Sura ya 29
Ufunuo juu ya Ukuhani
Septemba 1832
Wanaume wengi wa Kanisa walienda misheni. Walipofika nyumbani, walikwenda kumwona Joseph Smith huko Kirtland.
Mafundisho na Maagano 84, kichwa cha habari cha sehemu
Wanaume walimwambia Joseph kuhusu misheni zao. Walikuwa wamebatiza watu wengi. Walikuwa na furaha kuhusu misheni zao, na Joseph alikuwa na furaha pia.
Mafundisho na Maagano 84, kichwa cha habari cha sehemu
Wamisionari hawa wote walikuwa na ukuhani. Ukuhani ni uwezo wa Mungu. Wamisionari walitaka kujua zaidi juu ya ukuhani.
Yesu alimpa Joseph ufunuo kuhusu ukuhani. Yesu alimwambia kuhusu baadhi ya watu waliokuwa na ukuhani zamani za kale. Adamu, aliyekuwa mtu wa kwanza kuishi duniani, alikuwa na ukuhani.
Manabii wote wa Agano la Kale walikuwa na ukuhani. Baadhi ya Manabii hawa walikuwa Henoko, Nuhu, Musa, Melkizedeki, na Ibrahimu. Melkizedeki alitoa ukuhani kwa Ibrahimu.
Yesu alisema kwamba watu lazima wawe na ukuhani ili kuongoza kanisa Lake. Wanaume wenye ukuhani wanaweza kuwabatiza watu na kuwapa kipawa cha Roho Mtakatifu. Wanaweza kubariki sakramenti. Wanaweza kutoa baraka kwa watu walio wagonjwa. Mambo haya yote yanawasaidia Watakatifu wakati wa maisha yao hapa duniani na kuwaandaa kuishi na Baba wa Mbinguni tena.
Yesu alimwambia Joseph kwamba wanaume lazima wawe waadilifu ili kupokea ukuhani. Wale wanaoupokea wanafanya agano, au ahadi, na Mungu. Wanaahidi kuwa waaminifu na kutumia ukuhani ili kuwasaidia watu wengine. Mungu anaahidi kwamba kama wao ni waaminifu, wanaweza kuwa Wanawe maalum. Siku moja Yeye atashiriki pamoja nao vyote Alivyo navyo.
Yesu alimwambia Joseph Smith kwamba wanaume zaidi wanapaswa kwenda misheni. Wanapaswa kuhubiri injili kwa ulimwengu wote. Wanapaswa kuwafundisha watu kutubu, na wanapaswa kuwabatiza na kuwapa kipawa cha Roho Mtakatifu.
Yesu alisema wamisionari watabarikiwa kama watafanya kazi kwa bidii. Malaika watawasaidia, na Baba wa Mbinguni atawapa kile wanachohitaji.
Ufunuo ulimalizika. Joseph na wamisionari walikuwa na furaha ya kujua zaidi kuhusu ukuhani. Walitaka kutumia ukuhani kwa njia iliyo sahihi.
Katika ufunuo wa baadaye, Yesu alimwambia Joseph jinsi wanaume wanavyopaswa kutumia ukuhani. Wanaume hawapaswi kamwe kutumia ukuhani ili kujikweza au kuwa wakatili. Mungu atatoa nguvu ya ukuhani kwa wanaume waadilifu pekee.
Wanaume wanapaswa kutumia ukuhani kwa upendo na ukarimu. Wale wanaomsikiliza Roho Mtakatifu daima watakuwa na nguvu ya ukuhani.