Sura ya 26
Yesu Anamsamehe Mwanamke
Mfarisayo alimsihi Mwokozi aende nyumbani kwake na kula pamoja naye.
Mwanamke ambaye alikuwa na dhambi nyingi aliishi katika mji. Alijua kwamba Yesu alikuwa anakula kwenye nyumba ya Mfarisayo yule. Alitaka kumfanyia Yesu jambo la kipekee.
Alipiga magoti na kuosha miguu ya Mwokozi kwa machozi yake. Kisha akapangusa miguu Yake na nywele zake na kuibusu. Aliipaka pia mafuta yenye manukato mazuri. Mfarisayo alijua kwamba mwanamke yule alikuwa amefanya mambo mengi ambayo yalikuwa mabaya. Alifikiria kwamba Yesu hakupaswa kumkubalia mwanamke yule kumgusa.
Mwokozi alijua nini Mfarisayo alikuwa akifikiria. Alimwambia Mfarisayo kwamba yule mwanamke alikuwa amefanya zaidi kumhudumia kuliko Mfarisayo alivyofanya. Mfarisayo hakuwa amempa Yesu maji ya kuosha miguu Yake ama mafuta kwa ajili ya kichwa Chake, kama vile walivyokuwa wakifanyiwa wageni kwa kawaida.
Yesu alimwambia Mfarisayo kwamba dhambi za yule mwanamke zilisamehewa kwa sababu alimpenda Mwokozi na alimwamini. Yesu alimwambia yule mwanamke aende kwa amani.
Luka 7:47–50; Mafundisho na Maagano 58:42–43; Yesu Kristo, 262–63