ឈុតឆាកមកពីប្រវត្តិសាសនាចក្រ
ព្រៃពិសិដ្ឋ ។ នៅក្នុងព្រៃទាំងនេះនៅក្បែរផ្ទះរបស់លោក ព្យាការី យ៉ូសែប ស្ម៊ីធបានទទួលការនិមិត្តដំបូង ។
ភ្នំគូម៉ូរ៉ា ។ ទេវតាមរ៉ូណៃបាននាំយ៉ូសែប ស៊្មីធដោយផ្ទាល់ទៅរកផ្ទាំងចំណារមាស ដែលលោកបានកប់ទុកនៅលើភ្នំនេះ ( ភ្នំនៅចំកណ្តាលខាងស្តាំ ) ។
ផ្ទះឈើរបស់យ៉ូសែប ស្ម៊ីធ ស៊ីញ្ញ័រ នេះគឺជាផ្ទះចម្លង ជាកន្លែងដែលក្រុមគ្រួសារស្ម៊ីធធ្លាប់បានរស់នៅ ។
ហាងកាសែត ហ្គ្រានឌីន និងហាងបោះពុម្ព ។ ការបោះពុម្ពព្រះគម្ពីរមរមនដំបូងត្រូវបានធ្វើឡើងនៅទីនេះ ។
ទន្លេសុសគ្វីហាណា ។ បព្វជិតភាពអើរ៉ុន និងបព្វជិតភាពមិលគីស្សាដែកត្រូវបានស្តារឡើងវិញនៅលើដងទន្លេនេះ ( សូមមើល គ. និង ស. ១៣; ១២៨:២០) ។
ផ្ទះឈើរបស់ពេត្រុស វិតមើរ ស៊ីញ្ញ័រ នេះគឺជាផ្ទះចម្លងដែលបានសាងសង់នៅលើកន្លែងដែលសាសនាចក្រត្រូវបានរៀបចំឡើងនៅថ្ងៃទី ៦ ខែ មេសា ឆ្នាំ ១៨៣០ ។
ព្រះវិហារបរិសុទ្ធខឺតឡង់ ។ នេះគឺជាព្រះវិហារបរិសុទ្ធដំបូងគេ ដែលបានសាងសង់នៅក្នុងសម័យចុងក្រោយនេះ ។ ព្រះយេស៊ូវ, ម៉ូសេ, អេលីយ៉ាស និង អេលីយ៉ាបានស្ដារកូនសោបព្វជិតភាពឡើងវិញនៅក្នុងព្រះវិហារបរិសុទ្ធនេះ ។
ជ្រលងភ្នំអ័ដាម-អុនតៃ-អាម៉ាន ។ អ័ដាម, ព្យាការីដទៃទៀត និងពួកបរិសុទ្ធស្មោះត្រង់ទាំងឡាយនឹងជួបព្រះអង្គសង្គ្រោះនៅទីនេះពីមុនការយាងមកជាលើកទីពីររបស់ទ្រង់ ។
គុកលិបើធី ។ អំឡុងពេលជាប់នៅក្នុងគុកនេះដោយអយុត្តិធម៌ យ៉ូសែប ស្ម៊ីធ បានទទួលវិវរណៈ ដែលឥឡូវនេះ មានកត់ត្រានៅក្នុង គោលលទ្ធិ និង សេចក្ដីសញ្ញា ១២១–១២៣ ។
គុកកាតធេច ។ នៅទីនេះព្យាការី យ៉ូសែប ស្ម៊ីធ និងបងប្រុសរបស់លោកហៃរុម ត្រូវបានគេធ្វើឃាតនៅថ្ងៃទី ២៧ ខែ មិថុនា ឆ្នាំ ១៨៤៤ ( សូមមើល គ. និង ស. ១៣៥) ។
ព្រះវិហារបរិសុទ្ធណៅវូ អិលលីណោយ ។ ព្រះវិហារបរិសុទ្ធណៅវូដែលត្រូវបានបំផ្លិចបំផ្លាញ បន្ទាប់ពួកបរិសុទ្ធបានចាកចេញពីទីក្រុងនៅក្នុងឆ្នាំ ១៨៤៦ ត្រូវបានសាងសង់ និងឧទ្ទិសឡើងវិញនៅក្នុងឆ្នាំ ២០០២ ។
ផ្ទះរបស់ព្រិកហាំ យ៉ង់ ។ នេះគឺជារូបភាពនៃផ្ទះរបស់ព្រិកហាំ យ៉ង់ដែលបានស្តារឡើងវិញនៅក្នុងទីក្រុងណៅវូ រដ្ឋអិលលីណោយ ។
ពួកបរិសុទ្ធប្តូរទៅរស់នៅភាគខាងលិច ។ រូបគំនូរដោយ ស៊ី. ស៊ី. អេ. គ្រីស្ទីនសិន
ព្រះវិហារបរិសុទ្ធ សលត៍ លេក ។ ពួកបរិសុទ្ធបានចំណាយពេល ៤០ ឆ្នាំដើម្បីសាងសង់ព្រះវិហារបរិសុទ្ធសលត៍ លេក ។