Na ta’u atu e Iesu i Ona soo Lona maliu o le a oo mai, ma le Toetu ma sa aoaoina i latou pe o ai o le a sili i le malo o le Atua. Sa Ia lapatai atu e uiga i le taunuuga o le taitai atu o isi ia agasala ma faatonuina Ona so’o ia tuuese mai i latou lava mai faatosinaga o le a taitai atu ai i latou i le agasala.
Ua muai ta’u atu e Iesu Lona maliu ma le Toetu ma ua aoao atu pe o ai le e sili i le malo o le Atua
Ina ua uma ona tuliese se agaga leaga mai se alii talavou (tagai Mareko 9:17–29), sa malaga atu le Faaola e ui atu i Kalilaia ma Ona soo. Faitau le Mareko 9:31–32, ma vaavaai mo mea na tutupu na valoia e le Faaola.
Matau i fuaiupu nei ina ua uma ona ta’u atu e Iesu i Ona so’o o le a fasiotia o Ia ma toetu mai i le aso tolu, latou te lei malamalama foi pe o le a le mea lea sa faatatau i ai o Ia ma sa latou fefefe e fesili atu ia te Ia.
Ata
O Keriso ma tamaiti
I le Mareko 9:33–37, ua tatou aoao ai ina ua maliu mai Iesu i Kapanaumi, sa Ia aoao atu i Ona so’o e faapea, o i latou o e auauna atu ma le lotomaualalo i isi, o i latou ia e silisili, pe maua le tulaga e sili ona mamalu, i le malo o le Atua. Na Ia faatonuina foi i latou ina ia latou talia i le Ekalesia tagata o e faamaualalo i latou lava e pei o tamaiti ma e taliaina o Ia (Faaliliuga a Iosefa Samita, Mareko 9:34–35 [i le Mareko 9:37, vaefaamatalaga a]).
Ua lapatai mai Iesu ia aloese mai le faatosinaina o isi e fai le agasala ma tuueseina mai faatosinaga leaga.
Afai e te fetaiai ma se vaega o tagata o loo vaavaai ma tusitusi agai i luga i se mea, e faapefea ona e tali atu i ai? Pe o le a e vaavaai ae foi i luga, e vaai pe o le a le mea la e tilotilo i ai tagata?
O amioga a tagata e tele taimi e mafai ai ona faatosinaina isi, ma taitai atu ai i latou e faaaoga upu faapena, taga, po o uiga faaalia. O anafea na e vaai ai i se tasi o suia ana upu, taga, po o uiga faaalia ona o le faatosinaga a isi?
Ao e suesueina le Mareko 9:38–50, vaavaai mo upumoni e mafai ona fesoasoani e te mafaufau ai i faatosinaga i taumafaiga a isi e mulimuli i le Faaola faapea foi faatosinaga a isi ia te oe.
Faitau le Mareko 9:38, ma vaavaai mo le tulaga na ta’u atu e le Aposetolo o Ioane i le Faaola.
Ata
Elder Bruce R. McConkie
Na faamatala e Elder Bruce R. McConkie o le Korama a Aposetolo e Toasefululua e faapea na faasa e le au Aposetolo lenei tagata mai le tutulieseina o temoni aua e le o ia o se soa femalagaai a Aposetolo e Toasefululua: “E le o ia o se tasi o le li’o i totonu o so’o o e femalagaai, aai, momoe, ma fesootai pea lava pea ma le Matai. … Peitai mai le tali a le Alii ua faamaonia ai o ia o se tasi o le malo, o se taitai aloaia o le sa galue i le pule o le perisitua ma le mana o le faatuatua“ Faamatalaga o Mataupu Faavae o le Feagaiga Fou, 3 vols. [1965–73], 1:417).
Na ta’u atu e le Faaola i le au Aposetolo e aua le faasaina le tagata ma aoao atu e faapea o tagata o loo fesoasoanni i Ona sui o le a tauia (tagai Mareko 9:39–41).
Faitau le Mareko 9:42, ma vaavaai mo le lapataiga a le Faaola. I le matalalaga lea, o le faatausuaiina o lona uiga e taitaiseseina pe faatosinaina se tasi ia agasala.
O “tamaiti faatuatua ia[Iesu]“ e aofia ai so’o lotomaualalo, faatuatuaina o soo se matua o le Faaola. E aofia ai foi i latou o e fou le faatuatua, e pei o le autalavou ma tagata faatoa liliu mai.
Na faamatala e Elder Bruce R. McConkie “e sili atu le oti ma faafitia mai faamanuiaga o le ola ai pea i le olaga nei nai lo le ola ma taitai ese mai agaga mai le upumoni“ ma le o’o i le mafatiaga ogaoga ma le vaveeseina mai i le Atua ona o a tatou faatinoga (Faamatalaga o Mataupu Faavae o le Feagaiga Fou, 1:420).
O le mataupu faavae e tasi ua tatou aoao mai i le lapataiga a le Faaola i le Mareko 9:42 o le afai tatou te faatosinaina tagata o e talitonu ia Iesu Keriso ia agasala, o le a faamasinoina i tatou mo lena mea i luma o le Atua.
Mafaufau i auala e ono faatosinaina ai e se tasi ia tagata o e talitonu ia Iesu Keriso ia faia le agasala.
Mafaufau i lau faatosinaga i tagata o e talitonu ia Iesu Keriso. Pe o e faatosinaina i latou e faasagatonu atu o latou olaga ia te Ia pe liliu ese mai ia te Ia?
I lau api talaaga mo le suesueina o tusitusiga paia, lisi ai ni auala e mafai ona e faatosinaina ai isi e talitonu ia Iesu Keriso ma aloese ai mai le agasala. Li’o se tasi o ou manatu, ma faatu se sini e galue ai.
Taumafai e tatala se seevae, fusiua, po o se faapona e faaaoga ai le lima e tasi.
O a luitau mata e te oo i ai pe afai ua leai le isi ou lima? O le a le taimi e sili ai pe a leai le lima e tasi nai lo le i ai uma o lima e lua?
O le tipieseina o le aveeseina ma le faamoemoe lea o se vaega o le tino, e pei o se lima po o se vae, ua matuia lona faaleagaina, faama’ia, pe ’ona. E ui o le tipieseina ma le toe manuia atonu e tiga tele ma matautia, ae e puipuia ai le faama’i po o le ’ona mai le salalau ma afua ai se isi faatama’iga tele po o le oti.
Faitau le Mareko 9:43, ma vaavaai mo mea na aoao atu e le Faaola e uiga i le taimi e sili ai pe a leai le isi lima nai lo le i ai uma o lima e lua.
Na aoao atu faafaatusa e le Faaola e faapea e sili atu le leai o le lima e tasi nai lo le i ai uma o lima e lua pe a faatosinaina e le tasi o o tatou lima i tatou e fai le agasala ma o le a faaauau ai lava ona faatosinaina i tatou e agasala. E le gata ina fetalai o Ia e tatau ona tipiese moni se tasi o o tatou lima; ae sa ia faaaogaina se vaogagana e faamamafa ai le taua o mea sa Ia aoao mai. Sa faaaoga e Iesu le ata o le tipieseina o se lima e faaalia ai le taua ma le faigata o le tuueseeseina o i tatou lava mai nisi o faatosinaga amioletonu.
O le Faaliliuga a Iosefa Samita ua faateleina ai lo tatou malamalama i aoaoga a le Faaola i le Mareko 9:43–48. I fuaiupu nei ua tatou aoao ai sa faaaoga e le Faaola le lima, vae, ma le mata e faatusa i faatosinaga i o tatou olaga e mafai ona taitai atu ai i tatou ia faia le agasala.
Ata
ata laau
Tusi se ata o se tagata i lau api talaaga mo le suesueina o tusitusiga paia. Li’o se lima, se vae, ma se mata i luga o le ata na e tusia. Faitau le Faaliliuga a Iosefa Samita, Maka 9:40–48 (i le faaopoopoga i le Tusi Paia), ma vaavaai mo mea na faatusa e le Faaola i se lima, se vae, ma se mata na “faatausuai“ ai se tasi, pe faatosina ai se tasi e faia le agasala. Faaigoa le lima, vae, ma le mata na e li’oina i luga o lau ata i le mea o faatusa i ai mea taitasi. O le upu olai nei fuaiupu e faasino i le ola e faavavau.
Pei ona aoao mai e le Faaola, o le lima e faatusa i tagata o o tatou aiga ma uo, o le vae e faatusa i tagata tatou te vaavaai atu i ai o se faataitaiga o le ala e mafaufau ai ma faatino, ma le mata e faatusa i o tatou taitai. Mafaufau i auala e tuueseeseina ai i tatou lava mai faatosinaga amioletonu, po o faatosinaga e taitai atu ai i tatou e fai le agasala pe leiloa ai le faatuatua, ono faapei o le aveesea o se lima po o se vae. E tusa ai ma fuaiupu sa e faitauina, o le a se mea e mafai ona tupu pe afai tatou te tuueseina mai i tatou lava mai faatosinaga amioletonu?
Fuafua e tusi le upumoni lea i au tusi paia i autafa o le Mareko 9:43–48: E sili ai le tuueseina mai o i tatou lava mai faatosinaga amioletonu nai lo le i’u ane ua tuueseina mai i tatou mai le Atua
Ata
Elder Walter F. González
Na aoao mai e Elder Walter F. Gonzalez o le Fitugafulu e uiga i faatosinaga e tatau ona tatou tuuese mai ai i tatou lava: “E mulimuli i lena vaveeseina mai e le gata i uo ae o faatosinaga leaga uma, e pei o ata televise e le talafeagai, o saite o Initoneti, tifaga, tusi, taaloga, po o musika. O le tusi lolomiina i o tatou agaga o lenei mataupu faavae o le a fesoasoani ai ia tatou teteeina faaosoosoga e gauai atu i soo se faatosinaga leaga“ (“O Le Taimi Lenei,” Ensign po o le Liahona, Nov. 2007, 55).
O le tuueseina mai o i tatou lava mai faatosinaga amioletonu e le faapea e tatou te soona faia ai isi tagata, tausalaina isi, pe mumusu foi e mafuta ma tagata e le auai i le Ekalesia. Ae, e ao ona tatou tuuese mai i tatou, pe aloese mai i fegalegaleagai vavalalata ma tagata o e ono taitaiina atu i tatou i le agasala. E ui atonu e le mafai ona tatou aveesea pe aloese mai faatosinaga uma e ona tatai atu ai i tatou i le agasala, ae o le a faamanuiaina i tatou e le Alii a o tatou taumafai e tuueseina mai i tatou lava mai soo se faatosinaga leaga e mafai ai ma a o tatou taumafai e atinae lo tatou lava amio pulea e aloese mai faatosinaga e le mafai ona tatou aveesea atoa.
Mafaufau i luitau tatou te ono oo i ai e ala i le tuueseina mai o i tatou lava mai faatosinaga amioletonu. E mafai faapefea ona tatou iloa le ala talafeagai e tuueseina mai ai i tatou lava mai faatosinaga amioletonu?
Faitau faataitaiga nei. Tali fesili nei i lau api talaaga mo le suesueina o tusitusiga paia.
E i ai a’u uo e tele taimi latou te fautuaina ai au e auai i gaoioiga e solia ai poloaiga a le Atua. Peitai, ou te manatu e mafai ona avea au o se faatosinaga lelei ia i latou pe afai ou te faaalu pea se taimi ma i latou. O le a le ituaiga o sootaga e tatau ona ou faia ma i latou? O le a se mea e tatau ona ou ta’u atu ma faia e talafeagai ai ona vavaeeseina mai ai a’u lava ia mai i a’u uo?
Sa avea au ma se tasi o paaga tausaafia a se faaili mo le tele o tausaga. I nisi o a latou musika ma faatalanoaga e fautuaina ai amioga ma manatu e faafeagai ma tulaga faatonuina ma aoaoga a le Alii Ua na o ni musika lava ma upu, e sa’o? O lea la, o le a le matautia o le faalogologo pea ia latou musika ma mulimuli ia i latou i fesootaiga faaagafesootai?
Ou te faalogo pea lava i se tifaga lauiloa, ma ou te fiafia lava e matamata ai. Sa ta’u mai ia te au e i ai ni nai gagana leaga ma ni vaega e le mama ma malolosi tele, ae e le faapea o le a ou alu ma faata’ita’i mea leaga ou te faalogo pe vaai i ai. O le a la le leaga o lo’u matamata i ai?
E ui o le tuueseina mai o i tatou lava mai faatosinaga e tau atu ai i le agasala, o nisi taimi e mafai ona faigata, aisea e aoga ai lenei osigataulaga mo taui, ia e aofia ai le ola e faavavau?
Tali fesili nei i lau api talaaga mo le suesueina o tusitusiga paia:
O anafea na e, po o se tasi e te iloa, filifilia ai e tuueseina oe lava mai faatosinaga amioletonu? (Aloese mai i le tusia o soo se mea e patino tele pe faalilolilo.)
O a ni faamanuiaga na maua mai i le faia o lena mea?
Mafaufau pe i ai se faatosinaga i lou olaga e ono taitai atu ai oe i le agasala. I se isi fasipepa, tusi ai pe faapefea ona e tuueseina mai oe lava mai nei faatosinaga. Tuu le pepa i se mea e te vaai soo i ai.
Tusi le mea lenei i lalo o le galuega atofaina o le aso i lau api talaaga mo le suesueina o tusitusiga paia:
Ua ou suesueina le Mareko 9:30–50 ma faamaeaina lenei lesona i le (aso).
O fesili, mafaufauga ma manatu faaopoopo ou te fia faasoa atu i lo’u faiaoga: