Faʻē ʻi he Langí

Ko e tokāteline ko ia ko e Faʻē Fakalangí, ko ha tui fakalotu ia ʻoku paotoloaki mo makehe ki he Kau Māʻoniʻoni ʻi he Ngaahi ʻAho Kimui Ní.¹ Hangē ko e lea ne fai ʻe ʻEletā Dallin H. Oaks ʻo e Kōlomu ʻo e Kau ʻAposetolo ʻe Toko Hongofulu Mā Uá, “ʻOku kamata ʻetau tui fakalotú ʻi ha ongomātuʻa fakalangi. Ko e tumutumu ʻetau fakaʻamú ke hangē ko Kinauá.”² Neongo ʻoku ʻikai ha lekooti ʻo ha fakahā fakapatonu kia Siosefa Sāmita fekauʻaki mo e tokāteline ko ʻení, ka naʻe manatu ha kau fefine ʻi he fuofua Kāingalotu ʻo e Siasí, naʻá ne akoʻi fakatāutaha kiate kinautolu ʻo kau ki ha Faʻē ʻi he Langí.³ Ko e fuofua fakamatala kuo pulusi ʻi he tokāteline ko ʻení, naʻe ʻasi ia hili ha taimi nounou mei he pekia ʻa Siosefa Sāmita ʻi he 1844, ʻi ha tohi naʻe hiki ʻe hono ngaahi kaungā-ngāue mamaé.⁴ Ko e fakamatala ʻiloa taha fekauʻaki mo e fakakaukaú ni, ʻoku maʻu ia ʻi ha maau naʻe faʻu ʻe Eliza R. Snow naʻe ui “My Father in Heaven” pea ʻoku ʻiloa ia ko e himi “ʻE Tamai ʻi Hēvaní.” ʻOku pehē ʻe he taʻangá ni: “[ʻOku tāutaha nai e mātuʻá he langí? / ʻIkai, ko ha fakakaukau taʻeʻuhinga ia; / Moʻoní ko e ʻuhinga—moʻoni taʻengatá / Talamai ʻoku ʻi ai ʻeku faʻē ai.”⁵

Kuo fakapapauʻi ʻe he kau taki kimuiange ai ʻo e Siasí ʻoku ʻi ai ha Faʻē ʻi he Langí. Naʻe akoʻi mai ʻe he Kau Palesitenisī ʻUluakí he 1901, “Ko e kakai tangata mo e kakai fefine kotoa pē ʻi he tatau ʻo e Tamai mo e Faʻē fakamāmani lahí, ko e ngaahi foha mo e ngaahi ʻōfefine kinautolu ʻo e ʻOtuá.”⁶ Naʻe tohi ʻe ha taki ongoongoa ko Susa Young Gates ʻi he 1920, naʻe fakahaaʻi mai ʻe he ngaahi vīsone mo e akonaki ʻa Siosefa Sāmitá e moʻoni “ko e Faʻē fakalangí, ʻokú ne ʻi he tafaʻaki ʻo e Tamai fakalangí.”⁷ Pea ʻi he “Ko e Fāmilí: Ko ha Fanongonongo ki Māmaní,” naʻe tuku mai ʻi he 1995, naʻe fakahaaʻi ai ʻe he Kau Palesitenisī ʻUluakí mo e Kōlomu ʻo e Kau ʻAposetolo ʻe Toko Hongofulu Mā Uá, “Ko e [tokotaha] kotoa pē, ko e foha mo e ʻofefina ia ʻo ha mātuʻa fakalangi, pea mo ha ikuʻanga pau.”⁸

Ngaahi Maʻuʻanga Tokoni ʻa e Siasí

“Mother in Heaven,” Gospel Topics, topics.lds.org.

Ngaahi Maʻuʻanga Fakamatalá

ʻOku ʻoatu ʻe he pulusinga ko ʻení ha ngaahi fakamatala lahi ange fekauʻaki mo e tefito ko ʻení. ʻI hono tuku atu pe fakafehokotaki kimoutolu ki he maʻuʻanga tokoni ko ʻení, ʻoku ʻikai ke mau poupouʻi pe fakapapauʻi atu e kanotohí pe ngaahi fakakaukau ʻa e kau faʻu tohí.

David L. Paulsen and Martin Pulido, “‘A Mother There’: A Survey of Historical Teachings about Mother in Heaven,” BYU Studies, vol. 50, no. 1 (2011), 70–97.

Maʻuʻanga Fakamatalá

1. Vakai, “Becoming Like God,” Gospel Topics, topics.lds.org; vakai foki, Elaine Anderson Cannon, “Mother in Heaven,” ‘i he Encyclopedia of Mormonism, ed. Daniel H. Ludlow, 5 vols. (New York: Macmillan, 1992), 2:961. Ki hano saveaʻi fakaʻauliliki ʻo e ngaahi akonakí ni, vakai ki he David L. Paulsen and Martin Pulido, “‘A Mother There’: A Survey of Historical Teachings about Mother in Heaven,” BYU Studies, vol. 50, no. 1 (2011), 70–97.

2. Dallin H. Oaks, “Apostasy and Restoration,” Ensign, May 1995, 84.

3. ʻOku manatu ʻa Zina Diantha Huntington Young ki he taimi naʻe mālōlō ai ʻene faʻeé ʻi he 1839, naʻe fakafiemālieʻi ia ʻe Siosefa Sāmita ʻo ne talaange te ne toe mamata ki heʻene faʻeé ʻi langi, pea te ne maheni ai mo ʻene Faʻē taʻengatá (Susa Young Gates, History of the Young Ladies’ Mutual Improvement Association of the Church of Jesus Christ of Latter-Day Saints [Salt Lake City: Deseret News, 1911], 15–16).

4. Vakai, W. W. Phelps, “Come to Me,” in “Poetry, for the Times and Seasons,” Times and Seasons, vol. 6 (Jan. 15, 1845), 783.

5. “My Father in Heaven,” ʻi he “Poetry, for the Times and Seasons,” Times and Seasons, vol. 6 (Nov. 15, 1845), 1039; “O My Father,” Hymns, no. 292; vakai foki, Jill Mulvay Derr, “The Significance of ‘O My Father’ in the Personal Journey of Eliza R. Snow,” BYU Studies, vol. 36, no. 1 (1996–97), 84–126.

6. “The Origin of Man,” Improvement Era, vol. 13, no. 1 (Nov. 1909), 78.

7. “The Vision Beautiful,” Improvement Era, vol. 23, no. 6 (Apr. 1920), 542. Taimi ko ʻení ko Gates naʻe sekelitali hiki lekooti ki he Kau Palesitenisī Lahi ʻo e Fineʻofá.

8. “Ko e Fāmilí: Ko ha Fanongonongo ki Māmani,” Ensign pe Liahona, Mē 2017, takafi loto ʻi  muí.