ជំពូកទី ១៤
ព្យាការី និងវិវរណៈសម្រាប់សាសនាចក្រ
ខែ កញ្ញា ឆ្នាំ ១៨៣០
យ៉ូសែប និងអិមម៉ា ស្ម៊ីធបានប្តូរទៅរស់នៅរដ្ឋ នូវ យ៉ោក ។ បុរសម្នាក់ឈ្មោះ ហៃរាំ ភេច បានរស់នៅទីនោះ ។ គាត់ជាសមាជិកសាសនាចក្រ ។ គាត់មានថ្មមួយដែលគាត់បាននិយាយថា បានជួយគាត់ឲ្យទទួលវិវរណៈសម្រាប់សាសនាចក្រ ។
គោលលទ្ធិ និង សេចក្តីសញ្ញា ២៨ ក្បាលកណ្ឌ
សមាជិកសាសនាចក្រជាច្រើននាក់បានជឿលើហៃរាំ ភេច រួមទាំងអូលីវើរ ខៅឌើរី ផងដែរ ។ មនុស្សមួយចំនួនបានគិតថា ហៃរាំ ភេច គឺជាព្យាការី ។
គោលលទ្ធិ និង សេចក្តីសញ្ញា ២៨ ក្បាលកណ្ឌ
អូលីវើរបានសួរយ៉ូសែបអំពីហៃរាំ ភេច ។ យ៉ូសែបបានអធិស្ឋាន ហើយព្រះយេស៊ូវបានប្រទានវិវរណៈដល់លោក ។ ព្រះយេស៊ូវបានមានបន្ទូលថា មានតែបុរសម្នាក់គត់ដែលអាចទទួលវិវរណៈសម្រាប់សាសនាចក្រទាំងមូល ។ បុរសនោះគឺព្យាការីយ៉ូសែប ស៊្មីធ ។
ព្រះយេស៊ូវបានមានបន្ទូលថា អូលីវើរ និងមនុស្សដទៃទៀតអាចទទួលវិវរណៈសម្រាប់ខ្លួនពួកគេ ប៉ុន្តែពុំមែនសម្រាប់សាសនាចក្រទាំងមូលឡើយ ។ អូលីវើរបានជឿយ៉ូសែប ។ គាត់បានដឹងថា វិវរណៈរបស់ហៃរាំ ភេច គឺខុស ។
ព្រះយេស៊ូវបានប្រាប់ឲ្យអូលីវើរនិយាយទៅកាន់ហៃរាំ ភេច ។ អូលីវើរបានប្រាប់គាត់ថា វិវរណៈដែលគាត់បានទទួលតាមរយៈថ្មនោះពុំមែនមកពីព្រះឡើយ ។
អូលីវើរបាននិយាយថា សាតាំងបានបោកបញ្ឆោតហៃរាំ ភេច ។ ហៃរាំបានស្តាប់អូលីវើរ ហើយបានប្រែចិត្ត ។
សព្វថ្ងៃនេះមានតែប្រធានសាសនាចក្រប៉ុណ្ណោះដែលទទួលវិវរណៈសម្រាប់សាសនាចក្រទាំងមូល ។ លោកគឺជាព្យាការីរបស់ព្រះ ។ សមាជិកសាសនាចក្រគួរតែធ្វើតាមព្យាការី ។