Sura ya 17
Watu Wenye Hasira Nazareti
Yesu alienda Nazareti, mji ambao Yeye alikuwa amelelewa.
Yesu alienda kwenye sinagogi, jumba ambapo Wayahudi huenda kanisani. Alisimama na kusoma kutoka kwenye maandiko. Alisoma maneno ya nabii Isaya. Isaya alikuwa amesema kwamba Mwokozi angekuja duniani na kuwasaidia watu wote.
Yesu alipofunga maandiko na kuketi chini, watu wote walimwangalia Yeye.
Yesu alisema kwamba maneno ya Isaya yalikuwa kumhusu Yeye — kwamba Yeye alikuwa Mwokozi. Watu walistaajabishwa na maneno Yake. Walisema, “Huyu siye mwana wa Yusufu?” Hawakuamini kwamba Yesu alikuwa Mwana wa Mungu.
Mwokozi alijua kile walichokuwa wakifikiria. Walimtaka Yeye afanye muujiza. Lakini Yesu aliwaambia kwamba asingewafanyia miujiza kwa sababu hawakuwa na imani Kwake.
Hii iliwafanya watu wawe na hasira. Walimpeleka Yesu kwenye kilele cha mlima na walitaka kumtupa chini.
Yesu aliwatoroka na kwenda kwenye mji mwingine.