Sura ya 52

Muungano wa Usaidizi wa Akina Mama

Machi 1842

Watakatifu walikuwa wakijenga hekalu katika Nauvoo. Nguo za wanaume zilikuwa zikichakaa, na wanawake walitaka kuwasaidia. Mwanamke mmoja alisema angeweza kutengeneza nguo kwa ajili ya wanaume, lakini hakuwa na fedha za kununua kitambaa.

Sarah Kimball alisema angeweza kumpa yule mwanamke baadhi ya vitambaa. Dada Kimball pia aliwaomba wanawake wengine kusaidia. Wanawake walifanya mkutano katika nyumba ya Dada Kimball na kuamua kuanzisha muungano kwa ajili ya wanawake katika Kanisa.

Wanawake walimwomba Eliza R. Snow kuandika baadhi ya sheria kwa ajili ya muungano. Alipeleka sheria kwa Joseph Smith. Alisema sheria zilikuwa nzuri, lakini pia alisema Bwana alikuwa na mpango bora kwa ajili ya wanawake.

Joseph Smith aliwaomba wanawake kuhudhuria mkutano. Alisema viongozi wa ukuhani wangewasaidia wanawake kwenye muungano wao. Emma Smith alichaguliwa kuwa kiongozi wa wanawake. Waliliita kundi lao Muungano wa Usaidizi wa Akina Mama.

Joseph Smith aliwaambia wanawake wawasaidie watu ambao walikuwa wagonjwa au masikini. Walipaswa kuwapa watu msaada wowote waliohitaji. Askofu angewasaidia wanawake kujua nini cha kufanya.

Wanawake walikuwa na mikutano ya kujifunza mambo waliyohitaji kujua. Walifurahi sana kwamba wangeweza kuwasaidia waumini wa Kanisa.

Wanawake walitengeneza nguo kwa ajili ya wanaume waliokuwa wakijenga hekalu. Pia walitengeneza vifaa vya kutumika katika hekalu.

Wanawake walipeleka chakula kwa watu waliokihitaji. Waliwasaidia watu waliokuwa wagonjwa na walifanya mambo mengine mengi ya kuwasaidia Watakatifu.

Wanawake wote katika Kanisa ni wa Muungano wa Usaidizi wa Akina Mama. Wanawasaidia watu. Wanajifunza kuhusu injili. Wanajifunza kuhusu vitabu vizuri, muziki mzuri na sanaa nzuri. Wanajifunza jinsi ya kuimarisha familia zao. (Chanzo kwa ajili ya sura hii: Historia ya Muungano wa Usaidizi wa Akina Mama, 1842–1966 [1967].)