ជំពូកទី ២៤
ឪពុកម្តាយគួរតែបង្រៀនកូនៗរបស់ពួកគេ
ខែ វិច្ឆិកា ឆ្នាំ ១៨៣១
អ្នកដឹកនាំមួយចំនួននៅក្នុងសាសនាចក្រចង់ដឹងអំពីព្រះទ័យរបស់ព្រះអម្ចាស់សម្រាប់ពួកគេ ដូច្នោះពួកគេបានទៅរកព្យាការី យ៉ូសែប ស្ម៊ីធ ។
គោលលទ្ធិ និង សេចក្តីសញ្ញា ៦៨ ក្បាលកណ្ឌ
យ៉ូសែបបានអធិស្ឋានទូលសូមការដឹកនាំ ។ ចម្លើយរបស់ព្រះអម្ចាស់រួមមាននូវគោលការណ៍សំខាន់ៗអំពីរបៀបដើម្បីធ្វើជាឪពុកម្តាយល្អ ។
ឪពុកម្តាយគួរតែបង្រៀនកូនៗរបស់ពួកគេអំពីព្រះយេស៊ូវ ហើយជួយពួកគេអភិវឌ្ឍសេចក្តីជំនឿលើទ្រង់ ។
ឪពុកម្តាយគួរតែបង្រៀនកូនៗរបស់ពួកគេអំពីរបៀបប្រែចិត្ត ។
ព្រះយេស៊ូវបានមានបន្ទូលថា ក្មេងៗគួរតែត្រូវទទួលបុណ្យជ្រមុជទឹក នៅពេលពួកគេមានអាយុប្រាំបីឆ្នាំ ។ ឪពុកម្តាយត្រូវបង្រៀនដំណឹងល្អដល់កូនៗរបស់ពួកគេពីមុនពួកគេជ្រមុជទឹក ។
ឪពុកម្ដាយគួរតែបង្រៀនកូនៗរបស់ពួកគេអំពីអំណោយទាននៃព្រះវិញ្ញាណបរិសុទ្ធ ។ ឪពុកម្តាយក៏គួរតែបង្រៀនកូនៗរបស់ពួកគេអំពីរបៀបអធិស្ឋាន និងរបៀបស្តាប់តាមព្រះវិញ្ញាណបរិសុទ្ធផងដែរ ។
ឪពុកម្តាយគួរតែបង្រៀនកូនៗរបស់ពួកគេឲ្យស្គាល់ និងគោរពតាមបទបញ្ញត្តិទាំងឡាយរបស់ព្រះ ហើយធ្វើជាសមាជិកល្អក្នុងសាសនាចក្រ ។
ឪពុកម្តាយ និងកូនៗដែលធ្វើតាមការបង្រៀនរបស់ព្រះយេស៊ូវអាចមានសុភមង្គលដ៏យូរអង្វែងជាក្រុមគ្រួសារ ។