Sura ya 17
Maaskofu wa Kwanza wa Kanisa
Februari na Desemba 1831
Baadhi ya watu katika New York walikuwa wakatili kwa Watakatifu na waliwataka waondoke. Yesu alimwambia Joseph Smith kuondoka New York na kwenda Kirtland, Ohio.
Joseph na Emma, Sidney Rigdon, na Edward Partridge walikwenda Kirtland. Joseph na Emma waliishi na muumini wa Kanisa aliyeitwa Newel K. Whitney.
Kulikuwa na karibu waumini 1,000 wa Kanisa katika Kirtland. Walikuwa wakijaribu kumtii Mungu, lakini hawakuelewa injili yote.
Mafundisho na Maagano 41, kichwa cha habari cha sehemu
Joseph aliomba na kupokea ufunuo. Yesu alimwambia kwamba Watakatifu katika Kirtland walimhitaji askofu. Askofu angepaswa kutumia muda wake kufundisha na kuwasaidia Watakatifu. Askofu wa kwanza katika Kanisa alipaswa kuwa Edward Partridge.
Kadiri watu wengi walivyojiunga na Kanisa, maaskofu zaidi walihitajika. Newel K.Whitney aliitwa kuwa askofu wa pili wa Kanisa.
Yesu alimwambia Joseph kwamba askofu angepaswa kusimamia ghala. Watakatifu wangepaswa kutoa chakula, mavazi, na matoleo mengine kwa askofu ili kuweka katika ghala hilo. Kisha askofu angetumia vitu hivi ili kuwasaidia Watakatifu ambao ni masikini au wenye shida.
Yesu pia alisema kwamba askofu anapaswa kupokea fedha ambazo Watakatifu wanazitoa kwa Kanisa. Askofu angetumia fedha hizi ili kulipia matumizi ya Kanisa na kusaidia masikini.
Askofu anapaswa kuwapenda Watakatifu na kujaribu kuwasaidia. Anapaswa kukutana na wanaume wenye ukuhani na kujadiliana nao juu ya kile wanachokifanya ili kuwasaidia Watakatifu.
Askofu huongoza Watakatifu katika kila kata. Rais wa tawi ni kama askofu. Rais wa tawi huongoza Watakatifu katika kila tawi.
Leo kuna maelfu ya maaskofu katika Kanisa.