ពាក្យគួរស្គាល់

ដំណើររឿងក្នុងព្រះគម្ពីរ

ពាក្យគួរស្គាល់

សុំចិញ្ចឹម: យ៉ូសែប និងអិមម៉ា ស្ម៊ីធ បានសុំកូនភ្លោះមក ចិញ្ចឹម ។ នេះមានន័យថា យ៉ូសែប និង អិមម៉ា ស្ម៊ីធ យកកូនភ្លោះនោះធ្វើជាផ្នែកមួយនៃគ្រួសាររបស់ពួកលោក ។
អាល់កុល: អាល់កុល មិនល្អសម្រាប់ឲ្យយើងផឹកឡើយ ។ ស្រាបៀរ និងស្រាទំពាំងបាយជូរមានជាតិ អាល់កុល នៅក្នុងនោះ ។
ជីដូនជីតា: ជីដូនជីតា របស់យើងគឺជាមនុស្សនៅក្នុងក្រុមគ្រួសារយើងដែលបានរស់នៅពីមុនពួកយើង ។
ទេវតា: ទេវតា គឺជាអ្នកជួយម្នាក់របស់ព្រះ ។ ទេវតា មរ៉ូណៃបានមានបន្ទូលទៅកាន់យ៉ូសែប ស្ម៊ីធ ។

រូបភាព
ទេវតា
សាវក: សាវក គឺអ្នកដឹកនាំនៅក្នុងសាសនាចក្រនៃព្រះយេស៊ូវគ្រីស្ទ ។ ព្រះយេស៊ូវបានមានបន្ទូលប្រាប់យ៉ូសែប ស្ម៊ីធ ថា ទ្រង់សព្វព្រះទ័យចង់បាន សាវកដប់ពីរនាក់ ។
ចាប់ខ្លួន: ពួកទាហាន បានចាប់ខ្លួន យ៉ូសែប ស្ម៊ីធ ។ នេះមានន័យថា ពួកទាហានបានចាប់លោក ហើយដាក់លោកក្នុងគុក ។
វាយប្រហារ: ពួកមនុស្សកំណាច បានវាយប្រហារ ពួកបរិសុទ្ធ ។ នេះមានន័យថា ពួកមនុស្សកំណាចចាប់ផ្តើមប្រយុទ្ធនឹងពួកបរិសុទ្ធ ។
អាងជ្រមុជទឹក: មាន អាងជ្រមុជទឹក ច្រើននៅក្នុងព្រះវិហារ និងព្រះវិហារបរិសុទ្ធ ។ មនុស្សកំពុងទទួលបុណ្យជ្រមុជទឹកនៅក្នុង អាងជ្រមុជទឹក ។
ជ្រមុជទឹក: ពេលយើងចូលជាសមាជិកសាសនាចក្រ នោះយើងត្រូវ បានជ្រមុជទឹក ។ យើងត្រូវបានជ្រមុជទៅក្នុងទឹក ហើយត្រូវបានលើកឡើងមកវិញ ។
ស្រស់ស្អាត: នៅពេលអ្វីមួយ ស្រស់ស្អាត នោះយើងចូលចិត្តមើលវា ។ សួនច្បារ ស្រស់ស្អាត ។ ព្រះវិហារបរិសុទ្ធ ស្រស់ស្អាត ។
ជឿ: ជឿ មានន័យថា គិតអំពីអ្វីមួយដែលពិត ។ មនុស្សជាច្រើន ជឿ លើដំណឹងល្អនៃព្រះយេស៊ូវគ្រីស្ទ ។
ប៊ីស្សព: ប៊ីស្សព គឺជាអ្នកដឹកនាំវួដ ។
ស្តីបន្ទោស: មនុស្ស បានស្តីបន្ទោស យ៉ូសែប ស៊្មីធ ដោយសារក្តីអំពល់នោះ ។ នេះមានន័យថា មនុស្សបាននិយាយថា យ៉ូសែប ស៊្មីធ បានធ្វើឲ្យក្តីអំពល់នោះកើតឡើង ។
ខ្ចី: នៅពេលយើង ខ្ចី អ្វីមួយ នោះយើងសូមនរណាម្នាក់ថា តើយើងអាចប្រើប្រាស់របស់នោះបានដែរឬទេ ។ ប្រសិនបើមនុស្សម្នាក់ ខ្ចី សេះរបស់មិត្តភក្តិគាត់ នោះគាត់សួរមិត្តភក្តិគាត់ថា តើគាត់អាចប្រើសេះនោះបានដែរឬទេ ។ បន្ទាប់ពីបុរសនោះប្រើសេះនោះរួច គាត់យកសេះទៅឲ្យមិត្តភក្តិគាត់វិញ ។
និយាយអួត: ពួកអ្នកយាមនៅក្នុងគុក បាននិយាយអួត អំពីអ្វីដែលពួកគេបានធ្វើ ។ នេះមានន័យថា ពួកគេសប្បាយចិត្តអំពីរឿងនោះ ហើយបានប្រាប់អ្នកដទៃទៀតអំពីវា ។
ស្ពាន: ពួកអ្នកត្រួសត្រាយបានឆ្លងទន្លេតាម ស្ពាន ។
ត្រែ: ត្រែ គឺជាស្នែងមួយប្រភេទ ។

រូបភាព
ត្រែ
កប់: មរ៉ូណៃ បានកប់ ផ្ទាំងចំណារមាស ។ លោកបានដាក់វាទៅក្នុងប្រអប់ថ្មមួយទៅក្នុងដី ហើយគ្របវាពីលើ ។
មេទ័ព: មេទ័ព គឺជាអ្នកដឹកនាំ ។ មេទ័ព អាលឡិនគឺជាអ្នកដឹកនាំពួកទាហាន ។
ចាប់: ពួកទាហាន បានចាប់ យ៉ូសែប ស៊្មីធ ។ នេះមានន័យថា ពួកទាហានបានចាប់យ៉ូសែប ស្ម៊ីធ ហើយពុំឲ្យលោកទៅណាឡើយ ។
ជម្រើស: ព្រះវរបិតាសួគ៌អនុញ្ញាតឲ្យយើងមាន ជម្រើស ។ នេះមានន័យថា ព្រះវរបិតាសួគ៌ទុកឲ្យយើងសម្រេចចិត្តអំពីអ្វីដែលយើងនឹងធ្វើ ។
ជ្រើសរើស: ព្រះទុកឲ្យយើង ជ្រើសរើស ធ្វើជាមនុស្សល្អ ឬអាក្រក់ ។ យើង ជ្រើសរើស មនុស្សឲ្យធ្វើជាអ្នកដឹកនាំ ។ ព្រះ បានជ្រើសរើស ព្រិកហាំ យ៉ង់ ឲ្យដឹកនាំពួកបរិសុទ្ធ ។
ព្រះបញ្ញត្តិ: មនុស្សល្អគោរពប្រតិបត្តិតាម ព្រះបញ្ញត្តិរបស់ព្រះ ។ មនុស្សល្អធ្វើអ្វីដែលព្រះសព្វព្រះទ័យឲ្យពួកគេធ្វើ ។
សន្និសីទ: សន្និសីទ គឺជាប្រជុំដ៏ធំមួយ ។ សមាជិកសាសនាចក្រជាច្រើននាក់ទៅ សន្និសីទ ។
ទីប្រឹក្សា: ទីប្រឹក្សា គឺជាមនុស្សដែលជួយថ្នាក់ដឹកនាំ ។ ព្យាការីនៃសាសនាចក្រមាន ទីប្រឹក្សា ។
សេចក្តីសញ្ញា: សេចក្តីសញ្ញា គឺជាការសន្យាមួយ ។ នៅពេលយើងចុះ សេចក្តីសញ្ញា ជាមួយព្រះ នោះយើងសន្យានឹងទ្រង់ថា យើងនឹងធ្វើអ្វីមួយ ។
បង្កបង្កើត: ព្រះយេស៊ូវគ្រីស្ទ បានបង្កបង្កើត ផែនដី ។ នេះមានន័យថា ព្រះយេស៊ូវគ្រីស្ទបានបង្កើតផែនដីឡើង ។
ដំណាំ: ពួកអ្នកត្រួសត្រាយបានដាំ ដំណាំ ។ ដំណាំ រួមមាន ពោត, ដំឡូង, ស្រូវសាលី និងអ្វីៗផ្សេងទៀត ។
ឆ្កាង: ព្រះយេស៊ូវត្រូវបានគេ ឆ្កាង ។ នេះមានន័យថា ទ្រង់ត្រូវបានគេដំដែកគោលទៅលើឈើឆ្កាង ហើយទុកនៅទីនោះរហូតដល់ទ្រង់សុគត ។

រូបភាព
ព្រះយេស៊ូវត្រូវបានគេឆ្កាង ។
ទំនប់ទឹក: ពួកបរិសុទ្ធបានសាងសង់ ទំនប់ទឹក នៅក្នុងទន្លេ ។ ទំនប់ទឹក ទប់ទឹក ។

រូបភាព
ទំនប់ទឹក
ឌីកុន: ក្មេងប្រុសអាចធ្វើជា ឌីកុន នៅពេលពួកគេមានអាយុ ១២ ឆ្នាំ ។ ឌីកុន អាចចែកចាយសាក្រាម៉ង់ ។
សម្រេចចិត្ត: អិមម៉ា និងយ៉ូសែប បានឆ្ងល់ថា តើគួរទៅរដ្ឋផេនស៊ីវើរញ៉ាវិញ ឬក៏ស្នាក់នៅទីក្រុង នូវ យ៉ោក ។ ពួកលោក បានសម្រេចចិត្ត ទៅរដ្ឋផេនស៊ីវើរញ៉ាវិញ ។
ឧទ្ទិស: នៅពេលយើង ឧទ្ទិស អ្វីមួយ នោះយើងប្រសិទ្ធពរវាដើម្បីត្រូវបានប្រើប្រាស់សម្រាប់កិច្ចការរបស់ព្រះ ។ ពួកបរិសុទ្ធ បានឧទ្ទិស ព្រះវិហារបរិសុទ្ធ ។
បំផ្លិចបំផ្លាញ: បំផ្លិចបំផ្លាញ មានន័យថា បំផ្លាញចោល បំបែក ដុត ឬសម្លាប់ ។ ពួកមនុស្សកំណាច បានបំផ្លិចបំផ្លាញ ព្រះវិហារបរិសុទ្ធ ។
សិស្ស: សិស្ស គឺជាបុគ្គលម្នាក់ដែលដើរតាមព្រះយេស៊ូវ ហើយព្យាយាមក្លាយដូចជាទ្រង់ ។
រកបាន: រកបាន មានន័យថា ទទួលបានអ្វីមួយដោយការខំធ្វើការដើម្បីវា ។
ពួកអែលឌើរ: ពួកអែលឌើរ គឺជាពួកបុរសដែលមានបព្វជិតភាព ។
អំណោយទានពិសិដ្ឋ: អំណោយទានពិសិដ្ឋ គឺជាការសន្យា ឬអំណោយពិសេសមកពីព្រះ ។
សត្រូវ: សត្រូវ គឺជាមនុស្សម្នាក់ដែលស្អប់មនុស្សម្នាក់ទៀត ។ ពួកសត្រូវ របស់ យ៉ូសែប ស៊្មីធ ចង់សម្លាប់លោកចោល ។
រត់គេច: រត់គេច មានន័យថា ទៅឲ្យឆ្ងាយពីនរណាម្នាក់ ឬអ្វីមួយ ។ យ៉ូសែប ស៊្មីធ បានរត់គេច ពីពួកមនុស្សកំណាច ។
អាក្រក់: អាក្រក់ គឺជាអ្វីមួយដែលអាក្រក់ជាខ្លាំង ។ សាតាំងគឺជាវិញ្ញាណ អាក្រក់ ។
វិញ្ញាណអារក្ស: វិញ្ញាណអារក្ស គឺជាវិញ្ញាណអាក្រក់ ។ វិញ្ញាណអារក្ស ធ្វើតាមសាតាំង ។
កាត់កាលចេញ: សមាជិកសាសនាចក្រដែលធ្វើរឿងអាក្រក់អាចត្រូវសាសនាចក្រ កាត់កាលចេញ ។ ពួកគេពុំមែនជាសមាជិកសាសនាចក្រទៀតឡើយ ។
សេចក្ដីជំនឿ: ការមាន សេចក្ដីជំនឿ គឺការមានសង្ឃឹមលើការណ៍ដែលមើលពុំឃើញតែពិត ។ យើងមាន សេចក្ដីជំនឿ លើព្រះយេស៊ូវគ្រីស្ទ ។ នេះមានន័យថា យើងជឿលើទ្រង់ ហើយគោរពតាមទ្រង់ ។
តមអាហារ: តមអាហារ គឺការមិនហូបអាហារ និងទឹក ។
រៀងរហូត: រៀងរហូត មានន័យថាជានិច្ច ។ យើងអាចរស់នៅជាមួយព្រះវរបិតាសួគ៌ជា រៀងរហូត ប្រសិនបើយើងគោរពតាមបទបញ្ញត្តិទាំងឡាយរបស់ទ្រង់ ។
អត់ទោស: អត់ទោស មានន័យថា បំភ្លេចរឿងអាក្រក់ៗដែលនរណាម្នាក់បានធ្វើ ។ ព្រះនឹង អត់ទោស ដល់យើង ប្រសិនបើយើងសោកស្តាយចំពោះរឿងអាក្រក់ៗដែលយើងបានធ្វើ ហើយព្យាយាមមិនធ្វើវាទៀត ។
ប្រមូលផ្តុំ: ប្រមូលផ្តុំ មានន័យថា មកជួបជុំគ្នានៅកន្លែងមួយ ។ យ៉ូសែប ស៊្មីធ បានប្រាប់ពួកបរិសុទ្ធឲ្យ ប្រមូលផ្តុំគ្នា នៅក្នុងរដ្ឋមិសសួរី ។
អំណោយ: អំណោយ គឺជាវត្ថុនានាដែលមនុស្សឲ្យ ។ ព្រះវិញ្ញាណបរិសុទ្ធប្រទាន អំណោយ ទានខាងវិញ្ញាណដល់មនុស្សសុចរិត ។
ដំណឹងល្អ: ដំណឹងល្អ នៃព្រះយេស៊ូវគ្រីស្ទគឺជាផែនការនៃសេចក្តីសង្គ្រោះ ។ វារួមមាននូវគោលលទ្ធិ ពិធីបរិសុទ្ធ និងសិទ្ធិអំណាចសម្រាប់យើង ដើម្បីត្រឡប់ទៅរស់នៅជាមួយនឹងព្រះវរបិតាសួគ៌វិញ ។
អភិបាល: អភិបាល គឺជាអ្នកដឹកនាំរដ្ឋ ។
ព្យាបាល: ព្យាបាល មានន័យថា ធ្វើឲ្យមនុស្សឈឺបានជា ។ នូវល ខេ វិតនី បានប្រសិទ្ធិពរ យ៉ូសែប ស៊្មីធ ហើយយ៉ូសែបត្រូវបាន ព្យាបាល ។
ស្មោះត្រង់: មនុស្សដែល ស្មោះត្រង់ ពុំនិយាយកុហកឡើយ ។ មនុស្សស្មោះត្រង់ ពុំយកអ្វីៗដែលពុំមែនជារបស់ខ្លួនឡើយ ។
គុក: ពួកបុរសត្រូវបានចាប់ដាក់ក្នុង គុក ។ នេះមានន័យថា ពួកគេត្រូវបានឃុំឃាំង ដូច្នេះហើយពួកគេពុំអាចទៅណាបានឡើយ ។

រូបភាព
គុក
ចូលជា: មនុស្ស បានចូលជា សមាជិកសាសនាចក្រ ។ នេះមានន័យថា មនុស្សដែលជ្រមុជទឹករួច ហើយក្លាយជាសមាជិកសាសនាចក្រ ។
ពាក្យសម្តី: ពាក្យដែលយើងប្រើដើម្បីសរសេរ ឬនិយាយទៅកាន់មនុស្សដទៃទៀតត្រូវបានហៅថា ពាក្យសម្តី ។
ដឹកនាំ: ដឹកនាំ មនុស្សមានន័យថា បង្ហាញ ឬប្រាប់ពួកគេអំពីអ្វីដែលត្រូវធ្វើ ។ ព្យាការី ដឹកនាំ សាសនាចក្រ ។
រៀបអាពាហ៍ពិពាហ៍: យ៉ូសែប និង អិមម៉ា រៀបអាពាហ៍ពិពាហ៍ ។ នេះមានន័យថា យ៉ូសែប គឺជាស្វាមីរបស់ អិមម៉ា ហើយអិមម៉ាជាភរិយារបស់យ៉ូសែប ។
បេសកកម្ម: ពួកសាវកបានទៅ បេសកកម្ម ។ នេះមានន័យថា លោកទៅប្រាប់មនុស្សអំពីដំណឹងល្អរបស់ព្រះយេស៊ូវគ្រីស្ទ ។
អ្នកផ្សព្វផ្សាយសាសនា: អ្នកផ្សព្វផ្សាយសាសនា គឺជាមនុស្សម្នាក់ដែលទៅបេសកកម្ម ។
គោរពតាម: គោរពតាម មានន័យថា ធ្វើអ្វីដែលពួកយើងត្រូវបានប្រាប់ឲ្យធ្វើ ។ យើងគួរតែ គោរពតាម បទបញ្ញត្តិទាំងឡាយរបស់ព្រះ ។
មហាសមុទ្រ: មហាសមុទ្រ គឺជាទឹកប្រៃដែលមានទំហំធំល្វឹងល្វើយ ។
តែងតាំង: ការត្រូវបាន តែងតាំង មានន័យថា ការប្រគល់បព្វជិតភាពឲ្យ ។ យ៉ូសែប ស៊្មីធ បាន តែងតាំង បុរស ។ នេះមានន័យថា យ៉ូសែប ស៊្មីធបានប្រគល់បព្វជិតភាពដល់បុរសនោះ ។
គោ: គោ គឺជាសត្វ ។

រូបភាព
គោ
អយ្យកោ: អយ្យកោ ផ្តល់ពរជ័យពិសេសមួយដល់មនុស្ស ។ ឪពុករបស់យ៉ូសែប ស៊្មីធ គឺជា អយ្យកោ ។
ថ្នាំពុល: ថ្នាំពុល ជាអ្វីមួយដែលអាចសម្លាប់មនុស្ស ប្រសិនបើពួកគេបរិភោគ ឬផឹកវា ។ ពួកមនុស្សកំណាចបានព្យាយាមឲ្យ យ៉ូសែប ស្ម៊ីធ ផឹកថ្នាំពុល ។
អធិស្ឋាន: អធិស្ឋាន មានន័យថា ទូលទៅកាន់ព្រះវរបិតាសួគ៌ ។
ប្រកាស: យ៉ូសែប ស៊្មីធ បានប្រកាស ទៅកាន់មនុស្ស ។ នេះមានន័យថា លោកបានបង្រៀនមនុស្សអំពីដំណឹងល្អ ។
គណៈប្រធាន: គណៈប្រធាន សាសនាចក្រគឺជាប្រធាន និងទីប្រឹក្សារបស់លោក ។
ប្រធាន: ប្រធាន គឺជាអ្នកដឹកនាំម្នាក់ ។
បព្វជិតភាព: បព្វជិតភាព គឺជាអំណាចរបស់ព្រះ ។
ពួកសង្ឃ: ពួកសង្ឃ មានបព្វជិតភាព ។ ពួកសង្ឃ គឺជាពួកបុរសដែលជួយនៅក្នុងសាសនាចក្រ ។
អ្នកបោះពុម្ព: អ្នកបោះពុម្ព គឺជាមនុស្សម្នាក់ដែលបោះពុម្ពសៀវភៅ ។
ពន្ធនាគារ: ពន្ធនាគារ ជាកន្លែងមួយដែលមនុស្សត្រូវបានឃុំទុក ហើយពុំអាចចេញរួចឡើយ ។ ពន្ធនាគារ គឺដូចជាគុក ។
ព្យាការី: ព្យាការី ប្រាប់មនុស្សអំពីអ្វីដែលព្រះសព្វព្រះទ័យឲ្យពួកគេដឹង ។ យ៉ូសែប ស៊្មីធ គឺជា ព្យាការី ។
ការពារ: ពួកបុរសមានកាំភ្លើងដើម្បី ការពារ មនុស្ស ។ នេះមានន័យថា ពួកបុរសមានកាំភ្លើង ដើម្បីរក្សាមនុស្សឲ្យមានសុវត្ថិភាព ។ ព្រះអម្ចាស់ បានការពារ យ៉ូសែប ស៊្មីធ ។ នេះមានន័យថា ព្រះអម្ចាស់បានរក្សាយ៉ូសែប ស៊្មីធ ឲ្យមានសុវត្ថិភាព ។
សត្វក្រួច: សត្វក្រួច គឺជាសត្វស្លាប ។

រូបភាព
សត្វក្រួច
ប្រែចិត្ត: ប្រសិនបើយើងធ្វើអ្វីមួយអាក្រក់ យើងគួរតែ ប្រែចិត្ត ។ នេះមានន័យថា យើងមានអារម្មណ៍សោកស្តាយ ហើយព្យាយាមកុំធ្វើរឿងអាក្រក់នោះទៀត ។
រស់ឡើងវិញ: ព្រះយេស៊ូវគ្រីស្ទ បានមានព្រះជន្មរស់ឡើងវិញ ។ នេះមានន័យថា បន្ទាប់ពីទ្រង់សុគត នោះទ្រង់បានមានព្រះជន្មរស់ឡើងវិញម្តងទៀត ។ មនុស្សទាំងអស់នឹង រស់ឡើងវិញ បន្ទាប់ពីពួកគេស្លាប់ ។
វិវរណៈ: ទំនាក់ទំនងរវាងព្រះទៅកាន់បុត្រាបុត្រីរបស់ទ្រង់នៅលើផែនដីត្រូវបានហៅថា វិវរណៈ ។ យ៉ូសែប ស៊្មីធ បានទទួល វិវរណៈ មួយអំពីព្រះវិហារបរិសុទ្ធ ។
ពួកសុចរិត: ពួកសុចរិត មនុស្សដែលធ្វើអ្វីដែលត្រឹមត្រូវ ។ នេះមានន័យថា ពួកគេបានគោរពតាមបទបញ្ញត្តិទាំងឡាយរបស់ព្រះ ។
ថ្ងៃឈប់សម្រាក: ថ្ងៃឈប់សម្រាក គឺជាថ្ងៃដែលយើងទៅព្រះវិហារ ។ យើងពុំគួរធ្វើការនៅ ថ្ងៃឈប់សម្រាកឡើយ ។ ថ្ងៃអាទិត្យគឺជា ថ្ងៃឈប់សម្រាក ។
សាក្រាម៉ង់: យើងទទួលទាន សាក្រាម៉ង់ ដើម្បីចងចាំដល់ព្រះយេស៊ូវ ។

រូបភាព
ថាសសាក្រាម៉ង
ពិសិដ្ឋ: ព្រះវិហារបរិសុទ្ធគឺជាអគារដ៏ ពិសិដ្ឋ ។ ព្រះវិហារបរិសុទ្ធជារបស់ផងព្រះ ។
ពួកបរិសុទ្ធ: ពួកបរិសុទ្ធ គឺសមាជិកសាសនាចក្រនៃព្រះយេស៊ូវគ្រីស្ទ ។
សង្គ្រោះ: ព្រះយេស៊ូវបានសុគតដើម្បី សង្គ្រោះ ពួកយើង ។ នេះមានន័យថា ព្រះយេស៊ូវបានសុគតដើម្បីឲ្យយើងអាចត្រឡប់ទៅរស់នៅជាមួយនឹងព្រះវរបិតាសួគ៌វិញ ។
ព្រះគម្ពីរ: ព្រះគម្ពីរ គឺជាសៀវភៅដែលប្រាប់យើងអំពីព្រះ ។ ព្រះគម្ពីរប៊ីប, ព្រះគម្ពីរមរមន, ព្រះគម្ពីរគោលលទ្ធិ និង សេចក្តីសញ្ញា, និងព្រះគម្ពីរមុក្តាដ៏មានតម្លៃមហិមា គឺជា ព្រះគម្ពីរ របស់សាសនាចក្រ ។
ចែករំលែក: ចែករំលែក មានន័យថា ឲ្យផ្នែកអ្វីមួយដែលយើងមានទៅនរណាម្នាក់ ។
ពួកទាហាន: ពួកទាហាន ប្រយុទ្ធនៅក្នុងកងទ័ព ។
វិញ្ញាណ: វិញ្ញាណ គ្មានព្រះកាយជាសាច់ និងឆ្អឹងទេ ។
លួច: លួច មានន័យថា យកអ្វីមួយដែលពុំមែនជារបស់អ្នក ។ ពួកមនុស្សកំណាច បានលួច សត្វរបស់ពួកបរិសុទ្ធ ។ នេះមានន័យថា ពួកមនុស្សកំណាចបានយកសត្វទាំងនោះ ។
រងទុក្ខ: យើង រងទុក្ខ នៅពេលយើងមានរបួស ។ យ៉ូសែប ស៊្មីធ និងមិត្តភក្តិរបស់លោក បានរងទុក្ខ នៅក្នុងគុក ។
ជេរ: ជេរ មានន័យថា និយាយពាក្យអាក្រក់ៗ ។
បានជេរ: ពួកអ្នកយាមនៅក្នុងគុក បានជេរ ។ ពួកអ្នកយាមនៅក្នុងគុកបាននិយាយពាក្យអាក្រក់ៗ ។
ជ័រកៅស៊ូ: ជ័រកៅស៊ូ មានសភាពស្អិត ហើយខ្មៅ ។
ព្រះវិហារបរិសុទ្ធ: ព្រះវិហារបរិសុទ្ធ គឺជាដំណាក់របស់ព្រះ ។
ល្បួង: សាតាំងព្យាយាម ល្បួង ពួកយើង ។ នេះមានន័យថា វាព្យាយាមនាំយើងឲ្យធ្វើរឿងមិនល្អ ។
ដង្វាយមួយភាគក្នុងដប់: ដង្វាយមួយភាគក្នុងដប់ គឺជាប្រាក់ដែលយើងថ្វាយទៅព្រះ ។
ថ្នាំជក់: ថ្នាំជក់ គឺជាសារធាតុដែលពុំល្អសម្រាប់យើងឡើយ ។ មនុស្សមួយចំនួនបានជក់ និងចុក ថ្នាំជក់ ។
បកប្រែ: យ៉ូសែប ស៊្មីធ បានបកប្រែ ព្រះគម្ពីរមរមនទៅជាភាសាអង់គ្លេស ។
សេចក្តីពិត: ព្រះយេស៊ូវបង្រៀនមនុស្សអំពី សេចក្តីពិត ។ នេះមានន័យថា ព្រះយេស៊ូវបង្រៀនមនុស្សអំពីអ្វីដែលត្រូវ ។
ទីបន្ទាល់: ទីបន្ទាល់ គឺជាអារម្មណ៍មួយដឹងថា ដំណឹងល្អគឺជាការពិត ។
អ្នកទាក់សត្វ: អ្នកទាក់សត្វ គឺជាមនុស្សដែលចាប់សត្វព្រៃ ។ ពួកគេលក់រោមសត្វ ។
ការនិមិត្ត: ការនិមិត្ត គឺជាអ្វីមួយដែលព្រះអនុញ្ញាតឲ្យយើងឃើញ ។ យ៉ូសែប ស៊្មីធ បានឃើញព្រះវរបិតាសួគ៌ និងព្រះយេស៊ូវគ្រីស្ទនៅក្នុង ការនិមិត្ត ។
ពួកសាក្សី: ពួកសាក្សី ឃើញអ្វីមួយ ហើយប្រាប់មនុស្សដទៃទៀតអំពីរឿងនោះ ។ ពួកសាក្សី បានឃើញផ្ទាំងចំណារមាស ហើយបានប្រាប់មនុស្សដទៃទៀតអំពីផ្ទាំងចំណារថាពិត ។
ថ្វាយបង្គំ: ថ្វាយបង្គំ មានន័យថា ស្រឡាញ់ និងគោរពតាម ។ សាតាំងចង់ឲ្យម៉ូសេ ថ្វាយបង្គំ វា ។ យើងគួរតែ ថ្វាយបង្គំ ព្រះ ។
របួស: របួស ជាកន្លែងមួយដែលរូបកាយរបស់នរណាម្នាក់រងគ្រោះថ្នាក់ ឬដាច់រលាត់ ។