Sura ya 23
Mtu Ambaye Hakuweza Kutembea
Siku moja Yesu alikuwa akifundisha kikundi cha watu ndani ya nyumba.
Watu fulani walimbeba rafiki yao kitandani ili kumwona Yesu. Rafiki huyo hakuweza kutembea. Watu hao hawakuweza kumwingiza ndani ya nyumba kwa sababu ya watu wote waliokuwapo.
Watu walimchukua rafiki yao juu kwenye paa. Walitoa sehemu ya paa na kumshusha rafiki yao ndani ya nyumba.
Alipoiona imani kubwa ya watu hawa, Yesu alimwambia mtu mgonjwa kwamba dhambi zake zilikuwa zimesamehewa. Alimwambia achukue kitanda chake na aende nyumbani. Mtu huyo alisimama. Alikuwa ameponywa. Alichukua kitanda chake na kutembea kwenda nyumbani. Alikuwa na shukrani sana kwa Mungu.