Sura ya 16
Mwana wa Kiongozi
Kiongozi wa Wayahudi alikuwa na mwana aliyekuwa mgonjwa sana. Kila mtu alifikiria kwamba mwana wake angekufa punde.
Mtu huyo alimwacha mwanawe nyumbani na kusafiri maili nyingi kwenda mji wa Kana. Hapo alimpata Yesu.
Mtu huyo alimwomba Mwokozi aje amponye mwanawe. Yesu alimwambia kwamba mwanawe angeponywa. Mtu huyo alimwamini Yesu, na akaanza safari kuelekea nyumbani.
Watumishi wake walikuja kukutana naye. Walimwambia kwamba mwanawe alikuwa anasikia nafuu na angeishi. Aliwauliza ni wakati gani mwanawe alianza kusikia nafuu. Walimwambia. Ilikuwa ni wakati ule ule Yesu alipokuwa amesema kwamba huyo mwana angeponywa.
Mtu huyo alijua kwamba Yesu Kristo alikuwa amemponya mwanawe. Yeye na familia yake yote waliamini katika Mwokozi.