Maneno ya Kufahamu

Scripture Stories

Maneno ya Kufahamu

asiliwa: Joseph na Emma Smith waliasili watoto mapacha. Hii inamaanisha Joseph na Emma waliwafanya watoto mapacha kuwa sehemu ya familia yao.
kileo: Kileo si kizuri kwetu kunywa. Bia na mvinyo zina kileo ndani yake.
mababu: Mababu zetu ni watu katika familia yetu ambao waliishi kabla yetu.
malaika: Malaika ni mmoja wa wasaidizi wa Mungu. Malaika Moroni alizungumza na Joseph Smith.

Picha
malaika
Mtume: Mtume ni kiongozi katika Kanisa la Yesu Kristo. Yesu alimwambia Joseph Smith kuwa Alitaka Mitume. Kumi na Wawili.
kukamatwa: Askari walimkamata Joseph Smith Hii inamaanisha askari walimkamata na kumweka jela.
kushambuliwa: Genge la watu wenye fujo liliwashambulia Watakatifu. Hii inamaanisha genge hilo lilianza kuwapiga Watakatifu.
kisima cha maji ya ubatizo: Kuna visima vya maji ya ubatizo katika makanisa na mahekalu. Watu wanabatizwa katika kisima cha maji ya ubatizo.
kubatizwa: Tunapojiunga na Kanisa, tunabatizwa. Tunawekwa chini ndani ya maji na kuinuliwa tena.
nzuri: Wakati kitu kinapokuwa kizuri, tunapenda kukiangalia. Bustani ni nzuri. Hekalu ni zuri.
amini: Kuamini inamaanisha kufikiri kitu ni cha kweli. Watu wengi wanaamini injili ya Yesu Kristo.
askofu: Askofu ni kiongozi wa kata.
kulaumiwa: Watu walimlaumu Joseph Smith kwa sababu ya matatizo. Hii inamaanisha kwamba watu walisema Joseph Smith alisababisha matatizo yatokee.
azima: Wakati tunapoazima kitu, tunamwuliza mtu kama tunaweza kukitumia. Ikiwa mtu anaazima farasi wa rafiki yake, anamwuliza rafiki yake kama anaweza kumtumia. Baada ya mtu kumtumia farasi huyo, anamrudisha kwa rafiki.
kujigamba: Walinzi wa jela walijigamba kwa kile walichokuwa wamefanya. Hii inamaanisha walikuwa na furaha kuhusu hilo na kuwaambia wengine kuhusu hilo.
daraja: Waanzilishi walivuka mto juu ya daraja.
tarumbeta ndogo: Tarumbeta ndogo ni aina ya pembe.

Picha
tarumbeta ndogo
zikwa: Moroni alizika mabamba ya dhahabu. Aliyaweka katika sanduku la jiwe chini ya ardhi na kuyafunika.
kapteni: Kapteni ni kiongozi. Kapteni Allen alikuwa kiongozi wa askari.
kamatwa: Askari walimkamata Joseph Smith. Hii inamaanisha askari walimshika Joseph Smith na hawakumwachilia aende.
chaguzi: Baba wa Mbinguni anaturuhusu tufanye chaguzi. Hii inamaanisha Baba wa Mbinguni anaturuhusu tuamue kile tutakachofanya.
chagua: Mungu huturuhusu kuchagua kuwa wema au waovu. Tunawachagua watu kuwa viongozi. Mungu alimchagua Brigham Young kuwaongoza Watakatifu.
amri: Watu wema hutii amri za Mungu. Watu wema hufanya kile Mungu anachotaka wafanye.
mkutano: Mkutano ni mkusanyiko mkubwa. Waumini wengi wa Kanisa wanakwenda kwenye mkutano.
washauri: Washauri ni watu ambao humsaidia kiongozi. Nabii wa Kanisa ana washauri.
agano: Agano ni ahadi. Tunapofanya agano na Mungu, tunamwahidi kwamba tutafanya kitu fulani.
kuumbwa: Yesu Kristo aliumba dunia. Hii inamaanisha kwamba Yesu Kristo alitengeneza dunia.
mazao: waanzilishi walipanda mazao. Mazao ni pamoja na mahindi, viazi, ngano, na vitu vingine.
sulubiwa: Yesu alisulubiwa. Hii ina maanisha Yeye alipigiliwa msalabani kwa misumari na kuachwa hapo mpaka alipokufa.

Picha
Yesu alisulubiwa
bwawa: Watakatifu walijenga bwawa kwenye mto. Bwawa linayazuia maji yasiendelee kwenda.

Picha
bwawa
mashemasi: Wavulana wanaweza kuwa mashemasi wanapokuwa na umri wa miaka 12. Mashemasi wanaweza kupitisha sakramenti.
aliamua: Emma na Joseph walijiuliza ikiwa waende Pennsylvania au wabakie New York. Waliamua kwenda Pennsylvania.
weka wakfu: Wakati tunapoweka wakfu kitu, tunakibariki ili kitumike kwa ajili ya kazi ya Mungu. Watakatifu waliweka wakfu hekalu.
haribu: Kuharibu inamaanisha kubomoa, kuvunja, kuchoma, au kuua. Magenge ya watu wenye fujo yaliharibu hekalu.
mwanafunzi: Mwanafunzi ni mtu anayemfuata Yesu na kujaribu kuwa kama Yeye.
pata: Kupata inamaanisha kupata kitu kwa kukifanyia kazi.
wazee: Wazee ni wanaume ambao wana ukuhani.
endaumenti: Endaumenti ni ahadi maalum au zawadi kutoka kwa Mungu .
adui: Adui ni mtu ambaye anamchukia mtu mwingine. Maadui wa Joseph Smith walijaribu kumuua.
toroka: Kutoroka inamaanisha kwenda mbali na mtu au kitu. Joseph Smith alilitoroka genge la watu wenye fujo.
uovu: Uovu ni kitu kibaya sana. Shetani ni roho mwovu.
roho za waovu: Roho Waovu ni roho wabaya Roho Waovu humfuata Shetani
waliotengwa: Waumini wa Kanisa wanaofanya mambo mabaya wanaweza kutengwa. Wao sio tena waumini wa Kanisa.
imani: Kuwa na imani ni kutumainia mambo yasiyoonekana ambayo ni ya kweli. Tuna imani katika Yesu Kristo. Hii inamaanisha tunaamini katika Yeye na kumtii Yeye.
mfungo: Kufunga ni kushinda bila chakula au maji.
milele: Milele inamaanisha daima. Tunaweza kuishi na Baba wa Mbinguni milele ikiwa tutatii amri Zake.
samehe: Kusamehe inamaanisha kusahau mambo mabaya ambayo mtu amefanya. Mungu atatusamehe ikiwa tutahuzunishwa na mambo tuliyoyafanya na kujaribu kutoyafanya tena.
kusanyika: Kukusanyika kunamaanisha kuja pamoja katika sehemu moja. Joseph Smith aliwaambia Watakatifu wakusanyike Missouri.
vipawa: Vipawa ni vitu wanavyopewa watu. Roho Mtakatifu hutoa vipawa vya kiroho kwa watu ambao ni waadilifu.
injili: Injili ya Yesu Kristo ni mpango wa wokovu. Inajumuisha mafundisho yote, ibada, na mamlaka kwa ajili yetu kurudi kuishi na Baba wa Mbinguni.
gavana: Gavana ni kiongozi wa jimbo.
ponya: Kuponya inamaanisha kuwafanya wagonjwa wapate nafuu. Newel K. Whitney alimbariki Joseph Smith, na Joseph aliponywa,
mwaminifu: Watu ambao ni waaminifu hawasemi uongo. Watuwaaminifu hawachukui vitu ambavyo si mali yao.
jela: Wanaume waliwekwa jela. Hii inamaanisha walifungiwa ndani ili wasiweze kutoroka.

Picha
jela
kujiunga: Watu walijiunga na Kanisa. Hii inamaanisha kuwa watu walibatizwa na kuwa waumini wa Kanisa.
lugha: Maneno tunayotumia kuandika au kuzungumza na watu wengine yanaitwa lugha.
ongoza: Kuongoza watu kunamaanisha kuonyesha au kuwaambia cha kufanya. Nabii huongoza Kanisa
funga ndoa: Joseph na Emma walifunga ndoa. Hii inamaanisha Joseph alikuwa mume wa Emma, na Emma alikuwa mke wa Joseph.
misheni: Mtume alikwenda misheni. Hii inamaanisha alikwenda kuwaambia watu kuhusu Injili ya Yesu Kristo.
mmisionari: Mmisionari ni mtu ambaye anaenda misheni.
tii: Kutii humaanisha kufanya kile tulichoambiwa tufanye. Tunapaswa kutii amri za Mungu.
bahari: Bahari ni mkusanyiko mkubwa sana wa maji ya chumvi.
kutawazwa: Kutawazwa inamaanisha kupewa ukuhani. Joseph Smith alimtawaza mwanamume. Hii inamaanisha Joseph Smith alimpa mwanamume ukuhani.
maksai: Maksai ni wanyama.

Picha
maksai
patriaki: Patriaki hutoa baraka maalum kwa watu. Baba yake Joseph Smith alikuwa patriaki.
sumu: Sumu ni kitu ambacho kinaweza kuua watu kama wataila au kuinywa. Genge la watu wenye fujo lilijaribu kumfanya Joseph Smith anywe sumu.
omba: Kuomba inamaanisha kuzungumza na Baba wa Mbinguni.
alihubiri: Joseph Smith aliwahubiria watu. Hii inamaanisha aliwafundisha watu kuhusu Injili.
urais: Urais wa Kanisa ni rais na washauri wake.
rais: Rais ni kiongozi.
ukuhani: Ukuhani ni uwezo wa Mungu.
makuhani: Makuhani wana ukuhani. Makuhani ni watu ambao husaidia katika Kanisa.
mpiga chapa: Mpiga chapa ni mtu ambaye anachapisha vitabu.
gereza: Gereza ni mahali ambapo watu wamewekwa na hawawezi kutoka nje. Gereza ni kama jela.
nabii: Nabii huwaambia watu kile ambacho Mungu anataka wajue. Joseph Smith alikuwa nabii.
linda: Wanaume walikuwa na bunduki ili kuwalinda watu. Hii inamaanisha wanaume walikuwa na bunduki ili kuwaweka watu salama. Bwana alimlinda Joseph Smith. Hii inamaanisha Bwana alimweka Joseph Smith salama.
kware: Kware ni ndege.

Picha
kware
tubu: Kama tunatenda jambo baya, tunapaswa kutubu. Hii inamaanisha tunahuzunika na kujaribu kutofanya jambo baya tena.
kufufuka: Yesu Kristo alifufuka. Hii inamaanisha kwamba baada ya Yeye kufa, Alifanywa hai tena. Watu wote watafufuka baada ya kufa.
ufunuo: Mawasiliano kutoka kwa Mungu kwenda kwa watoto wake duniani yanaitwa ufunuo. Joseph Smith alipokea ufunuo kuhusu hekalu.
uadilifu: Watuwaadilifu hufanya kile kilicho sahihi. Hii inamaanisha wao hutii amri za Mungu.
Sabato: Sabato ni siku ambayo sisi huenda kanisani. Hatupaswi kufanya kazi siku ya Sabato. Jumapili ni siku ya Sabato.
sakramenti: Tunapokea sakramenti kumkumbuka Yesu.

Picha
trei ya sakramenti
takatifu: Hekalu ni jengo takatifu. Hekalu ni mali ya Mungu.
Mtakatifu: Mtakatifu ni muumini wa Kanisa la Yesu Kristo.
okoa: Yesu alikufa ili kutuokoa sisi. Hii inamaanisha Yesu alikufa ili sisi tuweze kurudi kuishi na Baba wa Mbinguni.
maandiko: Maandiko ni vitabu vinavyotuambia kuhusu Mungu. Biblia, Kitabu cha Mormoni, Mafundisho na Maagano, na Lulu ya Thamani Kuu ni maandiko ya Kanisa.
shiriki: Kushiriki maana yake ni kutoa sehemu ya kitu tulichonacho na kumpa mwingine.
askari: Askari wanapigana katika jeshi.
roho: Roho hana mwili wa nyama na mifupa.
iba: Kuiba inamaanisha kuchukua kitu kisicho chako. Magenge ya watu wenye fujo yaliiba mifugo ya Watakatifu. Hii inamaanisha magenge ya watu wenye fujo yalichukua mifugo.
teseka: Tunateseka tunapoumia. Joseph Smith na marafiki zake waliteseka jela.
apa: Kuapa maana yake ni kusema maneno mabaya.
aliapa: Walinzi wa jela waliapa. Walinzi wa jela walisema maneno mabaya.
lami: Lami inanata na ni nyeusi.
hekalu: Hekalu ni nyumba ya Mungu.
jaribu: Shetani anajaribu kutupa majaribu sisi. Hii inamaanisha anajaribu kutufanya sisi tufanye mambo ambayo ni mabaya.
zaka: zaka ni pesa tunayotoa kwa Mungu.
tumbaku: Tumbaku ni kitu kisichofaa kwetu. Baadhi ya watu huvuta na kutafuna tumbaku.
iliyotafsiriwa: Joseph Smith alitafsiri Kitabu cha Mormoni katika lugha ya Kiingereza.
ukweli: Yesu anafundisha watu ukweli. Hii inamaanisha Yesu anafundisha watu kile kilicho sahihi.
ushuhuda: ushuhuda ni hisia kwamba injili ni ya kweli.
watega wanyama: Watega wanyama ni watu wanaowakamata wanyama wamwituni Wao huuza manyoya ya wanyama.
ono: Ono ni kitu ambacho Mungu huturuhusu kuona. Joseph Smith alimwona Baba wa Mbinguni na Yesu Kristo katika ono.
mashahidi: Mashahidi huona kitu na kuwaambia wengine kuhusu kitu hicho. Mashahidi waliona mabamba ya dhahabu na kuwaambia wengine kuwa mabamba yalikuwa halisi.
abudu: Kuabudu humaanisha kupenda na kutii. Shetani alitaka Musa amwabudu yeye. Tunapaswa kumwabudu Mungu.
jeraha: Jeraha ni sehemu katika mwili wa mtu iliyoumizwa au kukatwa.