Sura ya 13

Yesu na Nyumba ya Baba Yake wa Mbinguni

Yesu alienda hekaluni Yerusalemu. Watu wengi walikuwa huko kutoa dhabihu kwa kuua mnyama na kumchoma kwenye madhabahu. Dhabihu iliwasaidia watu kufikiria kuhusu Mwokozi, ambaye angejitoa dhabihu Mwenyewe kwa kuteseka na kufa kwa ajili yao.

Mambo ya Walawi 1:3–9; Yohana 2:13; Musa 5:5–7

Baadhi ya watu hawakuwa na mnyama wa kutoa dhabihu. Watu waliwauzia wanyama hekaluni. Wauzaji walitaka kutengeneza pesa nyingi. Hawakufikiria kuhusu Mungu.

Yohana 2:14

Yesu aliwaona watu wakiuza wanyama hekaluni. Alisema kwamba hekalu lilikuwa nyumba ya Baba wa Mbinguni, mahali patakatifu. Alisema watu hawapaswi kununua au kuuza vitu hapo.

Yohana 2:16

Yesu alitengeneza mjeledi, akapindua meza, akatupa pesa sakafuni, na akawafanya wauzaji waondoke hekaluni. Hangewaacha wafanye vitu viovu katika nyumba ya Baba wa Mbinguni.

Yohana 2:15–16