ជំពូកទី ៣០
វិវរណៈអំពីសង្គ្រាម
ថ្ងៃទី ២៥ ខែ ធ្នូ ឆ្នាំ ១៨៣២
ផែនដីរញ្ជួយ និងសង្គ្រាមកំពុងកើតឡើងនៅក្នុងទីកន្លែងជាច្រើន ។
រឿងកើតទុក្ខនានាក៏កើតឡើងនៅក្នុងសហរដ្ឋអាមេរិក ។ មនុស្សមួយចំនួនពុំចង់រួមចំណែកជាមួយប្រទេសណាទេ ។ ពួកគេចង់បានអ្នកដឹកនាំផ្ទាល់របស់ពួកគេ ។
នៅថ្ងៃបុណ្យគ្រីស្ទម៉ាស់ឆ្នាំ ១៨៣២ ព្រះយេស៊ូវបានប្រទានវិវរណៈដល់យ៉ូសែប ស្ម៊ីធ អំពីសង្គ្រាម ។
ព្រះយេស៊ូវបានមានបន្ទូលថា មនុស្សនៅសហរដ្ឋអាមេរិកនឹងប្រយុទ្ធគ្នានៅក្នុងសង្គ្រាម ។ ការព្យាករនេះត្រូវបានបំពេញនៅពេលសង្គ្រាមស៊ីវិលរបស់អាមេរិកកាំងបានចាប់ផ្តើមប្រហែលជា ៣០ ឆ្នាំក្រោយមក ។
ព្រះយេស៊ូវក៏បានបើកសម្តែងថា នឹងមានសង្គ្រាមនៅក្នុងគ្រប់ទិសទីទាំងអស់នៅលើពិភពលោក ។ មនុស្សជាច្រើននឹងស្លាប់ ហើយនឹងមានការកើតទុក្ខយ៉ាងធំ ។ ព្រះយេស៊ូវបានមានបន្ទូលថា ពួកបរិសុទ្ធគួរតែស្មោះត្រង់អំឡុងគ្រាលំបាកទាំងនេះ ។
យ៉ូសែប ស៊្មីធ បានកើតទុក្ខដោយដឹងថា នឹងមានសង្គ្រាមជាច្រើន ។ លោកបានដឹងថា ប្រសិនបើមនុស្សបានគោរពតាមបទបញ្ញត្តិរបស់ព្រះ នោះពួកគេនឹងពុំឈ្លោះគ្នា ហើយមានសង្គ្រាមឡើយ ។