsutsana ndi Alamani—Mzinda wa Muleki ulandidwanso, ndipo Yakobo M’zoramu aphedwa. Mdzaka dza pafupifupi 66–64 Yesu asadabadwe.
Mutu 53
Akaidi Achilamani agwiritsidwa ntchito yolimbitsa mzinda wa Chuluka—Migawaniko pakati pa Anefi ikulitsa chipambano cha Alamani—Helamani atenga ulamuliro wa zikwi ziwiri za ana aamuna achinyamata a anthu a Amoni. Mdzaka dza pafupifupi 64–63 Yesu asadabadwe.
Mutu 54
Amoroni ndi Moroni akambirana za kusinthanitsa kwa akaidi—Moroni afuna kuti Alamani achoke ndi kusiya kuukira kwawo kwakupha—Amoroni afuna kuti Anefi atule pansi zida zawo ndi kukhala m’manja mwa Alamani, Mdzaka dza pafupifupi 63 Yesu asadabadwe.
Mutu 55
Moroni akana kusinthanitsa akaidi—Alonda achilamani anyengeleledwa kuti aledzere, ndipo akaidi achinefi amasulidwa—Mzinda wa Gidi utengedwa popanda kukhetsa mwazi. Mdzaka dza pafupifupi 63–62 Yesu asadabadwe.
Mutu 56
Helamani atumiza kalata kwa Moroni, kufotokoza za m’mene nkhondo iliri ndi Alamani—Antipa ndi Helamani apeza chipambano chachikulu pa Alamani—Ana aamuna odzipereka a Helamani zikwi ziwiri amenya mwa mphamvu zodabwitsa, ndipo palibe mwa iwo adaphedwa. Ndime 1, pafupifupi 62 Yesu asadabadwe; ndime 2–19, pafupifupi 66 Yesu asadabadwe; ndi ndime 20–57, pafupifupi 65–64 Yesu asadabadwe.
Mutu 57
Helamani afotokoza kutengedwa kwa Antipara ndi kudzipereka komanso pambuyo pake chitetezo cha Kumeni—Achinyamata ake Achiamoni amenya molimba mtima; onse avulazidwa, koma popanda ophedwa—Gidi anena za kuphedwa ndi kuthawa kwa akaidi Achilamani. Mdzaka dza pafupifupi 63 Yesu asadabadwe.
Mutu 58
Helamani, Gidi, ndi Teomineri atenga mzinda wa Manti mwa dongosolo—Alamani athawa—Ana aamuna a anthu a Amoni atetezedwa pamene iwo ayima nji potetezera ufulu wawo ndi chikhulupiliro. Mdzaka dza pafupifupi 63–62 Yesu asadabadwe.
Mutu 59
Moroni apempha Pahorani kuti alimbitse ankhondo a Helamani—Alamani atenga mzinda wa Nefiha—Moroni akwiya ndi boma. Mdzaka dza pafupifupi 62 Yesu asadabadwe.
Mutu 60
Moroni adandaula kwa Pahorani za kunyalanyaza kwa boma kwa ankhondo—Ambuye alolera olungama kuti aphedwe—Anefi akuyenera kugwiritsa mphamvu zawo zonse ndi njira zawo kudzipulumutsa wokha kwa adani awo—Moroni awopsyeza kulimbana ndi boma pokhapokha thandizo liperekedwe kwa ankhondo ake. Mdzaka dza pafupifupi 62 Yesu asadabadwe.
Mutu 61
Pahorani auza Moroni za kuwukira ndi kupanduka kotsutsana ndi boma—Anthu amfumu atenga Zarahemula ndipo agwirizana ndi Alamani—pahorani apempha chithandizo cha nkhondo motsutsana ndi opandukira. Mdzaka dza pafupifupi 62 Yesu asadabadwe.
Mutu 62
Moroni aguba kukathandizira Pahorani mu dziko la Gideoni—Anthu amfumu amene akana kuteteza dziko lawo aphedwa—Pahorani ndi Moroni atenganso Nefiha—Ambiri mwa Alamani aphatikizana ndi anthu a Amoni—Teyankumu apha Amoroni ndipo kenako iye aphedwa—Alamani athamangitsidwa mu dzikolo, ndipo mtendere ukhazikitsidwa—Helamani abwelera ku utumiki ndi kumanga mpingo. Mdzaka dza pafupifupi 62–57 Yesu asadabadwe.
Mutu 63
Shibuloni ndipo kenako Helamani atenga zolemba zopatulika—Anefi ambiri apita ku dziko la kumpoto—Hagoti amanga ngalawa, zimene zimayenda mu nyanja yakumadzulo—Moroniha agonjetsa Alamani mu nkhondo. Mdzaka dza pafupifupi 56–52 Yesu asadabadwe.