Sura ya 55

Mitume Wanaongoza Kanisa

Yesu akiwafundisha Mitume

Baada ya kufufuka, Yesu alikaa na Mitume Wake kwa siku 40. Aliwafundisha mambo mengi kuhusu injili na Kanisa Lake.

Matendo ya Mitume 1:1–3

Yesu akiwafundisha Mitume

Aliwaambia wafundishe injili kwa watu wote. Alisema pia kwamba punde angewaacha, lakini Roho Mtakatifu angekuja kuwasaidia.

Matendo ya Mitume 1:4–8

Yesu akirudi mbinguni

Mitume walimtazama Yesu akipaa angani katika mawingu. Malaika wawili wakiwa wamevaa nguo nyeupe waliwaambia Mitume kwamba Yesu angerudi kutoka mbinguni siku moja.

Matendo ya Mitume 1:9–11

Petro, Yakobo, na Yohana

Mitume walikuwa sasa viongozi wa Kanisa la Yesu Kristo duniani. Petro alikuwa Rais, na Yakobo na Yohana walikuwa washauri wake.

Mathayo 16:18–19; Mafundisho na Maagano 81:1–2; Yesu Kristo, 219–20

mtu akitawazwa na Mitume

Kulikuwa tu na Mitume kumi na mmoja—Yuda alikuwa amekufa. Baba wa Mbinguni aliwaambia Mitume wamchague Mathiya kuwa mmoja wa Mitume Kumi na Wawili. Mitume wote walikuwa na wito maalumu katika ukuhani.

Mathayo 27:3–5; Matendo ya Mitume 1:15–17, 21–26; Mafundisho na Maagano 102:8

watu wakisali pamoja

Mitume na wanafunzi wengine walikuwa na imani katika Bwana. Walitii amri Zake. Walipendana.

Matendo ya Mitume 2:41–47

Mitume wakiwafundisha watu

Wakiwa na ukuhani na nguvu ya Roho Mtakatifu, Mitume walikuwa na uwezo wa kufanya mambo mengi. Waliwaponya wagonjwa na walikuwa wamisionari. Walifundisha kuhusu Yesu Kristo na injili Yake. Watu wengi waliamini maneno ya Mitume na kujiunga na Kanisa. Waumini wa Kanisa waliitwa Watakatifu.

Matendo ya Mitume 2:2–4, 32–33, 36–43, 47; 3:1–8; Warumi 1:7